عىلمي ورنالاستىرۋ جاساپ، شينجياڭ سۋ بايلىعىنان ۇتىمدى پايدالاندى
□ انار بۇلت \ شينجياڭ گازەتىنىڭ ءتىلشىسى ليۋ دۇڭلاي
2023.03.10 15:00 كەلۋ قاينارى : حالىق تورابى
باس شۋجي شي جينپيڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا: جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى، - دەپ باسا دارىپتەدى. جۇڭگو ۇلگىسىندەگى وسىزامانداندىرۋدىڭ ۇلى جورىعىندا، وتانىمىزدىڭ باتىس سولتۇستىك قاقپاسىنداعى شينجياڭ بۇكىل ەلدىڭ سۋ بايلىعى جالپى مولشەرىنىڭ شامامەن ％3ىن يەلەيتىن سۋدان پايدالانىپ، جۇڭگو تەرريتورياسىنىڭ التىدان ءبىرىن يەلەيتىن ءوڭىردىڭ ەكونوميكاسىنىڭ، قوعامىنىڭ جانە ەكولوگياسىنىڭ دامۋىنا تىرەك بولۋى ءارى ونى جەبەۋى قاجەت، سوندىقتان مىندەت اۋىر، جول الىس.
شينجياڭدا قالاي عىلمي ورنالاستىرۋ جاساپ، سۋ بايلىعىنان ۇتىمدى پايدالانۋ − وسىناۋ ولكەنىڭ جوعارى ساپالى دامۋدى جۇزەگە اسىرا الۋ - الماۋىنىڭ نەگىزدىك العى شارتى. قازىر باس شۋجي شي جينپيڭنىڭ ”سۋ ۇنەمدەۋدى الدىمەن ويلاستىرۋ، كەڭىستىكتە تەپە - تەڭ بولۋ، جۇيەلى وڭاۋ، ەكى جاقتان كۇش سالۋ“ سىندى سۋ باسقارۋ باعىتىن جان - جاقتى امالياتتا ايگىلەۋدى مىقتاپ ارقاۋ ەتۋ تيانشان الابىندا تەرەڭ ورىستەتىلدى، شينجياڭ قازىر سۋ بايلىعىنان جوعارى ءونىمدى پايدالانۋ جونىندە ۇزدىكسىز ىزدەنىس جاساۋ ارقىلى 2023 - جىلعى كوكتەمدى قارسى الۋدا.
مەحانيزمدى وڭاپ، جۇيەلى جوسپارلاپ ورنالاستىرۋ
وڭتۇستىك شينجياڭدا كوكتەم ەرتە كەلەدى، وسى كەزدە كۇنلۇن تاۋىنىڭ باۋرايىندا دۇمبە ءبيداي كوكتەپ، تىڭايتقىش بەرىلىپ، العاشقى كوكتەم داقىلدارىن ەگۋ سياقتى قيمىلدار دابىرالى ورىستەتىلەۋدە. ۇقسامايتىنى، نەگىزگى ساتى كادرلارى، شارۋالار، الدە سەلبەستىك كووپەراتيۆى بولسىن، كوكتەمگى اۋىل شارۋاشىلىعىنا ”سۋ“ پايدالانۋ ۋايىمىنان الدەقاشان ارىلا تۇسكەن.
ال 2 جىلدىڭ الدىندا شينجياڭنىڭ اۋىل - قىستاقتارىنداعى بۇقارا كوكتەمدەگى ”القىمدايتىن قۋاڭشىلىق“ جاعدايىنا ءالى كوندىگۋلى ەدى. ەگىس داقىلدارى سۋدى ەڭ قاجەت ەتكەن كەزدە سۋ كەلمەۋ نەمەسە سۋ بولسا دا پايدالانا الماۋ ءبىر مەزەت شينجياڭنىڭ اۋىل شارۋاشىلىعىنىڭ كوكتەمگى جۇمىس كەزىندەگى ەڭ ۇلكەن تەجەمدىك وسال تۇستاردىڭ ءبىرى بولدى.
