بۇگىننەن باستاپ شينجياڭنىڭ باسىم كوپ جەرىنىڭ اۋا تەمپەراتۋراسى بىرتىندەپ جوعارىلايدى، اۋا رايى شارت - جاعدايى سولتۇستىك شينجياڭنىڭ باسىم كوپ جەرىندە ءبيداي ەگۋگە ۇيلەسەدى
2023.03.22 15:07 كەلۋ قاينارى : حالىق تورابى
3 - ايدىڭ 19 - كۇنى جاۋعان قالىڭ قاردان جۇرتتىڭ ءبارى ءبىر تۇندە قىس قايتا تۇسكەندەي سەزىندى، قارمەن بىرگە سولتۇستىك شينجياڭنىڭ باسىم كوپ جەرلەرىندە تەمپەراتۋرا ءبىرشاما تومەن بولدى. الايدا ، شينجياڭ اۋا رايى ستانسياسىنىڭ ەڭ جاڭا الدىن الا مالىمەتىنە قاراعاندا، بۇگىننەن باستاپ بۇكىل شينجياڭنىڭ باسىم كوپ ساندى جەرىندە اۋا تەمپەراتۋراسى بىرتىندەپ جوعارىلايدى. ءۇرىمجى قالاسىنىڭ جەكسەنبى كۇنگى ەڭ جوعارى تەمپەراتۋراسى 12 سەلتسي گرادۋس اينالاسىندا جوعارىلايدى. شينجياڭ اۋىل شارۋاشىلىق اۋا رايى ستانسياسى قالىڭ شارۋالارعا سولتۇستىك شينجياڭنىڭ كوپ ساندى رايوندارىندا 3 – ايدىڭ 22 – كۇنىنەن 25 – كۇنىنە دەيىن جازدىق ءبيداي ەگۋگە ۇيلەسەتىندىگىن ەسكەرتتى.
الدىن الا مالىمەتتە كورسەتىلۋىنشە، 3 – ايدىڭ 22 - كۇنىنەن باستاپ سولتۇستىك شينجياڭنىڭ باسىم كوپ رايوندارىندا اۋا تەمپەراتۋراسى بىرتىندەپ جوعارىلاپ، ەڭ جوعارى اۋا تەمپەراتۋراسى 8 دە 13 سەلتسي گرادۋسقا جەتەدى ەكەن، ەڭ تومەنگى اۋا تەمپەراتۋراسى نولدەن تومەن 3 تە 3 سەلتسي گرادۋس اينالاسىندا بولادى ەكەن؛ وڭتۇستىك شينجياڭ وڭىرىندە الدىڭعى مەزگىلدەگى تەمپەراتۋرا 20 سەلتسي گرادۋستان جوعارى بولاتىندىقتان، وسى رەتكى سۋىق اعىستىڭ ىقپالىنا ۇشىراپ، تەمپەراتۋرا تومەندەگەننەن كەيىن بىرتىندەپ قايتا قالپىنا كەلەدى، وسى اپتادا ەڭ جوعارى تەمپەراتۋرا 18 دە 22 سەلتسي گرادۋس اينالاسىندا، ەڭ تومەنگى تەمپەراتۋرا 4 تە 6 سەلتسي گرادۋس اينالاسىندا بولادى.
شينجياڭ اۋىل شارۋاشىلىق اۋا رايى ستانسياسىنىڭ اۋىل شارۋاشىلىعىنا قىزمەت وتەۋ مامانى جي چۇنرۇڭ مىنانى ەسكەرتتى: سولتۇستىك شينجياڭداعى جازدىق ءبيداي ەگۋ رايونى ءتيىمدى ورايدى مىقتى يگەرىپ، توپىراقتىڭ دىمقىلدىعىنا ۇيلەسەتىن جازدىق ءبيداي ەگۋ قىزمەتىن دەر كەزىندە ورىستەتۋى كەرەك. وڭتۇستىك شينجياڭنىڭ ماقتا ءوڭىرى ماقتانى دەر كەزىندە، دىمقىل كۇيىندە ەگۋدىڭ دايىندىق جۇمىستارىن جاقسى ىستەۋى كەرەك. بۇدان سىرت، 3 – ايدىڭ 16 – كۇنىنەن 19 – كۇنىنە دەيىن تۋىلعان اۋا رايىنىڭ وزگەرىس بارىسى ىلە وزەنى اڭعارىنداعى دۇمبە ءبيدايعا ءبىرشاما زور ىقپال جاسايتىندىقتان، قاتىستى تاراۋلاردىڭ اتىزدى تەكسەرۋ، اتىز باسقارۋ قىزمەتىن ويداعىداي ىستەپ، ۇسىك اپاتىنىڭ ءتيىمسىز ىقپالىنان ساقتانۋدى ۇسىنىس ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
