اۆتونوميالى رايوننىڭ ”8 - ناۋرىز“ حالىقارالىق ايەلدەر مەرەكەسىنىڭ 113 جىلدىعىن ەسكە ءتۇسىرۋ جانە ماداقتاۋ - سيلاۋ جينالىسى وتكىزىلدى
ەكونوميكالىق، قوعامدىق دامۋعا جەلەكتىلەردىڭ اقىل - پاراساتى مەن كۇش - قۋاتىن قوسۋ كەرەك
2023.03.09 16:16 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ نا 3 - ايدىڭ 7 - كۇنى ۇرىمجىدەن حابارلايدى. 3 - ايدىڭ 7 - كۇنى اۆتونوميالى رايون ”8 - ناۋرىز“ حالىقارالىق ايەلدەر مەرەكەسىنىڭ 113 جىلدىعىن ەسكە ءتۇسىرۋ جانە ماداقتاۋ - سيلاۋ جينالىسىن وتكىزىپ، باس شۋجي شي جينپيڭنىڭ بۇكىل ەلدەگى ءار ۇلت، ءار سالا ايەلدەرىنە جولداعان مەرەكەلىك قۇتتىقتاۋىن جانە ىزگى تىلەگىن جەتكىزىپ، 10 اۆتونوميالى رايوندىق 8 - ناۋرىز قىزىلتۋشى ۇلگىسىن، 100 اۆتونوميالى رايوندىق 8 - ناۋرىز قىزىلتۋشىنى، 40 اۆتونوميالى رايوندىق 8 - ناۋرىز قىزىلتۋشى كوللەكتيۆىن ماداقتاپ، ءتۇيىندى مىندەتتەردى ورنالاستىردى.
اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ جينالىسقا قاتىناستى.
جينالىس مىنالاردى اتاپ كورسەتتى: بيىل پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، باس شۋجي شي جينپيڭنىڭ شينجياڭدى كوزدەن كەشىرگەن كەزدەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرەتىن، تياناقتاندىراتىن، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتەتىن ماڭىزدى ءبىر جىل. جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ءار دارەجەلى ايەلدەر بىرلەستىگى ۇيىمدارى اۆتونوميالى رايوندىق پارتكومنىڭ قىزمەت تالابىنا ساي، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋ كەرەك.
جينالىس مىنالاردى تالاپ ەتتى: ءار ۇلت ايەلدەرى ساياسي دەڭگەيدى جوعارىلاتىپ، ”ەكىنى تۇراقتاندىرۋدىڭ“ مىزعىماس قورعاۋشىلارى بولىپ، كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتى جولىندا كۇرەس جاسايتىن ۇستانىمدى، سەنىمدى بەكەمدەۋى؛ بورىش ارقالاۋدى كۇشەيتىپ، مەملەكەتتى قۇدىرەتتەندىرۋدى، گۇلدەندىرۋدى ىلگەرىلەتۋدىڭ ەڭ ارداقتى كۇرەسكەرلەرى بولىپ، شينجياڭنىڭ ەكونوميكالىق، قوعامدىق دامۋىن جاپپاي ىلگەرىلەتۋگە جەلەكتىلەردىڭ اقىل - پاراساتى مەن كۇشىن قوسۋ؛ ىنتىماق ۇلى تۋىن بيىك ۇستاپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ باتىل ورىنداۋشىلارى بولىپ، جۇڭحۋا ۇلتىنىڭ ۇلى گۇلدەنۋىن بىرگە ىلگەرىلەتۋ؛ ءداستۇرلى مادەنيەتتى اسقاقتاتىپ، وتباسى وركەنيەتى سالتىنىڭ پارمەندى دارىپتەۋشىلەرى بولىپ، وتباسى مۇشەلەرىمەن بىرگە وتباسىن جاقسى قۇرىپ، تاماشا وتباسى تاربيەسىن جالعاستىرىپ، تاڭداۋلى وتباسى سالتىن اسقاقتاتىپ، وتاندى سۇيەتىن، وتباسىن سۇيەتىن، ەتەنە، سيلاسىمدى، جاقسىلىققا، ىزگىلىككە ۇمتىلعان، بىرگە قۇرىپ، بىرگە يگىلىكتەنەتىن سوتسياليستىك وتباسى وركەنيەتى جاڭا سالتىن قالىپتاستىرۋدى جەبەۋ كەرەك.
جينالىس مىنالاردى تالاپ ەتتى: ءار دارەجەلى ايەلدەر بىرلەستىگى ۇيىمدارى ايەلدەر بىرلەستىگى ۇيىمىنداعى پارتيانىڭ باسشىلىعىن جانە پارتيا قۇرىلىسىن جان - جاقتى كۇشەيتىپ، پارتيا قۇرىلىسى مەن كاسىپتىك قىزمەتتى تەرەڭدەي توعىستىرۋعا تاباندى بولىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاڭا داۋىردەگى شينجياڭنىڭ ايەلدەر ىستەرىنىڭ جانە ايەلدەر بىرلەستىگى قىزمەتىنىڭ جوعارى ساپالى دامۋىن كۇش سالا ىلگەرىلەتىپ، پارتيا الاڭسىز بولاتىن، ايەلدەر قاۋىمى ريزا بولاتىن ۇلگىلى ورگان قۇرۋعا قۇلشىنۋ كەرەك. ساياسي سيپاتتى، العاباسارلىق سيپاتتى، بۇقارالىق سيپاتتى ساقتاۋدى جانە كۇشەيتۋدى توڭىرەكتەي وتىرىپ، نەگىزگى ساتى باعدارىن كۇشەيتىپ، ”بىرلەسۋ“ جاعىنا كۇش سالىپ، ستيلدى جاقسارتۋ جاعىنا كۇش سالىپ، ايەلدەر بىرلەستىگى رەفورماسىن ۇزدىكسىز ىشكەرىلەي ىلگەرىلەتۋ كەرەك. شىن ىنتا - پەيىلمەن ايەلدەر ءۇشىن ناقتى ءىس ىستەپ، ايەلدەردىڭ ۇقىعىن قورعاۋعا قىزمەت وتەۋدەگى ءتۇيىندى، قيىن ماسەلەلەردى شەشۋدى كۇش سالا ىلگەرىلەتىپ، ايەلدەردىڭ ۇقىق - مۇددەسىن زاڭ بويىنشا قورعاپ، ايەلدەر قاۋىمىن اناعۇرلىم كوپ، اناعۇرلىم تىكەلەي، اناعۇرلىم ناقتى تۇردە تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلتۋ كەرەك.
قايسار ابدۇكەرىم جينالىسقا قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