”سۋدان پايدالاناتىن كەزدە سۋ بولماعاندىقتان، تەك سۋارۋ كەزەك سانىن ازايتاتىنبىز نەمەسە ءبىر جاعىنان سۋارىپ، ءبىر جاعىنان سۋدى تومەنگە قويا بەرەتىنبىز، مۇنداي بولعاندا سۋ ەگىستىك جەردەن تەز جايىلىپ وتەدى دە، جەرگە ءسىڭىپ كەتپەيدى، سۋارىلاتىن اۋماق تا كەڭ بولادى، دەسەدە ءبيداي، الدە ماقتا بولسىن، سۋعا قانىقپايتىن. وسى سەبەپتى ءونىم مولشەرى تومەن بولاتىن“، - دەدى ياركەن اۋدانى ەلىشحۇ قالاشىعى قاراباق قىستاعىنىڭ ديقانى ابدۇكەرىم مامەت.
الايدا 2022 - جىلى ابدۇكەرىم ۋايىمنان ءبىر جولاتا ارىلدى. ”بىلتىرعى سۋ وتە جاقسى بولدى، 40 مۋ جەرگە ەككەن ماقتام، 5 مۋ جەرگە ەككەن ءبيدايىم سۋعا ابدەن قانىقتى، تاپقان اقشام ءالى قالتامدا“. ول سياقتى تاعى ميلليونداعان ديقان سۋدان ەندىگارى ۋايىمدامايتىن بولدى.
2022 - جىلى اۆتونوميالى رايوندىق پارتكوم سۋ − شينجياڭنىڭ ەكونوميكالىق، قوعامدىق دامۋىنىڭ جان تامىرى، نەگىزدىك تابيعي بايلىعى جانە ستراتەگيالىق ەكونوميكالىق بايلىعى ● سۋ بايلىعىنان پايدالانۋ ونىمدىلىگى قانشالىقتى جوعارى بولسا، شينجياڭنىڭ دامۋ كەڭىستىگى سونشالىقتى زور بولادى دەگەندى العا قويدى.
شينجياڭ سۋ بايلىعىن جۇيەلى جوسپارلاپ، ورنالاستىرىپ، سۋ بايلىعىنىڭ ەكونوميكالىق، قوعامدىق، ەكولوگيالىق قۇرىلىستاعى شەشۋشى رولىن ساۋلەلەندىرۋدى عىلمي ءبىر تۇتاس جوسپارلاپ، شينجياڭنىڭ باياندى دامۋىنا قامتاماسىزدىق ازىرلەدى. سۋ ۇنەمدەۋ، سۋ ساقتاۋ، سۋ ورنالاستىرۋ جۇيەسىن ورناتۋدى نەگىزدىك قامتاماسىزدىق ينجەنەريا ەتىپ، سۋ بايلىعىن ۇلەستىرۋدىڭ باسشىلىق ءتۇزىلىسى مەن باسقارۋ مەحانيزمىن رەتتەپ، كەمەلدەندىرىپ، ءوڭىر اتتاعان كەلەلى سۋ بايلىعىن ۇلەستىرۋ ينجەنەرياسىن جانە سۋ بايلىعىن ورنالاستىرۋ - ساقتاۋ قۋاتى قۇرىلىسىن جۇيەلى ىلگەرىلەتىپ، سۋ بايلىعىنان شوعىرلى، ۇنەمدى پايدالانۋدى جۇيەلى كۇشەيتىپ، ەكولوگيالىق ورتانى قورعاۋ قۇرىلىسىن جۇيەلى ويداعىداي يگەردى.
