جەتى تاراۋ 2023 – جىلى مەملەكەت بويىنشا جالعان اۋىل شارۋاشىلىعى قۇرال - جابدىقتارىن وندىرۋگە، ساتۋعا ارناۋلى سوققى بەرۋ ارەكەتى جونىندە ورنالاستىرۋ جاسادى
2023.03.17 15:03 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى يۇي ۋىنجيڭ 3 – ايدىڭ 16 – كۇنى بەيجيڭنەن حابارلايدى. قازىر ءدال كوكتەمگى اۋىل شارۋاشىلىعى ءوندىرىسىنىڭ شەشۋشى كەزەڭى، تۇقىم، تىڭايتقىش، اۋىل شارۋاشىلىعى دارىلەرى قاتارلى اۋىل شارۋاشىلىعى وندىرىسىنە قاجەتتى ماتەريالداردى ساتىپ الۋدىڭ، پايدالانۋدىڭ قاۋىرت كەزى. كوكتەمگى ەگىس ءوندىرىسى مەن تۇتاس جىلدا استىقتان مول ءونىم الۋعا كەپىلدىك ەتۋ ءۇشىن، اۋىل شارۋاشىلىعى جانە اۋىل – قىستاق مينيسترلىگى، بازاردى باقىلاۋ – باسقارۋ باس مەكەمەسى، قوعام حاۋىپسىزدىگى مينيسترلىگى قاتارلى جەتى تاراۋ 3 – ايدىڭ 16 – كۇنى 2023 – جىلعى كوكتەم مەزگىلىندەگى جالعان اۋىل شارۋاشىلىعى قۇرال – جابدىقتارىن جاساۋعا، ساتۋعا ارناۋلى سوققى بەرۋ ارەكەتى مەن تۇتاس جىلداعى قىزمەت جونىندە بىرلەسىپ ورنالاستىرۋ جاسادى.
بۇل اقپاراتتى ءتىلشى 3 – ايدىڭ 16 – كۇنى اشىلعان 2023 – جىلى مەملەكەت بويىنشا جالعان اۋىل شارۋاشىلىعى قۇرال - جابدىقتارىن جاساۋدى، ساتۋدى ارناۋلى جونگە سالۋ ارەكەتى جونىندەگى كەسكىندى ماجىلىستەن ۇعىسقان.
اۋىل شارۋاشىلىعى جانە اۋىل – قىستاق مينيسترلىگىنىڭ ورىنباسار مينيسترى ما يوۋشياڭنىڭ ماجىلىستە ايتۋىنشا، بىلتىر ەلىمىز استىق ءوندىرىسى سالاسىندا قات – قابات قيىنشىلىقتاردى جەڭىپ، تاعى دا مول ءونىم العان، اۋىل شارۋاشىلىعى قۇرال - جابدىقتارىنىڭ ساپاسىنىڭ ورنىقتىلىعى باستى فاكتور بولعان. مۇنىڭ ىشىندە، تۇقىم، اۋىل شارۋاشىلىعى دارىلەرى، مال شارۋاشىلىعى دارىلەرى، جەم – ءشوپ قاتارلىلاردىڭ ۇلگى الىپ تەكسەرۋدە تولىمدى بولۋ مولشەرى %97 تەن اسقان.
ما يوۋشياڭ بىلاي دەدى: جالعان اۋىل شارۋاشىلىعى قۇرال - جابدىقتارىن وندىرۋگە، ساتۋعا سوققى بەرۋ مىندەتىنىڭ ماڭىزدىلىعىن جەتە تانۋ كەرەك. استىق حاۋىپسىزدىگى مەن ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋ — اۋىل شارۋاشىلىعى جاعىندا قۇدىرەتتى مەملەكەت قۇرۋداعى كەلەلى ءىس. ورتالىق كوميتەت ورنالاستىرىپ اتقارعان جاڭا كەزەكتى ءجۇز ميلليارد جىڭدىق استىق ءوندىرىس قۋاتىن جوعارىلاتۋ ارەكەتىندە تۇقىم، تىڭايتقىش، اۋىل شارۋاشىلىعى دارىلەرى قاتارلى اۋىل شارۋاشىلىعى قۇرال - جابدىقتارىنىڭ ساپاسىنا، ءسوزسىز، كەپىلدىك ەتۋ كەرەك. جالعان اۋىل شارۋاشىلىعى قۇرال - جابدىقتارىن جاساۋعا، ساتۋعا سوققى بەرۋ قىزمەتىن مىقتى ۇستاۋدا ماسەلەنى باعدار ەتۋگە، ىشكەرىلەي قازبالاپ، قاتاڭ تەكسەرۋگە تاباندى بولىپ، ماسەلەنى بايقاۋ مەحانيزمىن ۇزدىكسىز كەمەلدەندىرىپ، زاڭعا قايشى ارەكەتتەردى جازالاۋ، ءبىر جاقتى ەتۋ تەبىنىن ارتتىرۋ كەرەك.
