”2023 – جىلعى شينجياڭ كينو اپتالىعى“ باستالدى
ۇزدىك تۋىندىلاردان 9 تۋىندى شوعىرلى قويىلادى
2023.03.12 15:25 كەلۋ قاينارى : حالىق تورابى
سۋرەتتە: 2023 – جىلعى شينجياڭ كينو اپتالىعىنىڭ باستالۋ سالتى. پان چي فوتوسى
جۇڭگو اقپارات تورابىنىڭ 3 – ايدىڭ 10 – كۇنى ۇرىمجىدەن بەرگەن حابارى. (پان چي) شينجياڭ ۇيعۇر اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق پارتكومعا تىكە قاراستى ورگاندارداعى قىزمەت كوميتەتى، اۆتونوميالى رايوندىق مادەنيەت – ساياحات مەڭگەرمەسى بىرگە ۇيىمداستىرعان ”جاڭا داۋىردە تىلەكتەردى توعىستىرىپ، كۇش – قۋاتتى شوعىرلاندىرىپ، ىنتىماقتاسا جاڭا جورىققا ەكپىندەي ىلگەرىلەۋ — 2023 – جىلعى شينجياڭ كينو اپتالىعى“ قيمىلىنىڭ باستالۋ سالتى ءۇرىمجى قالاسىندا وتكىزىلدى.
وسى رەتكى كينو اپتالىعى ءۇش مەرزىمگە بولىنەدى، ءار مەرزىمنىڭ وزىندىك تاقىرىبى بار، شينجياڭداعى ۇزدىك كينولاردان 9 كينو شوعىرلى قويىلادى، بۇل كينولاردىڭ تاقىرىبى باي، ءتۇرى مول، ستيلى ءار ءتۇرلى، شينجياڭنىڭ اسەم كورىنىستەرىن بەينەلەگەن «ءان قاناتى» دا، شينجياڭ حالقىنىڭ تاماشا تۇرمىسقا تالپىنعان اسەرلى حيكالارىن بەينەلەگەن «تاكلاماكانداعى بارابان داۋىسى» دا قامتىلعان؛ ۇلتتار ىنتىماعى تاقىرىبىنداعى «كۇنلۇندىك اعايىندىلار» اتتى فيلىم دە، ”پامير قىرانى“ لاچين بايەكەگە قۇرمەت بىلدىرگەن «گۇل نەلىكتەن وسىنشاما قىزىل» اتتى فيلىم دە قامتىلعان، مۇنان سىرت، شينجياڭ حوتانداعى ”بىلەگىنەن ايرىلعان بالانىڭ“ شىنايى ىستەرىنەن تۇسىرىلگەن «كادۋەلگى باتىر» اتتى فيلىم دە قويىلادى.
باستالۋ سالتىندا «گۇل نەلىكتەن وسىنشاما قىزىل» اتتى فيلم قويىلدى. وسى رەتكى كينو اپتالىعى 3 – ايدىڭ 10 – كۇنىنەن باستاپ، 7 – ايدىڭ 15 – كۇنىنە دەيىن بولادى، كينو قويۋ زالىنان ارناۋلى 4 زال ورنالاستىرىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