اۆتونوميالى رايوندىق 10 - كەزەكتى پارتكومنىڭ ءۇشىنشى، بەسىنشى جالپى ماجىلىسىندە شينجياڭنىڭ سۋ بايلىعىن باسقارۋ، جونگە سالۋ قىزمەتىنە جۇيەلى ورنالاستىرۋ جاسالىپ، ”دارەجەسىن ءوسىرىپ باسقارۋ، جۇيەلى ۇلەستىرۋ، اپتا سايىن ورنالاستىرۋ، ونىمدىلىگىن شىعارۋ“ قىزمەت مەحانيزمى ورناتىلدى. ال شينجياڭنىڭ ەكونوميكاسىنىڭ، قوعامىنىڭ سۋدان پايدالانۋ جالپى مولشەرىنىڭ باسىم كوبىن يەلەيتىن اۋىل شارۋاشىلىق سالاسى شينجياڭنىڭ سۋ بايلىعىن جۇيەلى باسقارۋدا ەڭ ۇلكەن يگىلىككە كەنەلگەن سالاعا اينالدى. ءار اعىن سۋدىڭ پايدالانىلعان ورنى تۇگەلدەي ءارقايسى اۋدانداردىڭ سۋ يگىلىگى مەكەمەسىنىڭ جىلدىق سۋمەن قامداۋ جوسپارى كەستەسىنە جانە ايلىق سۋارۋعا ىستەتىلەتىن سۋ ساناق كەستەسىنە ايدان انىق جازىلدى.
”ۇزدىكسىز امالياتتا ايگىلەۋ بارىسىندا سۋ الابىنىڭ سۋ بايلىعىن باسقارۋ شەكتى مولشەردە باسقارۋدان سۋمەن قامداۋعا قىزمەت وتەۋگە قاراي بۇرىلىس جاسادى؛ سۋ الابىنىڭ سۋ بايلىعىن ورنالاستىرۋ ۇتىمسىز ورنالاستىرۋدان دالمە - ءدال، ەگجەي - تەگجەيلى بولۋعا قاراي بۇرىلىس جاسادى؛ سۋ الابىنىڭ سۋ بايلىعىن ءبىر تۇتاس جوسپارلاپ ورنالاستىرۋ ەكولوگيانى قورعاۋدى نەگىز ەتۋدەن سۋ حاۋىپسىزدىگى، سۋ ەكولوگياسى، سۋ بايلىعى، سۋ ورتاسى سياقتى كوپ نىسانانى ءبىر تۇتاس جوسپارلاۋعا قاراي بۇرىلىس جاسادى“، - دەدى تارىم وزەنى الابىن باسقارۋ مەكەمەسىنىڭ ورىنباسار باستىعى ۋاڭ فۋيۇڭ.
بيىل اۆتونوميالى رايون سۋ بايلىعىن باسقارۋ ءتۇزىلىسى رەفورماسىن اناعۇرلىم تەرەڭدەتىپ، سۋ بايلىعىن شوعىرلى ءبىر تۇتاس باسقارۋ ءتۇزىلىسىن اناعۇرلىم اقاۋسىزداندىرىپ، سۋ الابى وڭىرلەرىن سايكەسە جونگە سالۋدى، باسقارۋدى كۇشەيتىپ، سۋدان پايدالانۋدىڭ جالپى مولشەرى مەن يكەمدى ۇلەستىرۋدى عىلمي ءبىر تۇتاس جوسپارلايدى. شينجياڭنىڭ سۋ بايلىعىن اشۋ، پايدالانۋدىڭ عىلميلىق سيپاتىن، جۇيەلىلىك سيپاتىن اناعۇرلىم كورنەكتىلەندىرەدى.
