شەتەل باسشىلارى شي جينپيڭنىڭ مەملەكەت ءتوراعالىعىنا سايلانعاندىعىن قىزۋ قۇتتىقتادى
2023.03.15 14:31 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى. تاعى ءبىر ءبولىم ەلدەردىڭ باسشىلارى ىركەس - تىركەس تەلەگرامما جولداۋ، حات جولداۋ سياقتى تاسىلدەر ارقىلى شي جينپيڭنىڭ جۇڭحۋا حالىق رەسپۋبليكاسىنىڭ ءتوراعالىعىنا سايلانعاندىعىن قىزۋ قۇتتىقتادى.
زامبيانىڭ زۇڭتۇڭى حيچيلەما مىنالاردى ءبىلدىردى: ءتوراعا شي جينپيڭنىڭ باسشىلىعىندا، جۇڭگو دۇنيە ءجۇزى ەكونوميكاسىنىڭ نەگىزگى قاتىسۋشىسىنا جانە وركەندەپ كەلە جاتقان ەلدەردىڭ قوعامىنىڭ، ەكونوميكاسىنىڭ تيپ جاڭالاۋىنىڭ ۇلگىسىنە اينالدى. ءتوراعا شي جينپيڭنىڭ تاعى دا سايلانۋى جۇڭگو حالقىنىڭ ءتوراعا شي جينپيڭنىڭ باسشىلىعىندا بەيبىتشىلىك، حاۋىپسىزدىك، گۇلدەنۋ، دامۋ جولىنا ۇزدىكسىز تاباندى بولۋدى ءۇمىت ەتەتىندىگىن بەينەلەدى. زامبيا جاق جۇڭگومەن اناعۇرلىم تىعىز قارىم - قاتىناستى دامىتۋدى ءۇمىت ەتەدى.
رۋاندانىڭ زۇڭتۇڭى كاگامي مىنانى ءبىلدىردى: ءسىزدىڭ سايلانۋىڭىز جۇڭگو حالقىنىڭ سىزگە دەگەن اسا زور سەنىمى مەن نانىمىن ايگىلەدى، ءسىزدىڭ جۇڭگوعا باسشىلىق ەتىپ، اناعۇرلىم زور تابىستارعا قول جەتكىزەتىندىگىڭىزگە سەنەمىن. مەن سىزبەن تىعىز سەلبەسىپ، ەكى ەلدىڭ ەرەن دوستىق قارىم - قاتىناسىن ۇزدىكسىز كۇشەيتۋدى قالايمىن.
كورەيانىڭ زۇڭتۇڭى يىن شييۋە مىنانى ءبىلدىردى: ءسىزدىڭ جۇڭحۋا حالىق رەسپۋبليكاسىنىڭ ءتوراعالىعىنا تاعى دا سايلانعانىڭىزدى قۇتتىقتايمىن. بىلتىر 20 ەل توبى باسشىلارىنىڭ باس قوسۋى كەزىندە مەن سىزبەن تۇڭعىش رەت كورەيا − جۇڭگو مەملەكەت باسشىلارىنىڭ ديدارلاسۋىن وتكىزىپ، ەكى ەل قارىم - قاتىناسىنىڭ دامۋى جونىندە پايدالى كەڭەس جاسادىق. بۇدان بىلاي سىزبەن تىعىز قارىم - قاتىناستى ۇزدىكسىز ساقتاپ، ەكى ەلدىڭ اۋىس - كۇيىسىن، سەلبەستىگىن اناعۇرلىم تەرەڭدەتۋدى ءۇمىت ەتەمىن.
بانگلادەشتىڭ زۇڭليى حاسينا مىنانى ءبىلدىردى: ءسىزدىڭ تاعى دا سايلانۋىڭىز بۇكىل جۇڭگو حالقىنىڭ سىزگە دەگەن بەرىك نانىمى مەن شىنايى سەنىمىن ايگىلەدى. ءسىزدىڭ كورەگەندىگىڭىز ۇلى جۇڭگونىڭ ۇزدىكسىز العا باسۋىنا باسشىلىق ەتىپ، جۇڭگو ۇلگىسىندەگى وسىزامانداندىرۋدى ءساتتى جۇزەگە اسىرادى.
گرەنادانىڭ زۇڭليى ميچەل مىنانى ءبىلدىردى: جۇڭگو حالقى ءسىزدىڭ كورەگەندىگىڭىزگە تولىق سەنەدى. مەن ءسىزدىڭ بورىشتىلىق سەزىمگە باي باسشىلىعىڭىزدىڭ جۇڭگونىڭ اناعۇرلىم زور دامۋدى جۇزەگە اسىرۋىنا شىنايى كەپىلدىك ەتەتىندىگىنە سەنەمىن.
كۋبانىڭ توڭكەرىستىك كوسەمى راۋل كاسترو داجياڭ مىنانى ءبىلدىردى: ءسىز مەملەكەتتىڭ دامۋىنا جانە حالىققا بار زەيىن قۋاتىڭىزدى ارناپ، كوپ ءتۇرلى الەمدىك باستامانى ىلگەرىلەتىپ، حالىقارالىق قوعامداعى باسىم كوپ ساندى ەلدەردىڭ قولداۋىنا يە بولدىڭىز. كۋبا مەن جۇڭگونىڭ دوستىق سەلبەستىك قارىم - قاتىناسى باعالى تاريحي مۇراگەرلىككە، ستراتەگيالىق ەرەكشەلىككە جانە ۇلاسپالى قامتاماسىزدىققا يە، كۋبا كۋبا مەن جۇڭگونىڭ جان - جاقتى سەلبەستىك قارىم - قاتىناسىنا ايرىقشا ءمان بەرەدى ءارى ونى ۇزدىكسىز ىلگەرىلەتەدى.
اراب ەلدەرى وداعىنىڭ باس حاتشىسى گايت مىنانى ءبىلدىردى: ءسىزدىڭ تاعى دا سايلانۋىڭىز جۇڭگو حالقىنىڭ ءسىزدىڭ باسشىلىعىڭىزعا جانە ەل باسقارۋداعى اقىل - پاراساتىڭىزعا سەنەتىندىگىنىڭ ەڭ جاقسى دالەلى، دوس جۇڭگو حالقىنىڭ اناعۇرلىم زور العا باسۋىن جانە باياندى گۇلدەنۋىن تىلەيمىن. اراب ەلدەرى وداعى اراب ەلدەرىمەن جۇڭگونىڭ ستراتەگيالىق سەرىكتەستىك قارىم - قاتىناسىن اناعۇرلىم جوعارىلاتۋدى قالايدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
