اۋىلعا قايتۋ ساپارىن باستادى
«بەس جۇلدىز شىعىستان كوتەرىلدى» اتتى ءبي تەاترى حوتاندا تۇڭعىش قويىلدى
2023.03.14 15:05 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى يىن لۋ 3 - ايدىڭ 12 - كۇنى حوتاننان حابارلايدى. 3 - ايدىڭ 12 - كۇنى ساعات 21دە «بەس جۇلدىز شىعىستان كوتەرىلدى» اتتى ءبي تەاترى مەملەكەتتىك 1 - دارەجەلى مادەني مۇرا ”بەس جۇلدىز شىعىستان كوتەرىلسە جۇڭگوعا قۇت“ قامقا بىلەكقابى قازىپ الىنعان جەر حوتاندا تۇڭعىش قويىلىپ، 700گە جۋىق كورەرمەن كوپتەن كۇتكەن وسى ءبي تەاترىن تاماشالادى.
«بەس جۇلدىز شىعىستان كوتەرىلدى» اتتى ءبي تەاترىن بەيجيڭ قالالىق پارتكوم ۇگىت ءبولىمى مەن شينجياڭ ۇيعۇر اۆتونوميالى رايوندىق پارتكوم ۇگىت ءبولىمى بىرلەسىپ ىستەگەن، بەيجيڭ ويىن - ساۋىق توبى بەيجيڭ قالاسىنىڭ شينجياڭعا كومەكتەسۋ حوتان قولباسشىلىق شتابىمەن، حوتان ايماقتىق پارتكوم ۇگىت بولىمىمەن بىرلەسىپ دايىنداعان، بەيجيڭ وپەرا - ءبي تەاترحاناسى، حوتان ايماقتىق شينيۇي ءان - ءبي ۇيىرمەسى بىرگە ورىنداعان.
بۇلىقسىعان شىراق ءبيى، سالاۋاتتى دا بايسالدى قامقا كەستە ءبيى، تۇرمىستىق بوياۋى قانىق بازار ءبيى، ايبالتا ءبيى، ايبىندى قورعان ءبيى... وسى تەاتر ارحەولوگيالىق بايقاۋدا قازىپ الىنعان حان پاتشالىعى داۋىرىندەگى مادەني مۇرا ”بەس جۇلدىز شىعىستان كوتەرىلسە جۇڭگوعا قۇت“ قامقا بىلەكقابىن دايەك ەتە وتىرىپ، حان پاتشالىعىنىڭ شەكارا قورعاۋشى ساردارى فىڭنىڭ جيڭجۋە بايىرعى قورعانىندا سولتۇستىكتەگىلەردىڭ باسشىسىنىڭ ۇلى جيانتىمەن، جيڭجۋەنىڭ باسشىسىنىڭ قىزى چۇنجۇنمەن اراداعى قىلىش سۋىرىپ، ساداق كەزەنۋدەن تىزە قوسا قول ۇستاسۋعا دەيىنگى، مۇلدە بەيتانىستىقتان شىنايى مويىنداۋعا دەيىنگى تەرەڭ دوستىق سۇيىسپەنشىلىك ورناتقان اسەرلى اڭگىمەسىن باياندايدى.
”حوتاننان شىققان وسى مەملەكەت اسىلىنىڭ بۇگىنگى كۇنى ءبي تەاترى فورماسىندا ەش ءمىنسىز كورسەتىلۋى پارتيا مەن مەملەكەتتىڭ مادەني ەسكەرتكىشتەردى قورعاۋعا، جالعاستىرۋعا، پايدالانۋعا ەجەلدەن ايرىقشا ءمان بەرىپ كەلگەندىگىنىڭ ارقاسى“، - دەدى كورەرمەن دىڭ جيڭجيڭ.
شينجياڭ مۇراجايىندا ساقتالعان ”بەس جۇلدىز شىعىستان كوتەرىلسە جۇڭگوعا قۇت“ قامقا بىلەكقابى 1995 - جىلى حوتان ايماعىنىڭ نيە اۋدانى نيا ەسكى جۇرتىنان قازىپ الىنعان، جۇڭگوداعى تۇڭعىش توپتاعى شەتەلگە (شەكارادان) شىعارىپ كورمەگە قويۋعا تيىم سالىنعان مادەني مۇرا. ول شينجياڭنىڭ جۇڭگو تەرريتورياسىنىڭ ايرىلماس ءبىر بولىگى ەكەندىگىنىڭ ناقتى دالەلى، جۇڭحۋا ۇلتتارىنىڭ ارالاسقاندىعىنىڭ، ىشتەسكەندىگىنىڭ، توعىسقاندىعىنىڭ تاريحي كۋاسى.
”حيكاياسى كەرەمەت، ءبيى تارتىمدى، تاماشا جاسالعان، بۇل ءبي تەاترىنان ەلى ءىشىنىڭ بىرەگەي ساحنا كوركەمونەر تۋىندىسىنىڭ بيىك دەڭگەيىن كوردىم، سونىمەن بىرگە بۇل مەنىڭ بۇدان بىلايعى ءبي وقىتۋ باعىتىما كوپتەگەن شابىت سيلادى“، - دەدى ءبي وقىتۋشىسى، كورەرمەن ميھىرگۇل ءاماتجان تەبىرەنە.
تۇڭعىش قويىلىمنان كەيىنگى 2 جىلعا تاياۋ ۋاقىتتا «بەس جۇلدىز شىعىستان كوتەرىلدى» ورتالىق كوميتەت ۇگىت ءبولىمىنىڭ 16 - كەزەكتى رۋحاني وركەنيەت قۇرىلىسى ”5 ءبىر ينجەنەرياسىنداعى“ تاڭداۋلى تۋىندى سيلىعىنا جانە 17 - كەزەكتى جۇڭگو ادەبيەت - كوركەمونەر ۇكىمەتتىك سيلىعىنىڭ ”ۋىنحۋا سيلىعىنا“ داڭقپەن يە بولعان. حوتاندا ارالاپ قويىلعاننان كەيىن، بۇل تەاتردى حوتان ايماقتىق شينيۇي ءان - ءبي ۇيىرمەسىنىڭ ورىنداۋشىلارى تۇراقتى ءنومىر رەتىندە ۇزدىكسىز جاتتىعىپ، ورىندايدى.
وسى جولى جوسپار بويىنشا حوتاندا 14 رەت ارالاپ قويادى. حوتان ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى تۇرسۇنگۇل ءماتتوحتى بىلاي دەدى: «بەس جۇلدىز شىعىستان كوتەرىلدى» اتتى بۇل تەاتر جۇڭحۋانىڭ تاڭداۋلى ءداستۇرلى مادەنيەت قورىنداعى يدەيالىق تانىمدى، گۋمانيتارلىق رۋحتى، ءمورال ولشەمىن ىشكەرىلەي جاڭعىرتىپ، كوركەمونەر جاسامپازدىعى ارقىلى جۇڭحۋا مادەنيەتىنىڭ ومىرشەڭدىگىن تاسقىنداتتى. ءبىز حوتانعا تياناقتانعان «بەس جۇلدىز شىعىستان كوتەرىلدىنىڭ» ءبىرشاما جوعارى كوركەمونەرلىك دەڭگەيىن قۇلشىنا ساقتاپ، ونى حوتاننىڭ جارقىن مادەنيەت تانىسقىسىنا اينالدىرامىز.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