سۋدان بايلىق تۋىنداتىپ، مال - مۇلىكتىڭ ۇتىمدى اينالىمىن جانداندىرۋ
بيىل مەملەكەتتىك ساياسي كەڭەستىڭ مۇشەسى، شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگىنىڭ باس ديرەكتورى مەي يۇي جاۋاپكەرشىلىگىنىڭ اۋىر ەكەندىگىن تەرەڭ سەزىندى. ”شينجياڭنىڭ بۇكىل ەلدىڭ جالپى مولشەرىندە وتە از ءبىر بولىگىن يەلەيتىن سۋ بايلىعىنان پايدالانىپ، ءبىر ميلليون 600 مىڭ شارشى كيلومەتردەن اساتىن جەردىڭ ەكونوميكالىق، قوعامدىق دامۋىنا تىرەك ازىرلەۋى اسا وڭايعا سوقپايتىن، الايدا، ءسوزسىز، ورىنداۋعا ءتيىستى ءىسى. سۋ يگىلىگىن دامىتۋعا قارجى قوسۋ توبى تۇعىرلىق رولىن شىن مانىندە ويداعىداي ساۋلەلەندىرىپ، شينجياڭنىڭ سۋ يگىلىگى ىستەرىنىڭ اقاۋسىز دامۋىنا ۇلەس قوسۋ كەرەك“، - دەدى مەي يۇي.
2022 - جىلى 9 - ايدىڭ 23 - كۇنى شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى، بۇل شينجياڭنىڭ سۋ يگىلىگىن دامىتۋ رەفورما تاريحىنداعى بەلگى سيپاتتى مانگە يە ءىرى ءىس. شينجياڭدا وسىدان باستاپ سۋ يگىلىگىنە قارجى قوسۋ - قارجى قۇراۋ، جوبالاۋ - كەڭەس سۇراۋ، ينجەنەريا قۇرىلىسى، اينالىمدى باسقارۋ، كوپ نەگىزدى تيجارات جۇرگىزۋ سياقتىلاردى ءبىر تۇلعالاندىرعان سۋعا ساياتىن باستاماشى كاسىپورنى بار بولدى.
”ءبىز سۋعا ساياتىن ءۇش ءىرى تۇعىردىڭ يقۋاتىن ارقالاپ وتىرمىز“. مەي يۇي بىلاي دەدى: وسى ءۇش ۇلكەن تۇعىر جەكە - جەكە مىنالار: شينجياڭنىڭ سۋ يگىلىگى قۇرىلىسىنىڭ زور دامۋىنا قارجى قوسۋ - قارجى قۇراۋ تۇعىرى، شينجياڭنىڭ سۋ بايلىعىنان عىلمي، جوعارى ءونىمدى پايدالانۋ، ۇلەستىرۋ تۇعىرى، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن سۋ حاۋىپسىزدىگىمەن قامتاماسىز ەتۋ تۇعىرى.
سۋ يگىلىگىن دامىتۋعا قارجى قوسۋ توبىنىڭ قۇرىلۋى شينجياڭنىڭ سۋ يگىلىگىنە قارجى قوسۋ - قارجى قۇراۋ ءتۇزىلىسى رەفورماسىن تەزدەتۋدىڭ، سۋ يگىلىگىنىڭ مەملەكەت مەنشىگىندەگى مال - مۇلكىن ىسكە قوسۋدىڭ، سۋ يگىلىگى نەگىزدىك قۇرىلعىلارىنداعى ولقىلىقتاردى تولىقتاۋدىڭ وبيەكتيۆتىك قاجەتى ءارى شينجياڭنىڭ سۋ يگىلىگى ءتۇزىلىس - مەحانيزمى رەفورماسىنىڭ تابيعي تالابى، سۋ ۇندەمدەۋ، سۋ ساقتاۋ، سۋ ورنالاستىرۋ جۇيەسىن قۇرۋدى ىلگەرىلەتۋ، سۋ بايلىعىن عىلمي ۇلەستىرۋ جانە سۋ يگىلىگىن دامىتۋ، سۋ حاۋىپسىزدىگىن قامتاماسىز ەتۋ قۋاتىن جوعارىلاتۋ، كەلەلى سۋ يگىلىگى ينجەنەريا قۇرىلىسىن ىلگەرىلەتۋ، اۆتونوميالى رايوننىڭ سۋ يگىلىگى ىستەرىنىڭ جوعارى ساپالى دامۋىن جۇزەگە اسىرۋ جونىنەن ءمانى زور.
