سىرتقى ىستەر مينيسترلىگىنىڭ مالىمدەمەشىسى: ۋكراينا سوعىس مايدانىن قارۋمەن قامداعان جۇڭگو جاق ەمەس، ا ق ش جاق
2023.03.21 14:01 كەلۋ قاينارى : حالىق تورابى
شينحۋا اگەنتتىگىنىڭ 3 – ايدىڭ 20 – كۇنى بەيجيڭنەن بەرگەن حابارى. ا ق ش ۇكىمەتىنىڭ حابارشىسىنىڭ جۇڭگوعا قاتىستى ايتقان سوزىنە قاراتا، سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 3 – ايدىڭ 20 – كۇنى وتكىزىلگەن كەزەكتى تىلشىلەر جينالىسىندا سۇراۋعا جاۋاپ بەرگەندە بىلاي دەدى: ۋكراينا سوعىس مايدانىن قارۋمەن قامداعان جۇڭگو جاق ەمەس، ا ق ش جاق. ا ق ش وتقا ماي قۇيۋدى توقتاتىپ، ۋكراينا داعدارىسىن ساياسي جولمەن شەشۋ جولىندا سىندارلى رول اتقارۋى كەرەك، كەرىسىن ىستەمەۋ كەرەك.
ۋاڭ ۋىنبين بىلاي دەدى: جۇڭگو ۋكراينا ماسەلەسىندە وبيەكتيۆ، ءادىل مايداندا تۇرادى، جۇڭگونىڭ ىستەگەنىنىڭ ءبارىن ءبىر اۋىز سوزگە جيناقتاۋعا بولادى. جۇڭگو باستان - اياق بەيبىتشىلىك جاقتا، تىلدەسۋ جاعىندا، تاريحتىڭ دۇرىس جاعىندا تۇرىپ، ۋكراينا داعدارىسىن ساياسي جولمەن شەشۋدە ۇزدىكسىز سىندارلى رول اتقارادى.
«ا ق ش ۇكىمەتىنىڭ حابارشىسى ايتقان سوزگە كەلسەك، مەن ۋكراينا سوعىس مايدانىن قارۋمەن قامداعان جۇڭگو جاق ەمەس، قايتا ا ق ش جاق دەگەندى باسا دارىپتەگىم كەلەدى». ۋاڭ ۋىنبين بىلاي دەدى: ا ق ش جاق وتقا ماي قۇيعاندى، قولتىققا سۋ بۇركۋدى توقتاتۋى، باسقا ەلدەرگە كوسەمسۋىن، قۇقاي كورسەتۋىن توقتاتۋى، ۋكراينا داعدارىسىن ساياسي جولمەن شەشۋ ءۇشىن، كەرىسىن ىستەمەي، قايتا سىندارلى رول اتقارۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved