مادەنيەت - كوركەمونەر سالاسىنداعى مەملەكەتتىك ساياسي كەڭەس مۇشەلەرى ”بالالار كەسكىندەگەن شينجياڭدى“ القادى −
”بۇل شەكارا وڭىردەگى بالالاردىڭ نازارىنداعى وسىزامانداندىرۋ“
□ انار بۇلت \ شينجياڭ گازەتىنىڭ تىلشىلەرى ياۋ تۇڭ، ليۋ شياڭ، ازيا كىندىگى گازەتىنىڭ ءتىلشىسى ليۋ حۇيجۋان
2023.03.10 14:58 كەلۋ قاينارى : شينجياڭ گازەتى
”قاراڭىزدارشى، بۇل شەكارا وڭىردەگى بالالاردىڭ نازارىنداعى وسىزامانداندىرۋ“، - دەدى 3 - ايدىڭ 8 - كۇنى تۇستەن بۇرىن، مەملەكەتتىك ساياسي كەڭەس 14 - كەزەكتى كوميتەتى 1 - ماجىلىسىندەگى مادەنيەت - كوركەمونەر سالاسىنداعىلاردىڭ گرۋپپالار تالقىسىندا، مۇشە ءدىلنار ابلا ”بالالار كەسكىندەگەن شينجياڭ“ تۋىندىلارىنان ءبىر توبىن كورسەتىپ، بۇل، داي بين، لياۋ چاڭيۇڭ، حو جيانچي، جين دۇڭ قاتارلى مۇشەلەردىڭ نازارىن اۋداردى، كوپشىلىك جاپا - تارماعاي باعا بەرىپ، القادى، تالقى ورتاسى قىزا ءتۇستى.
اتىزدا شوق - شوق ماقتا گۇلدەرى جوڭكىلگەن اق تولقىننان اۋمايدى؛ ورماندى تاۋ اراسىندا كەن شۇڭقىرلارى جاسىل جەلەك جامىلعان؛ دەنە تاربيە الاڭىندا ءار ۇلت وقۋشىلارى مەرەكەنى شات مەرەيمەن قۇتتىقتاۋدا؛ وزەن جاعاسىندا سۋ يگىلىگى قۇرىلعىلارى شولدەردى قۇنارلى ەگىستىككە اينالدىرعان؛ عارىشتا، ءتۇرلى عارىش ۇشاقتارى زۋلاۋدا... مۇشە ءدىلنار ابلانىڭ تانىستىرۋىنا ىلەسە، كوركەمونەرشىلەر، ادەبيەت - كوركەمونەر قىزمەتكەرلەرى دە بالالار سۋرەتىمەن توعىسىپ، وتانىمىزدىڭ باتىس تەرىستىگىنە بارعانداي، تيانشان الابىندا جۇرگەندەي بولدى.
”شينجياڭ بالالارىنىڭ نازارىندا ەڭبەك ەرەكشە كوڭىلدى ەكەن“، - دەدى مۇشە جين دۇڭ «كۇزگى تەڭەلۋ. مول ءونىم» دەگەن بالالار سۋرەتىن قولىنا الىپ، سۋرەتتەگى ادامداردىڭ جۇزىنەن قۋانىش لەبى ەسىپ تۇر، بالا كوڭىلى دەگەن وسى، نەتكەن باقىتتى. مۇشە ءدىلنار ابلا وسى سۋرەتتى مۇشە جين دۇڭعا ۇسىنىپ، ونىڭ ارتيست تانىمالدىعىنان پايدالانىپ، اناعۇرلىم كوپ ادامدى شەكاراداعى از ۇلت رايونىنداعى بالالار ىستەرىنىڭ دامۋىنا نازار اۋدارۋعا جەتەكتەۋىن ءۇمىت ەتتى.