”سۋعا ساياتىن باستاماشى كاسىپورىن قۇرۋ ارقىلى مەملەكەت مەنشىگىندەگى مال - مۇلىكتى ىسكە قوستى، سۋ يگىلىگىنە قارجى قوسۋعا، قارجى قۇراۋعا تاماشا نەگىز قالادى. بىلتىر سۋ يگىلىگىن دامىتۋعا قارجى قوسۋ توبى ونەركاسىپ پەن اۋىل شارۋاشىلىعىن 2 ميلليارد 260 ميلليون تەكشەمەتر سۋمەن قامدادى، پايداسى 550 ميلليون يۋاننان اسىپ، ءساتتى باستاما اشتى“، - دەدى مەي يۇي.
ال كوپتەگەن قىستاقتاردا سۋ ۇقىعى، سۋ باعاسى رەفورماسىنىڭ ۇتىمدى رولى نەگىزگى ساتىنىڭ سۋ يگىلىگى مال - مۇلكىن ىسكە قوسۋىنىڭ، سۋدان بايلىق تۋىنداتۋىنىڭ ىقشام كورىنىسىنە اينالۋدا. تاياۋ جىلداردان بەرى، شينجياڭ ”مەملەكەت مەنشىگىندەگى سۋ يگىلىگى ينجەنەريالارىنىڭ سۋمەن قامداۋ باعاسى + اياققى توعان جۇيەسىن قورعاۋ اقىسى“ سياقتى سوڭعى سۋ باعاسىن قالىپتاستىرۋ مەحانيزمىن بىرتىندەپ ورناتتى. ”ۇكىمەتتىڭ جەتەكشىلىگى مەن بازاردىڭ رەتتەۋىن ۇشتاستىرۋ؛ سۋ ۇقىعىن ايقىنداۋ؛ جالپى مولشەردى تىزگىندەۋ، نورمالى باسقارۋ؛ اشىق، ءادىل، تۋراشىل بولۋ؛ بەلسەندى دە ۇيلەسىمدى بولۋ، جەرگىلىكتى جاعدايعا قاراي شارا قولدانۋ“ سىندى 5 ۇلكەن پرينسيپ بويىنشا سۋ ۇقىعى، سۋ باعاسى رەفورماسىن جۇرگىزىپ، سۋدىڭ ”قۇنى بولۋدان“ ”بازاردا قۇنى بولۋعا“ قاراي بۇرىلىس جاسادى.
سانجى قالاسى ارليۋگۇڭ قالاشىعى گۋاڭميڭ قىستاعىنىڭ تۇرعىنى جۇڭ لانجى 80 مۋ جەرگە ءجۇزىم ەككەن. ”بۇرىن كوپ سۋمەن جايىپ سۋارعاندا، ءار مۋىنا 400 نەشە تەكشەمەتر سۋ ىستەتىلەتىن، مەن نورمالى سۋدىڭ جەتىسپەي قالۋىنان الاڭدايتىنمىن“، - دەدى ول، - كەيىن تامشىلاتىپ سۋارۋ قۇرىلعىسىن ورناتىپ، ءار مۋ جەرگە 300 تەكشەمەتر سۋ ىستەتەتىن بولدىم، ال اسىپ قالعان سۋدى باسقالارعا ساتىپ بەردىم. اسىپ قالعان سۋ قىمبات ساتىلادى، نورمادان اسىپ كەتكەن سۋ دا قىمبات، سوندىقتان كوپشىلىك لاجىن تاۋىپ سۋ ۇنەمدەيدى“.
