شينجياڭ ۋاكىلدەر ۇيىرمەسى زاڭ شىعارۋ زاڭىنا وزگەرىس ەنگىزۋ جوباسىن قارادى
ما شيڭرۇي، ەركىن تۇنياز، ءزۇمىرات وبۇل، شوكىرات زاكىر، شاۋكەت يمىن، لي يفي قاراۋعا قاتىناستى
2023.03.09 16:10 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي، لي ياڭ 3 - ايدىڭ 7 - كۇنى بەيجيڭنەن حابارلايدى. 3 - ايدىڭ 7 - كۇنى تۇستەن بۇرىن 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندەگى شينجياڭ ۋاكىلدەر ۇيىرمەسى گرۋپپا ءماجىلىسىن اشىپ، زاڭ شىعارۋ زاڭىنا وزگەرىس ەنگىزۋ جوباسىن قارادى.
مەملەكەتتىك حالىق قۇرىلتايىنىڭ ۋاكىلى، شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى ما شيڭرۇي، مەملەكەتتىك حالىق قۇرىلتايىنىڭ ۋاكىلى ەركىن تۇنياز، ءزۇمىرات وبۇل، شوكىرات زاكىر، شاۋكەت يمىن، لي يفي قاتارلىلار قاراۋعا قاتىناستى. مەملەكەتتىك حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتىندەگى قاتىستى جولداستار ماجىلىسكە قاتىناسىپ، پىكىر تىڭدادى.
ۋاكىل ما شيڭرۇي بىلاي دەدى: زاڭ شىعارۋ زاڭى − مەملەكەتتىڭ زاڭ شىعارۋ ءتۇزىمى مەن زاڭ شىعارۋ قيمىلىن ارناعا تۇسىرەتىن، سوتسياليستىك زاڭمەن باسقارۋدىڭ بىرلىگىن قورعايتىن نەگىزدىك زاڭ. وسى رەتكى زاڭ شىعارۋ زاڭىنا وزگەرىس ەنگىزۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورنالاستىرۋلارى مەن تالاپتارىن ىشكەرىلەي دايەكتىلەندىرىپ، تياناقتاندىرىپ، مەملەكەتتى جاپپاي زاڭمەن باسقارۋدى ىلگەرىلەتۋگە، سوتسياليستىك زاڭمەن باسقارىلاتىن مەملەكەت قۇرۋعا، ءسوز جوق، كەلەلى دە تەرەڭ ىقپال جاسايدى، مەن زاڭ شىعارۋ زاڭىنا وزگەرىس ەنگىزۋ جوباسىن بۇكىلدەي قۇپتايمىن. پارتيا 18 - قۇرىلتايىنان بەرى، باس شۋجي شي جينپيڭنىڭ، پارتيا ورتالىق كوميتەتىنىڭ وسكەلەڭ ءمان بەرۋىندە جانە پارمەندى باسشىلىعىندا، مەملەكەتتىك حالىق قۇرىلتايى جانە ونىڭ تۇراقتى كوميتەتى ءبىر قىدىرۋ پارمەندى شارالار قولدانىپ، زاڭدى عىلمي شىعارۋدى، زاڭدى دەموكراتيالىق جولمەن شىعارۋدى، زاڭ بويىنشا زاڭ شىعارۋدى ىشكەرىلەي ىلگەرىلەتىپ، زاڭدى ارناعا ءتۇسىرۋ جۇيەسى قۇرىلىسىندا تاريحي تابىستارعا قول جەتكىزىپ، جالپى بارىستىق حالىق دەموكراتياسىنىڭ تالابىن جاندى بەينەلەدى. ءبىز ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، پارتيا 20 - قۇرىلتايىندا زاڭ شىعارۋ قىزمەتى جونىندە العا قويىلعان جاڭا مىندەتتەرگە، جاڭا تالاپتارعا ولشەم، ۇلگى بويىنشا تۋرالانىپ، شينجياڭنىڭ ءىس جۇزىندىك جاعدايىمەن ۇشتاستىرىپ، وزگەرىس ەنگىزىلگەننەن كەيىنگى زاڭ شىعارۋ زاڭىن ويداعىداي دايەكتىلەندىرىپ، تياناقتاندىرىپ، شينجياڭدى زاڭمەن باسقارۋدى ۇزدىكسىز ىشكەرىلەي ىلگەرىلەتىپ، جەرگىلىكتى زاڭ ەرەجە شىعارۋ قىزمەتىن شىن مانىندە كۇشەيتەمىز جانە جاقسارتامىز، رەفورمانىڭ، دامۋدىڭ، ورنىقتىلىقتىڭ قاجەتىن ارقاۋ ەتىپ، ءار ۇلت بۇقاراسىنىڭ تىلەگىنە سايكەسىپ، ءتۇيىندى سالالاردا، جاڭادان گۇلدەنگەن سالالاردا زاڭ ەرەجە شىعارۋدى ۇزدىكسىز كۇشەيتىپ، زاڭ ەرەجە شىعارۋدىڭ جۇيەلىلىگىن، تۇتاستىعىن، سايكەسىمدىلىگىن، ۋاقىت ونىمدىلىگىن شىنايى كۇشەيتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە، كورىكتى شينجياڭ قۇرۋعا زاڭمەن باسقارۋ جاعىنان پارمەندى قامتاماسىزدىق ازىرلەيمىز.