شينجياڭنان بەيجيڭگە ۇشاقپەن جەتكىزىلگەن وسى بالالار سۋرەتى ۇيرەنۋدە قۋاتتى ەل شينجياڭ ۇيرەنۋ تۇعىرىنىڭ ”بالالار كەسكىندەگەن شينجياڭ“ قيمىلىندا جينالعان كەيبىر سۋرەتتەردىڭ جايمالانىپ كوبەيتىلگەن نۇسقاسى.
مۇشەلەر قارلى تاۋداعى جايلىم، قۇبا تۇزدەگى جاسىل جامىلعى، ىنتىماقتاسا ءان شىرقاۋ، جوعارى قارقىندى تەمىر جول، ۇشاق، مول ءونىم شاتتىعى، اشۋ، ەسىك اشۋ كەسكىندەلگەن بالالار سۋرەتتەرىن قولدان - قولعا وتكىزىپ تاماشالادى.
”مىنا سۋرەتتەن شينجياڭ اۋىل شارۋاشىلىعىنىڭ وسىزاماندانعاندىعىن كوردىم“.
”تولتىرا تيەلگەن پويەزدەر شىعىسپەن بايلانىس جاساپ، باتىسقا شىعارىلىپ جاتىر، وسى كىشكەنتاي سۋرەتشىلەر’ ءبىر بەلدەۋ، ءبىر جولمەن‘ بىرگە ەرجەتكەن ۇرپاق“.
”بەرەكەلى ادامدار ءان ايتىپ، بيگە باسىپتى، نەدەگەن تاماشا! سۋرەتتىڭ ىشىنە كىرىپ، ولارمەن بىرگە بيگە باسقىم كەلدى“.
...
بالالار سۋرەتى مۇشەلەردىڭ ءتىل تيەگىن اعىتتى، كەيبىرەۋلەرى سۋرەت مازمۇنىنا دەگەن تۇسىنىگىن، كەيبىرەۋلەرى شينجياڭنىڭ دامۋ بولاشاعىن اڭگىمەلەدى. اڭگىمە تاقىرىپتارى شينجياڭنان ايرىلمادى، بالالاردان ايرىلمادى، بولاشاقتان ايرىلمادى.
”جارايدى“. ءاربىر سۋرەتتى دەن قويا كورگەننەن كەيىن، مۇشە حو جيانچي ويلاۋ قابىلەتىنە، جاسامپازدىق قابىلەتىنە تولى شينجياڭ ورەندەرىن القاي كەلىپ: ”شينجياڭنىڭ بولاشاعى، مەملەكەتتىڭ بولاشاعى، ءسوزسىز، اناعۇرلىم كوركەم بولادى“، - دەدى.
مۇشە داي بين ەلىمىزدىڭ مادەنيەت - ساياحات جاعىنداعى مامانى، ول دەرەۋ ۋيشين دوستار شەڭبەرىنە تاراتىپ، ”بالالار كەسكىندەگەن شينجياڭدى“ تانىستىردى. ”اسىرەسە، ناراتتىڭ مىنا سۋرەتىن ۇناتتىم، پاك تە شىنايى ەكەن“، - دەدى مۇشە داي بين، - ”بۇل − مەن ەرەكشە كورگىم كەلەتىن شينجياڭ كورىنىسى، سونداي - اق ەڭ تىڭداعىم كەلەتىن مادەنيەت - ساياحات ءۇنى“.
”بالالار − وتانىمىزدىڭ بولاشاعى. بۇل سۋرەتتەردە وتانىمىز قۇشاعىنداعى شينجياڭنىڭ بولاشاعى سىزىلىپتى“، - دەدى مۇشە ءدىلنار ابلا.
گرۋپپا تالقىسى اياقتادى، ايتسە دە مۇشەلەردىڭ ”بالالار كەسكىندەگەن شينجياڭ“ توڭىرەگىندەگى تالقىنىڭ دۋمانى باسىلار ەمەس، شينجياڭنىڭ بولاشاعىن، مەملەكەتتىڭ بولاشاعىن ارقاۋ ەتكەن تالقىلار ەندى عانا باستالدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