”جىگەر - قايراتتى ۇشتاپ“، نەگىزدىك قۇرىلعىلار قۇرىلىسىن جەدەلدەتىپ، قۋات ۇستەۋ
بيىلعى ۇكىمەت قىزمەتىنەن باياندامادا قالا مەن اۋىلدىڭ قورشاعان ورتا نەگىزدىك قۇرىلعىلار قۇرىلىسىن كۇشەيتۋ العا قويىلدى. شينجياڭ سۋ بايلىعى حاۋىپسىزدىگىن قامتاماسىز ەتۋدى بارىنەن دە ماڭىزدى ورىنعا قويۋعا، مەملەكەت حاۋىپسىزدىگى كەلەلى جاعدايىنا قويىپ ويلاسۋعا تاباندى بولىپ، سۋ بايلىعىن جوعارى ءونىمدى ۇلەستىرۋ جانە ۇيلەسىمدى پايدالانۋ قابىلەتى دەڭگەيىن جوعارىلاتۋدى ءبىر تۇتاس جوسپارلادى. تاۋلى وڭىردەن جازىققا دەيىن، سولتۇستىك شينجياڭنان وڭتۇستىك شينجياڭعا دەيىن، سۋ يگىلىگى نەگىزدىك قۇرىلعىلارى قۇرىلىسىنىڭ دەڭگەيى ۇزدىكسىز ارتىپ، شينجياڭنىڭ جۇڭگو ۇلگىسىندەگى وسىزامانداندىرۋ اياق الىسىنىڭ نەگىزىن بەكەمدەۋدە.
بىلتىرعى تاسقىنعا ءساتتى توتەپ بەرگەننەن كەيىن، ياركەن وزەنى الابىنداعى ادامدار سالىنىپ بولعان ارتاش سۋ يگىلىگى تورابى ينجەنەرياسىنا تاعى ءبىر مارتە قۇرمەتپەن قارادى. تاكلاماكان ءشولىنىڭ تاعى ءبىر جاعىندا اقسۋ ايماعىنداعى بۇقارا سالىنىپ جاتقان داشىشيا سۋ يگىلىگى تورابى ينجەنەرياسىنان تاعى دا زور ءۇمىت كۇتىپ وتىر.
سۋ قويمالارىن ۋاكىل ەتكەن سۋ يگىلىگى ينجەنەريالارى قۇرىلىسى رايونىمىزداعى سۋ بايلىعىنىڭ كوتەرىمدىلىك قۋاتىن پارمەندى تۇردە ءوسىردى. ”قازىر شينجياڭدا داشىشيا، يۇرۇڭقاش، قورعان سياقتى كەلەلى سۋ ۇنەمدەۋ، سۋ ساقتاۋ، سۋ ورنالاستىرۋ ينجەنەرياسى مەن مومۇق سياقتى 34 ورتا، شاعىن تۇرپاتتى سۋ قويماسى ينجەنەريالارى جەدەل سالىنۋدا. ارتاش، داشىمىن سۋ يگىلىگى تورابى ينجەنەريالارى جالپىلىق ونىمدىلىگىن ساۋلەلەندىرە باستادى“، - دەدى اۆتونوميالى رايوندىق سۋ يگىلىگى مەڭگەرمەسىنىڭ ورىنباسار باستىعى جياۋ چۋانشي، - بۇل شينجياڭنىڭ اناعۇرلىم كوپ سۋدى ساقتاپ، سۋ بايلىعىن عىلمي ءبىر تۇتاس جوسپارلاپ ۇلەستىرۋ قابىلەتىنىڭ ۇزدىكسىز جوعارىلاعاندىعىن بەينەلەيدى.
