ىستىق بەلدەۋ قۇيىنىنان مالاۆيدا 476 ادام ءولدى
2023.03.21 14:08 كەلۋ قاينارى : حالىق تورابى
شينحۋا اگەنتتىگىنىڭ 3 – ايدىڭ 20 - كۇنى لۋساكادان بەرگەن حابارى. مالاۆي اپات ىستەرىن باسقارۋ مەكەمەسى 3 - ايدىڭ 19 - كۇنى كەشتە حابارلاندىرۋ جاريالاپ بىلاي دەدى: ىستىق بەلدەۋ قۇيىنى «فرەديدەننىڭ» كەسىرىنەن تۋىلعان تاسقىن، كۇشتى بوران جانە لاي تاسقىنى سياقتى اپاتتاردان وسى ەلدىڭ وڭتۇستىك بولەگىندە 476 ادام ءولىپ، 349 ادام ءىز - توزسىز كەتتى، 918 ادام جارالاندى، 490 مىڭنان استام ادام امالسىزدان باسقا جەرگە كوشىرىلىپ ورنالاستىرىلدى.
مالاۆيدىڭ زۇڭتۇڭى چاكۆيلا وڭتۇستىكتەگى اپاتقا ەڭ قاتتى ۇشىراعان 10 رايوننىڭ شۇعىل جاعدايعا وتكەندىگىن جاريالادى ءارى حالىقارالىق قوعامدى ءتىپتى دە كوپ ادامگەرشىلىك كومەك بەرۋگە ۇندەدى. كەزەكتە مالاۆي ۇكىمەتى اپاتقا ۇشىراعان حالىققا 533 ۋاقىتتىق ورنالاستىرۋ لاگەرىن قۇردى. قىرۋار مەكتەپتەر ۋاقىتشا ورنالاستىرۋ لاگەرى رەتىندە پايدالانۋعا الىنعاندىقتان، مالاۆي وقۋ - اعارتۋ مينيسترلىگى وڭتۇستىك رايوندارداعى مەكتەپتەردىڭ 3 - ايدىڭ سوڭىنان بۇرىن ساباق توقتاتاتىندىعىن جاريالادى.
مالاۆي اۋىر حولەرا ىندەتىنە ۇشىراپ، 2022 – جىلى 3 - ايدان باستاپ 1600 دەن استام ادامم ءولدى. كوپشىلىك ىستىق بەلدەۋ قۇيىنى الا كەلگەن قىرۋار جاۋىن – شاشىننىڭ ىندەت جاعدايىن اسقىندىرۋىنان الاڭداۋدا.
ب م ۇ - نىڭ ادامگەرشىلىك ىستەرىن سايكەستىرۋ كەڭسەسى 3 – ايدىڭ 19 - كۇنى ب م ۇ - نىڭ ورتالىق شۇعىل جاعدايعا توتەپ بەرۋ قورىنان 5 ميلليون 500 مىڭ ا ق ش دوللارى بوساتىلىپ، مالاۆيدىڭ وڭتۇستىگىندەگى اپاتقا ۇشىراعان حالىقتى قۇتقارۋعا جۇمسالاتىندىعىن جاريالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
