جۇڭحۋا حالىق رەسپۋبليكاسى، ساۋد ارابياسى پاتشالىعى، يران يسلام رەسپۋبليكاسى ءۇش جاق بىرلەسكەن مالىمدەمە جاريالادى
2023.03.11 11:45 كەلۋ قاينارى : حالىق تورابى
جۇڭحۋا حالىق رەسپۋبليكاسى، ساۋدا ارابياسى پاتشالىعى، يران يسلام رەسپۋبليكاسى 3 – ايدىڭ 10 – كۇنى بەيجيڭدە بىرلەسكەن مالىمدەمە جاريالادى. «مالىمدەمەدە» مىنالار اتاپ كورسەتىلگەن: جۇڭحۋا حالىق رەسپۋبليكاسىنىڭ ءتوراعاسى شي جينپيڭنىڭ جۇڭگونىڭ ساۋد ارابياسى پاتشالىعى مەن يران يسلام رەسپۋبليكاسىنىڭ تاتۋ كورشىلىك قارىم – قاتىناسىن دامىتۋىنا قولداۋ كورسەتەتىنى جونىندەگى بەلسەندى ۇندەۋىنە ءۇن قوسۋ ءۇشىن، ساۋد ارابياسىنىڭ مەملەكەت ىستەرى ءۋازىرى، اكىمشىلىك كەڭسەسىنىڭ مۇشەسى، مەملەكەت حاۋىپسىزدىگى اقىلشىسى مۇسايد بين مۇحاممەد ەبان مەن يراننىڭ ەڭ جوعارى مەملەكەت حاۋىپسىزدىگى كوميتەتىنىڭ حاتشىسى الي شامحاني جەكە – جەكە ساۋد ارابياسى مەن يراننىڭ ۋاكىلدەر ۇيىرمەسىن باستاپ، 3 – ايدىڭ 6 – كۇنىنەن 10 – كۇنىنە دەيىن بەيجيڭدە كەڭەس وتكىزدى.
ساۋد ارابياسى مەن يران ەكى جاق جۇڭگونىڭ مەملەكەت باسشىسىنىڭ جانە ۇكىمەتىنىڭ وسى رەتكى كەڭەستى وتكىزۋدى مىندەتىنە العانىنا جانە وعان قولداۋ كورسەتكەنىنە ءارى ونىڭ ءساتتى وتكىزىلۋىن ىلگەرىلەتكەنىنە ريزالىق ءبىلدىردى ءارى العىس ايتتى. ءۇش ەل مىنانى جاريالايدى: ساۋد ارابياسى مەن يران ءبىر كەلىسىمشارتقا قول قويادى، كەلىسىمشارتتا ەكى جاقتىڭ ديپلوماتيالىق قارىم – قاتىناستى قالپىنا كەلتىرەتىنى، ەڭ كوپ بولعاندا ەكى اي ىشىندە ەكى جاقتا ەلشىلىك جانە ۋاكىلدىك قۇرىلىمدارىن قايتادان اشاتىنى، ءوزارا ەلشى جىبەرۋدى ورنالاستىراتىنى ءارى ەكى جاقتى قارىم – قاتىناستى كۇشەيتۋدى تالقىلايتىنى قامتىلعان. ءۇش ەل حالىقارالىق، وڭىرلىك بەيبىتشىلىك پەن حاۋىپسىزدىكتى كۇشەيتۋگە بارىنشا كۇش سالۋدى قالايتىنىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