ۋاكىل ەركىن تۇنياز بىلاي دەدى: جاڭا جاعداي، جاڭا مىندەت الدىندا، زاڭ شىعارۋ زاڭىنا دەر كەزىندە وزگەرىس ەنگىزۋ، كەمەلدەندىرۋ توتەنشە قاجەتتى. زاڭ شىعارۋ زاڭىنا وزگەرىس ەنگىزۋ جوباسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ باسشىلىعىن، نەگىزگى زاڭنىڭ بەدەلىن جانە حالىقتى وزەك ەتكەن دامۋ يدەياسىن تولىق ايگىلەدى، جاڭا داۋىردەگى زاڭ شىعارۋ قىزمەتىنىڭ امالياتتىق تاجىريبەلەرىن تولىق قابىلدادى، بۇل زاڭ شىعارۋ قىزمەتىن ونان ارى كۇشەيتۋدە جانە جاقسارتۋدا، زاڭمەن باسقارۋ ارقىلى جۇڭگو ۇلگىسىندەگى وسىزامانداندىرۋدى قامتاماسىز ەتۋدە ماڭىزدى مانگە يە، مەن بۇكىلدەي قۇپتايمىن. شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، مەملەكەتتى جاپپاي زاڭمەن باسقارۋ تالابىن شينجياڭ قىزمەتىنىڭ ءار سالاسىندا تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن باسقارۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى بىرگە ىلگەرىلەتۋگە تاباندى بولىپ، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعالاندىرا قۇرىپ، تاماشا زاڭ ارقىلى شەبەرلىكپەن باسقارۋدى قامتاماسىز ەتىپ، دامۋدى جەبەۋ، شينجياڭدى باسقارۋ جۇيەسى مەن باسقارۋ قابىلەتىن وسىزامانداندىرۋدى زاڭمەن باسقارۋ ارناسىمەن ىلگەرىلەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىنە شىنايى كەپىلدىك ەتۋ كەرەك.
ۋاكىل ءزۇمىرات وبۇل بىلاي دەدى: زاڭ شىعارۋ زاڭىنا وزگەرىس ەنگىزۋ جوباسى نەگىزگى زاڭداعى بەلگىلەمەلەرگە، پرينسيپتەرگە جانە رۋحتارعا ۇيلەسەدى، پارتيا ورتالىق كوميتەتىنىڭ مەملەكەتتى زاڭمەن باسقارۋ تالابىنا جانە جاڭا داۋىردەگى زاڭ شىعارۋ قىزمەتىنىڭ قاجەتىنە ۇيلەسەدى، مەن بۇكىلدەي قۇپتايمىن. شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەتتى جاپپاي زاڭمەن باسقارۋ جونىندە ءبىر قىدىرۋ كەلەلى ورنالاستىرۋلار جاساپ، ءبىر قىدىرۋ كەلەلى قىزمەتتەردى ىلگەرىلەتىپ، تاريحي تابىستارعا قول جەتكىزدى. زاڭ شىعارۋ زاڭىنا وزگەرىس ەنگىزۋ پارتيانىڭ زاڭ شىعارۋ قىزمەتىنە جاپپاي باسشىلىعىن ونان ارى كۇشەيتىپ، جالپى بارىستىق حالىق دەموكراتياسىن امالياتتا ايگىلەپ، سوتسياليستىك زاڭمەن باسقارىلاتىن مەملەكەت قۇرۋدى ىلگەرىلەتۋگە ءتيىمدى. شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنىڭ كەلەلى شەشىمدەرىمەن، ورنالاستىرۋلارىمەن تىعىز بىرلەستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدى ارقاۋ ەتىپ، وزگەرىس ەنگىزىلگەننەن كەيىنگى زاڭ شىعارۋ زاڭىن مۇقيات ۇيرەنىپ، ۇگىتتەپ، ويداعىداي دايەكتىلەندىرىپ، زاڭ ەرەجە شىعارۋ قىزمەتى ارناسىن كەمەلدەندىرىپ، جەرگىلىكتى ورىننىڭ زاڭ ەرەجە شىعارۋىن ۇزدىكسىز ارناعا ءتۇسىرىپ، شينجياڭدى جاپپاي زاڭمەن باسقارۋدى اناعۇرلىم ويداعىداي قامتاماسىز ەتۋ جانە ىلگەرىلەتۋ كەرەك.