ماڭگىلىك توسپالار بۇكىل شينجياڭداعى ءارقايسى باستى وزەن اعارلارىنا جالپىلاستى ءارى ىشكەرىلەي كەڭەيۋدە. بۇكىل رايونىمىزداعى نەگىزگى اعىن، تارماق اعىن، كىشى ارىقتاردان، توعانداردان قۇرالعان سۋ سىڭبەيتىن توعانداردىڭ ۇزىندىعى 74 مىڭ كيلومەتردەن استى. سۋارىلاتىن مەزگىلدە وركەشتەنگەن تولقىندار بەل توعانداردا جوڭكىلىپ، اق تولقىندار كىشى ارىقتاردا سارقىراپ، تاياز سۋلار توعانداردا سىلدىراپ اعىپ، ەڭ سوڭىندا اتىزدارعا باياۋقۇيىلىپ، شۇرقىراعان داۋىستار كوتەرىلۋدە. كۇن سايىن كەمەلدەنگەن سۋ يگىلىگى قۇرىلعىلارى ديقانداردى ەڭ ۇلكەن يگىلىككە كەنەلۋشىگە اينالدىردى، ولار تاسقىننان ساقتانۋ ءۇشىن ەندىگارى قىرۋار ادام كۇشىن، زاتتىق كۇش، قازىنالىق كۇش جۇمسامايتىن بولدى، كەرىسىنشە، جەتكىلىكتى تاسقىن سۋى اكەلگەن پايدادان يگىلىكتەندى. ال بۇكىل رايونىمىزداعى جوعارى ءونىمدى سۋ ۇنەمدەۋ قۇرىلعىلارىن نەگىز ەتىپ دامىعان جوعارى ولشەمدى ەگىس اتىزدارى 50 ميلليون مۋدان استى.
بيىلعى ۇكىمەت قىزمەتىنەن باياندامادا ماڭىزدى ەكولوگيالىق جۇيەنى قورعاۋ جانە قالپىنا كەلتىرۋ كەلەلى ينجەنەياسىن ۇزدىكسىز اتقارۋ العا قويىلدى. ال سۋ يگىلىگى ينجەنەريالارىنىڭ كەڭ كولەمدى سالىنۋى ەكولوگياعا دا ءبىرتالاي سەپتىگىن تيگىزدى. بىلتىر تارىم وزەنى الابىندا تۋىلعان تاريحي سيپاتتى تاسقىندا مىنە وسى ءتۇرلى سۋ يگىلىگى قۇرىلعىلارى بىرلىكتە قالىپتاستىرعان اينالىم جۇيەسىنە سۇيەنىپ، تاسقىندى تارامداۋ جوعارعى اعاردان تومەنگى اعارعا دەيىن ءتارتىپتى جۇرگىزىلىپ، باعىندىرىلعان تاسقىن سۋى ەكولوگيالىق تيەك جانە توعاندار ارقىلى توراڭعى ورمانىنا دامىلسىز اعىپ بارىپ، ماقتا تويىنعان، ءبيداي كەلىستى شىققان، توراڭعى نارلەنگەن اسا تاماشا جاعداي قالىپتاستى.
”بيىل ءبىز كەلەلى سۋ يگىلىگى ينجەنەريالارى قۇرىلىسىن كۇشەيتىپ، تۇراقتى مۇلىككە قوسىلعان قارجىنىڭ ەكونوميكانىڭ ارتۋىن جەبەۋدەگى شەشۋشى رولىن شىن مانىندە ساۋلەلەندىرەمىز“. اۆتونوميالى رايوندىق سۋ يگىلىگى مەڭگەرمەسىنىڭ باس جوبالاۋشىسى چيۋ شىڭبين بىلاي دەپ تانىستىردى: بۇكىل رايونىمىز سۋ يگىلىگى تۇراقتى مۇلكىنە 28 ميلليارد 500 ميلليون يۋان قارجى قوسۋدى جوسپارلادى، بۇل سايكەس مەزگىلدەگى نىسانادان ％13 ارتتى. داشىشيا، يۇرۇڭقاش، قورعان سياقتى كەلەلى سۋ يگىلىگى ينجەنەريالارى مەن 17 جەردەگى ءىرى، ورتا تۇرپاتتى تامشىلاتىپ سۋارۋ رايوندارى قۇرىلىسىن ماڭىزدى ءتۇيىن ەتىپ، جىلدىق سۋ يگىلىگى قۇرىلىسىنا قارجى قوسۋ نىساناسىن ورىنداۋعا شىنايى كەپىلدىك ەتەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
