بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شينجياڭ ”سارى باسىلىمداردى الاستاپ، زاڭسىز باسىلىمدارعا سوققى بەرۋ“ قىزمەتى جونىندەگى بەينە ەكران ءماجىلىسىن اشتى

2023.03.10 15:03     كەلۋ قاينارى : شينجياڭ گازەتى

  انار بۇلت \ شينجياڭ گازەتىنىڭ ءتىلشىسى ۋاڭ نا 3 - ايدىڭ 8 - كۇنى ۇرىمجىدەن حابارلايدى. 3 - ايدىڭ 8 - كۇنى اۆتونوميالى رايون ”سارى باسىلىمداردى الاستاپ، زاڭسىز باسىلىمدارعا سوققى بەرۋ“ قىزمەتى جونىندەگى بەينە ەكران ءماجىلىسىن اشىپ، قىزمەتتەردى قورىتىندىلاپ، جاعدايعا تالداۋ جاساپ، 2023 - جىلعى ”سارى باسىلىمداردى الاستاپ، زاڭسىز باسىلىمدارعا سوققى بەرۋدىڭ“ ءتۇيىندى مىندەتتەرىن ورنالاستىردى. ءماجىلىس مىنالاردى باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ەرلىكپەن العا ۇمتىلاتىن رۋحاني كۇيمەن، شىندىققا جۇگىنىپ، ناقتى ىستەر ىستەيتىن قىزمەت ستيلىمەن ”سارى باسىلىمداردى الاستاپ، زاڭسىز باسىلىمدارعا سوققى بەرۋ“ قىزمەتتەرىن تىڭعىلىقتى ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا اناعۇرلىم زور ۇلەس قوسۋ كەرەك. ءماجىلىس مىنالاردى اتاپ كورسەتتى: قاشاندا وي - سانانى سەرگەك ۇستاپ جانە ستراتەگيالىق تاباندىلىقتى ساقتاپ، جاڭا جورىقتا ”سارى باسىلىمداردى الاستاپ، زاڭسىز باسىلىمدارعا سوققى بەرۋ“ قىزمەتىن ورىستەتۋدىڭ توتەنشە ماڭىزدىلىعىن جەتە تانىپ، پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ سىندى وسى نەگىزگى جەلىنى مىقتاپ ارقاۋ ەتىپ، پارتيا مەن مەملەكەت ىستەرى دامۋىنىڭ جاڭا تالاپتارىن دالمە - ءدال يگەرىپ، حاۋىپسىزدىكتى قورعاۋدى، حاۋىپ - قاتەردەن ساقتانۋدى، ستيلدى دۇرىستاۋدى، دامۋدى جەبەۋدى قىزمەت نىساناسى ەتىپ، حاۋىپسىزدىك تومەنگى شەگىن بەرىك ساقتاپ، حاۋىپسىزدىك قورعانىس شەبىن بەكەمدەۋ كەرەك.

  ءماجىلىس مىنالاردى باسا دارىپتەدى: كۇرەس جۇرگىزۋگە باتىل، كۇرەس جۇرگىزۋگە شەبەر بولىپ، ”سارى باسىلىمداردى الاستاپ، زاڭسىز باسىلىمدارعا سوققى بەرۋ“ قىزمەتىنىڭ ءتۇيىندى مىندەتىن شىن مانىندە مىقتى يگەرىپ، قاتاڭ سوققى بەرۋدىڭ تەگەۋرىندى كۇيىن قاشاندا ساقتاپ، ارناۋلى ارەكەتتى ۇزدىكسىز تەرەڭدەتۋ كەرەك. يدەولوگيا قىزمەتى جاۋاپكەرشىلىك ءتۇزىمىن قاتاڭ تياناقتاندىرىپ، حالىق بۇقاراسىنىڭ اڭىسى كۇشتى سارى، زاڭسىز باسىلىمدارعا ساياتىن قولامتالى، قيىن ماسەلەلەردى مىقتاپ يگەرىپ، ارناۋلى رەتتەۋ - وڭاۋ جۇرگىزىپ، ينتەرنەت كەڭىستىگىن باسقارۋدى كۇشەيتىپ، مادەنيەت قوقىر - قوقسىعىن باتىل الاستاۋ كەرەك. ساياسي جاۋاپكەرشىلىكتى اتقارىپ، قىزمەت مەحانيزمىن كەمەلدەندىرىپ، قوسىن قابىلەتىن كۇشەيتىپ، ”سارى باسىلىمداردى الاستاپ، زاڭسىز باسىلىمدارعا سوققى بەرۋ“ قىزمەت ونىمدىلىگىن شىن مانىندە جوعارىلاتۋ كەرەك.

  ءماجىلىس رايونىمىزدىڭ 2022 - جىلعى ”سارى باسىلىمداردى الاستاپ، زاڭسىز باسىلىمدارعا سوققى بەرۋ“ جاعىنداعى مەملەكەت بويىنشا ماداقتالىپ - سيلانۋ جاعدايىن جانە بۇكىل رايوننىڭ 2023 - جىلعى ”سارى باسىلىمداردى الاستاپ، زاڭسىز باسىلىمدارعا سوققى بەرۋ“ ارەكەت جوباسىن حابارلاندىردى.
جاۋاپتى رەداكتورى : نۇرعيسا قۇرمانجان ۇلى