ۋاكىل لي شيانفا بىلاي دەدى: زاڭ شىعارۋ زاڭىنا وزگەرىس ەنگىزۋ − جاڭا داۋىردەگى پارتيانىڭ زاڭ شىعارۋ قىزمەتىنە جاپپاي باسشىلىعىن كۇشەيتۋدىڭ ناقتى ارەكەتى، نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىن اقاۋسىزداندىرۋدىڭ، كەمەلدەندىرۋدىڭ، سوتسياليستىك زاڭمەن باسقارىلاتىن مەملەكەت قۇرۋدىڭ ماڭىزدى شاراسى، وزگەرىس ەنگىزۋ جوباسىن بۇكىلدەي قۇپتايمىن. باستان - اياق ماسەلەنى باعدار ەتۋدەن جازباي، زاڭنىڭ اتقارىلۋىن ارناعا ءتۇسىرۋ قۇرىلىسىن ىشكەرىلەي ىلگەرىلەتىپ، حالىقتى وزەك ەتكەن زاڭ اتقارۋ ۇستانىمىن بەرىك ورناتۋ، زاڭ اتقارۋدىڭ تۇزىمدىك ولشەمىن اقاۋسىزداندىرۋ، كەمەلدەندىرۋ، ينفورماتسيالاندىرۋدىڭ ىشكەرىلەي قولدانىلۋىن كۇشەيتۋ، زاڭ اتقارۋداعى كورنەكتى ماسەلەلەردى رەتتەۋ - وڭاۋدى كۇشەيتۋ، زاڭ اتقارۋ تاربيەسىن، باۋلۋىن كۇشەيتۋ سياقتى جاقتارعا كۇش سالىپ، ءىس جۇزىندىك ارەكەتىمىز ارقىلى مەملەكەتتى جاپپاي زاڭمەن باسقارۋدا اناعۇرلىم زور ونىمدىلىككە قول جەتكىزۋدى ىلگەرىلەتۋىمىز كەرەك.
شى گاڭ، لي يۇنفي، لي لان، مىڭ نان قاتارلى ۋاكىلدەر جەكە - جەكە ءسوز سويلەپ، زاڭ شىعارۋ زاڭىنا وزگەرىس ەنگىزۋ جوباسىن ءبىر اۋىزدان بۇكىلدەي قۇپتادى. ولار مىنالاردى ءبىلدىردى: زاڭ شىعارۋ زاڭىنا وزگەرىس ەنگىزۋ، كەمەلدەندىرۋ زاڭ شىعارۋ ءتۇزىلىس مەحانيزمىن اناعۇرلىم اقاۋسىزداندىرىپ، زاڭ شىعارۋ قيمىلىن ارناعا ءتۇسىرىپ، زاڭ شىعارۋدىڭ ساپاسى مەن ونىمدىلىگىن جوعارىلاتىپ، كەمەلدى زاڭ ولشەمى جۇيەسىن جەدەل قالىپتاستىرۋعا، جۇڭگوشا سوتسياليستىك زاڭمەن باسقارۋ جۇيەسىن ورناتۋعا، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋعا پارمەندى تۇزىمدىك تىرەك ازىرلەيدى. پارتيا ورتالىق كوميتەتىنىڭ مەملەكەتتى جاپپاي زاڭمەن باسقارۋ جونىندەگى كەلەلى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، وزگەرىس ەنگىزىلگەننەن كەيىنگى زاڭ شىعارۋ زاڭىنىڭ تالابىنا ساي، شينجياڭدى زاڭمەن باسقارۋدى جاپپاي ىلگەرىلەتىپ، جاڭا داۋىردەگى شينجياڭنىڭ جەرگىلىكتى زاڭ ەرەجە شىعارۋ قىزمەتىن ۇزدىكسىز كۇشەيتىپ جانە جاقسارتىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دۇرىس دايەكتىلەندىرۋگە، تياناقتاندىرۋعا شىنايى كەپىلدىك ەتىپ، مەملەكەت زاڭ - ءتۇزىمىنىڭ بىرلىگىن، ابىرويىن، بەدەلىن قورعاپ، شينجياڭنىڭ رەفورماسىنا، دامۋىنا، ورنىقتىلىعىنا اناعۇرلىم ويداعىداي جەتەكشىلىك ەتۋ جانە ونى قورعاۋ، جاڭا جورىقتا جۇڭگو ۇلگىسىندەگى وسىزامانداندىرۋدى ىلگەرىلەتەتىن شينجياڭ امالياتىنا زاڭمەن باسقارۋ جاعىنان پارمەندى قامتاماسىزدىق ازىرلەۋ كەرەك.
مەملەكەتتىك حالىق قۇرىلتايىنىڭ ۋاكىلى ۋاڭ چاۋ، تيان شياڭلي، چىن ۋيجۇن، ۋاڭ ميڭشان، ءمامتىمىن قادىر، سارقىت اقان، شۋە بين، جين جىجىن، ءدىلشات سايىم، گاۋ جيميڭ قاتارلىلار قاراۋعا قاتىناستى، جياڭ شينجۇن، دۋ حۇڭيان قاتارلىلار ماجىلىسكە سىرتتاي قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
