ءۇش تاراۋ ەلەكتروندىق سپورت قوناق ۇيلەرىنىڭ ازامات جاسىنا تولماعانداردى بەلگىلەمەگە قايشى قابىلداۋىنا قاتاڭ تيىم سالۋ جونىندە بەلگىلەمە شىعارماقشى
2023.03.20 14:59 كەلۋ قاينارى : حالىق تورابى
ءتىلشىنىڭ 3 – ايدىڭ 17 – كۇنى مادەنيەت جانە ساياحات مينيسترلىگىنەن ۇعىسۋىنشا، مادەنيەت جانە ساياحات مينيسترلىگى قاتارلى تاراۋلار ەلەكتروندىق سپورت قوناق ۇيلەرىنىڭ ازامات جاسىنا تولماعانداردى قورعاۋ قىزمەتىن كۇشەيتۋ جونىندە اشىق پىكىر قابىلداعان، ەلەكتروندىق سپورت قوناق ۇيلەرىنىڭ ازامات جاسىنا تولماعانداردى بەلگىلەمەگە قايشى قابىلداۋىنا قاتاڭ تيىم سالۋ جونىندە بەلگىلەمە شىعارماقشى.
مادەنيەت جانە ساياحات مينيسترلىگىنىڭ، قوعام حاۋىپسىزدىگى مينيسترلىگىنىڭ، مەملەكەتتىك كەڭەستىڭ ازامات جاسىنا تولماعانداردى قورعاۋ قىزمەتىنە باسشىلىق ەتۋ گرۋپپاسىنىڭ كەڭسەسى زەرتتەۋ ارقىلى «مادەنيەت جانە ساياحات مينيسترلىگىنىڭ، قوعام حاۋىپسىزدىگى مينيسترلىگىنىڭ، مەملەكەتتىك كەڭەستىڭ ازامات جاسىنا تولماعانداردى قورعاۋ قىزمەتىنە باسشىلىق ەتۋ گرۋپپاسى كەڭسەسىنىڭ ەلەكتروندىق سپورت قوناق ۇيلەرىنىڭ ازامات جاسىنا تولماعانداردى قورعاۋ قىزمەتى جونىندەگى ۇقتىرۋدى (پىكىر الىناتىن نۇسقا)» دايىنداعان، 3 – ايدىڭ 17 – كۇنى قوعامعا اشىق جاريالاپ، پىكىر قابىلداعان.
پىكىرگە نەگىزدەلگەندە، ەلەكتروندىق سپورت قوناق ۇيلەرى دەگەنىمىز ەلەكتروندىق سپورت بولمەلەرىن ورنالاستىرۋ ارقىلى تۇتىنۋشىلاردىڭ ەلەكتروندىق سپورتپەن كوڭىل اشۋىنا قىزمەت وتەيتىن جاڭا تيپتەگى قونالقى كاسىپ ءتۇرىن كورسەتەدى، مۇندا بارلىق بولمەلەرى تۇگەلدەي ەلەكتروندىق سپورت بولمەسى بولىپ ورنالاستىرىلعان كاسىپتىك ەلەكتروندىق سپورت قوناق ۇيلەرى جانە ءبىر ءبولىم بولمەلەرىنەن پايدالانىپ ەلەكتروندىق سپورت بولمەلەرىن اشقان كاسىپتەن سىرتقى ەلەكتروندىق سپورت قوناق ۇيلەرى قامتىلادى.
پىكىردە مىنالار اتاپ كورسەتىلگەن: ەلەكتروندىق سپورت قوناق ۇيلەرىنىڭ ازامات جاسىنا تولماعانداردى بەلگىلەمەگە قايشى قابىلداۋىنا قاتاڭ تيىم سالىنادى. كاسىپتىك ەلەكتروندىق سپورت قوناق ۇيلەرى مەن كاسىپتەن سىرتقى ەلەكتروندىق سپورت قوناق ۇيلەرىنىڭ ەلەكتروندىق سپورت بولمەلەرى ازامات جاسىنا تولماعانداردىڭ ينتەرنەتتىك ويىندارعا قۇمارتۋى قاتارلى ماسەلەلەردى وڭاي تۋىنداتادى، ازامات جاسىنا تولماعاندارعا ۇيلەسپەيتىن قيمىل ورنى سانالادى. ەلەكتروندىق سپورت قوناق ۇيلەرىنىڭ تيجاراتىن جۇرگىزۋشىلەردىڭ ازامات جاسىنا تولماعانداردى كاسىپتىك ەلەكتروندىق سپورت قوناق ۇيىنە نەمەسە كاسىپتەن سىرتقى ەلەكتروندىق سپورت قوناق ءۇيىنىڭ ەلەكتروندىق سپورت بولمەسىنە كىرۋىنە رۇقسات ەتۋىنە بولمايدى.
مۇنان سىرت، ەلەكتروندىق سپورت قوناق ۇيلەرىنە ازامات جاسىنا تولماعانداردىڭ كىرۋىنە تيىم سالۋ بەلگىسىن ورنالاستىرۋ كەرەك، ەلەكتروندىق سپورت قوناق ءۇيىنىڭ تيجاراتىن جۇرگىزۋشىلەر تۇتىنۋشىلاردىڭ تاپسىرىسىن قابىلداۋ، قوناق ۇيگە قابىلداۋ قاتارلى تۇيىندەردە قوناق ءۇيدىڭ ەلەكتروندىق سپورت بولمەسىنە ازامات جاسىنا تولماعانداردىڭ قابىلدانبايتىنىن انىق ايتۋى كەرەك. ەلەكتروندىق ساۋدا تەكشەلەرىنىڭ تيجاراتىن جۇرگىزۋشىلەر ەلەكتروندىق سپورت قوناق ءۇيىنىڭ ەسكەرتۋ ينفورماتسيالارىن تەكسەرۋدەن وتكىزۋى، ازامات جاسىنا تولماعانداردىڭ ازاماتتىق كۋالىگى ارقىلى ەلەكتروندىق سپورت بولمەسىنە تاپسىرىس بەرۋگە رۇقسات ەتپەۋى كەرەك.
جۇرتشىلىقتىڭ ەلەكتروندىق حات، حات – قاتىناس قاتارلى جولدار مەن تاسىلدەر ارقىلى اڭىس ەتۋىنە، پىكىر بىلدىرۋىنە بولادى. پىكىر ءبىلدىرۋ، اڭىس ەتۋ ۋاقىتى 2023 – جىلى 3 – ايدىڭ 24 – كۇنىنە دەيىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