ۇعىسۋعا قاراعاندا، قاتىستى تاراۋلار كوكتەمگى ەگىس وندىرىسىندەگى اۋىل شارۋاشىلىعى قۇرال - جابدىقتارىنىڭ ساپاسىندا ساقتالعان ماسەلەلەرگە ءبىر – بىرلەپ تەكسەرۋ ورىستەتۋدى مىقتى ۇستايدى. ءدال قازىر تۇقىم، تىڭايتقىش، اۋىل شارۋاشىلىعى دارىلەرى قاتارلى ءۇش تۇردەگى كوكتەمگى ەگىس مەزگىلىندە ءوتىمدى بولاتىن اۋىل شارۋاشىلىعى قۇرال - جابدىقتارىنا نازاردى شوعىرلاندىرىپ، قالا مەن اۋىل شەكتەسكەن جەرلەر، اۋىل شارۋاشىلىعى قۇرال - جابدىقتارىن تيجارات ەتەتىن شوعىرلاندىرۋ – تاراتۋ ورىندارى قاتارلى ءتۇيىندى وڭىرلەردى ءجىتى قاداعالاپ، اۋىل شارۋاشىلىعى قۇرال - جابدىقتارىن وندىرەتىن بارلىق كاسىپورىندارعا جانە تيجارات دۇكەندەرىنە تور جايۋ فورماسىنداعى ءبىر – بىرلەپ تەكسەرۋدى ورىستەتەدى. باقىلاۋ – باسقارۋ، زاڭ اتقارۋ قىزمەتكەرلەرى اۋىل – قىستاقتارعا، وتباسىلارعا بارىپ، ديقاندار ساتىپ العان اۋىل شارۋاشىلىعى قۇرال – جابدىقتارىنان ءجىپ ۇشىن ىزدەپ، زاڭعا قايشى جاساۋ، ساتۋ ارەكەتتەرىنە كەرى باعىتتا تەكسەرۋ جۇرگىزىپ، سوققى بەرەدى.
قاتىستى تاراۋلار اۋىل شارۋاشىلىعى قۇرال – جابدىقتارىن باقىلاۋ، ۇلگى الىپ تەكسەرۋ جۇرگىزۋ جانە زاڭ اتقارىپ، دەلو ءبىتىرۋ قىزمەتىن كۇشەيتەدى، ۇلگى الىپ ساراپتاۋ، ىشكەرىلەي قازبالاپ، قاتاڭ سوققى بەرۋ، ەسكەرتۋ بەرىپ، اشىق جاريالاۋ قىزمەتىن كۇشەيتىپ، بايقالعان جالعان، جارامسىز اۋىل شارۋاشىلىعى قۇرال – جابدىقتارىن تۇبەگەيلى تەكسەرەدى؛ سونىمەن بىرگە، مەحانيزمدە جاڭالىق اشىپ، جالعان اۋىل شارۋاشىلىعى قۇرال – جابدىقتارىنا ينتەرنەت ارقىلى سوققى بەرۋدى ىلگەرىلەتىپ، ديقانداردىڭ جالعان قۇرال – جابدىقتاردى پارىقتاۋىنا ساياتىن ۇگىت، ءتالىم – تاربيەنى ۇزدىكسىز كۇشەيتەدى. جەر – جەر اۋىل شارۋاشىلىعى سالاسىندا جان – جاقتى زاڭ اتقارۋ، اۋىل شارۋاشىلىعى ونىمدەرىنىڭ ساپاسىنىڭ حاۋىپسىزدىگى، اۋىل شارۋاشىلىعى تەحنيكاسىن جالپىلاستىرۋ قاتارلى قۇرىلىمدار مەن قوسىنداردا شىنايى شارالار اتقارىپ، زاڭ – تۇزىمدەرگە جانە جالعان قۇرال – جابدىقتاردى پارىقتاۋعا ساياتىن بىلىمدەردى ۇگىتتەۋ قىزمەتىن بىرگە ويداعىداي ىستەپ، ديقاندارعا كوڭىل ءبولۋدى، ساقتانۋدى ەسكەرتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
