بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ورتالىق كوميتەت ينتەرنەت حاۋىپسىزدىگى جانە ينفورماتسيالاندىرۋ كوميتەتىنىڭ كەڭسەسى ”كىرشىكسىزدىك . ’ جەكە مەديالارداعى‘ بىلىققان جاعدايدى قاتاڭ جونگە سالۋ“ ارناۋلى ارەكەتىن ورىستەتەدى

2023.03.14 14:24     كەلۋ قاينارى : حالىق تورابى

  شينحۋا اگەنتتىگىنىڭ 3 – ايدىڭ 13 – كۇنى بەرگەن حابارى. ورتالىق كوميتەت ينتەرنەت حاۋىپسىزدىگى جانە ينفورماتسيالاندىرۋ كوميتەتىنىڭ كەڭسەسى جۋىردا شىعارعان ۇقتىرۋىندا بىلاي دەپ باسا دارىپتەدى: 2023 – جىلعى ” كىرشىكسىزدىك“ جەلىلەس ارناۋلى ارەكەتىندەگى جوسپار بويىنشا، ورتالىق كوميتەت ينتەرنەت حاۋىپسىزدىگى جانە ينفورماتسيالاندىرۋ كوميتەتىنىڭ كەڭسەسى ەكى اي مەرزىم بويىنشا ” كىرشىكسىزدىك . ’ جەكە مەديالارداعى‘ بىلىققان جاعدايدى قاتاڭ جونگە سالۋ“ ارناۋلى ارەكەتىن ورىستەتەدى، الەۋمەتتىك قارىم - قاتىناس، قىسقا كەسكىن، ينتەرنەتتىك تىكە تاراتىلىم قاتارلى مازمۇنداعى ءتۇيىندى تەكشەلەرگە نازاردى شوعىرلاندىرىپ، ”جەكە مەديالارداعى“ وسەك – اياڭ تاراتۋ، جالعان ەلىكتەۋ، بەلگىلەمەگە قايشى تيجارات جۇرگىزۋ قاتارلى كورنەكتى ماسەلەلەرگە باعىتتاي وتىرىپ، باتىل سوققى بەرىپ، قاتاڭ ءبىر جاقتى ەتىپ، كىرشىكسىز ينتەرنەت كەڭىستىگىن جاراتادى.

  ۇقتىرۋدا اتاپ كورسەتىلۋىنشە، ارناۋلى ارەكەتتەگى باستى مىندەتتەر مىنالاردى قامتيدى: وسەك – اياڭ، زالالدى مازمۇندار جانە جالعان مازمۇندار تاراتقان ”جەكە مەديالارعا“ قاتاڭ سوققى بەرۋ؛ رەسمي قۇرىلىمدارعا، اقپارات قۇرالدارىنا جانە بەلگىلى جەكە تۇلعالارعا ەلىكتەگەن جالعان ”جەكە مەديالاردى“ باتىل توقتاتۋ؛ ”جەكە مەديالاردىڭ“ بەلگىلەمەگە قايشى تيجارات جۇرگىزۋ ارەكەتتەرىن جان – جاقتى جونگە سالۋ.

  مۇندا، ”جەكە مەديالار“ جالعاننان جاساعان زالالدى مازمۇندارعا سوققى بەرۋدە، باستىسى، الەۋمەتتىك ساياسات، ماكرولىق ەكونوميكا جاعدايى، اۋىر اپاتتار مەن شىرعالاڭدار، قوعامداعى قولامتالى وقيعالار قاتارلىلاردى جەلەۋ ەتىپ، ءسوزدى ءۇزىپ – جۇلىپ بۇرمالاپ ءتۇسىندىرۋ، دۇرىس پەن بۇرىستى شاتاستىرىپ، كۇيە جاعۋ جانە سوقتىعۋ، كۇيزەلىستى جاعدايدى اسىرەلەۋ جانە ەگەسۋگە جەلىكتىرۋ، پارتيا مەن ۇكىمەتتىڭ وبرازىن بۇلدىرەتىن، ەكونوميكا مەن قوعامنىڭ دامۋىنا كەدەرگى بولاتىن زالالدى مازمۇنداردى جاساۋ قاتارلىلار قامتىلادى.

  ”جەكە مەديالاردىڭ“ ءالسىز توپتاردان پايدالانىپ كورىلىمدى اقشاعا اينالدىرۋىنا قاتاڭ سوققى بەرۋدە مىنالار قامتىلادى: قارتتاردى الداۋ، شىرعالاۋ ارقىلى كەسكىنگە ءتۇسىرۋ، تىكە تاراتىلىمعا شىعارۋ ارقىلى الدامشىلىق جولىمەن توراپتاستاردىڭ قولداۋ كورسەتۋىنە، اقشالاي سيلاۋىنا، جىلۋ اتاۋىنا يە بولۋ قاتارلىلار؛ مۇگەدەكتەردى الداۋ، شىرعالاۋ ارقىلى قيىنشىلىعىن كورسەتۋ، كۇلكى ەتۋ، جابىرلەۋ قاتارلى زاڭعا قايشى، ءمورالعا جات تاسىلدەرمەن كورىلىمگە يە بولۋ قاتارلىلار.

  ۇقتىرۋعا نەگىزدەلگەندە، جەر – جەردەگى ينتەرنەت حاۋىپسىزدىگى جانە ينفورماتسيالاندىرۋ تاراۋلارى توراپتار مەن تەكشەلەردى ءوزىن – ءوزى قاتاڭ تەكسەرۋگە قۋزاپ، بىلە تۇرا بەلگىلەمەگە قايشى كەلگەن، قايتا – قايتا تاربيە بەرسە دە وزگەرتپەگەن ”جەكە مەديالاردى“ قاتاڭ، اۋىر جازالايدى؛ پارمەندى باسقارماعان، ىرقىنا جىبەرگەن توراپتار مەن تەكشەلەرگە زاڭ بويىنشا شەكتى مەرزىمدە جونگە سالۋ، اقشالاي ايىپ سالۋ، قاتىستى يقۋاتتارىن توقتاتۋ، جابۋ جانە قولدانىستان قالدىرۋ قاتارلى جازالاۋ شارالارىن اتقارىپ، ”جەكە مەديالار“ مەن توراپتارعا، تەكشەلەرگە وزدەرىن جاقسى باسقارۋ جاعىندا ەسكەرتۋ بەرەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى