بەلورۋسسيا بيىل 6 – ايدان بۇرىن شاڭحاي سەلبەستىك ۇيىمىنا مۇشە ەل بولۋ تارتىپتەرىن ورىنداپ بولۋدى جوسپارلادى
2023.03.10 13:53 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى لۋ جينبو 3 – ايدىڭ 9 – كۇنى مينيسكىدەن حابارلايدى. بەلورۋسسيا زۇڭتۇڭى لۋكاشەنكو 3 – ايدىڭ 9 – كۇنى اتالعان ەلدىڭ استاناسى مينيسكىدە: بەلورۋسسيا بيىل 6 – ايدان بۇرىن شاڭحاي سەلبەستىك ۇيىمىنا مۇشە ەل بولۋ تارتىپتەرىن ورىنداپ بولۋدى جوسپارلادى، — دەگەن.
لۋكاشەنكو بىلاي دەگەن: بەلورۋسسيا باقىلاۋشى ەل رەتىندە قازىر قاتىستى زاڭدىق تارتىپتەردى ورىنداۋدا، وسى ارقىلى زاڭدى تۇردە شاڭحاي سەلبەستىك ۇيىمىنىڭ رەسمي مۇشە ەلى بولادى. بەلورۋسسيا بيىل ءۇندىستاندا اشىلاتىن شاڭحاي سەلبەستىك ۇيىمىنىڭ باسشىلار ماجىلىسىنەن بۇرىن اتالعان ۇيىمعا كىرۋدىڭ تارتىپتەرىن ورىنداپ بولۋدى جوسپارلادى.
بەلورۋسسيا 2010 – جىلى شاڭحاي سەلبەستىك ۇيىمىندا كەڭەسشى ەل مارتەبەسىنە يە بولعان، 2015 – جىلى شاڭحاي سەلبەستىك ۇيىمىندا باقىلاۋشى ەل مارتەبەسىنە يە بولعان، 2022 – جىلى 7 – ايدا شاڭحاي سەلبەستىك ۇيىمىنا مۇشە ەل بولۋ جونىندە ءوتىنىش تاپسىرعان. 2022 – جىلى 9 – ايدا شاڭحاي سەلبەستىك ۇيىمى مەملەكەت باسشىلارىنىڭ القالار كەڭەسىنىڭ 22 – رەتكى ءماجىلىسى بەلورۋسسيانى مۇشە ەل قاتارىنا قابىلداۋ ءتارتىبىن باستاۋ جونىندەگى قۇجاتقا قول قويعان.
بيىل 2 – ايدىڭ 9 – كۇنى لۋكاشەنكو زۇڭتۇڭ بۇيرىعىنا قول قويىپ، بەلورۋسسيانىڭ شاڭحاي سەلبەستىك ۇيىمىنا مۇشە ەل مارتەبەسىنە يە بولۋى جانە مىندەتتى ەل بولۋى جونىندەگى ەسكەرتپە جوباسىن ماقۇلداعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
