شينجياڭ ءبىر ميلليون 100 مىڭ مۋعا جۋىق جەرگە ءتۇرلى كوكتەمگى ەگىس داقىلىن ەكتى
جالپى تۇلعالىق اياق الىس بىلتىرعى سول تۇستاعىدان تەز بولدى
2023.03.21 15:39 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ ي 3 - ايدىڭ 18 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىنشا، كەزەكتە شينجياڭدا كوكتەمگى تۇقىم ءسىڭىرۋ قىزمەتى وڭتۇستىكتەن سولتۇستىككە قاراي ىركەس - تىركەس ورىستەتىلگەن. قازىرگە دەيىن ءبىر ميلليون 100 مىڭ مۋعا جۋىق جەرگە ءتۇرلى ەگىس داقىلدارى ەگىلىپ، جالپى تۇلعالىق اياق الىسى بىلتىرعى سول تۇستاعىدان تەز بولعان.
اۋىل شارۋاشىلىعى ءوندىرىس جۇمىستارىن جايعاستىرۋدان قاراعاندا، كەزەكتە تۇتاس رايوننىڭ كوكتەمگى تۇقىم ءسىڭىرۋ قىزمەتى، باستىسى، وڭتۇستىك شينجياڭ وڭىرىنە شوعىرلانعان، سولتۇستىك شينجياڭ ءوڭىرى 3 - ايدىڭ اياق شەنىنەن باستاپ تۇقىم ءسىڭىرۋ مەزگىلىنە ىركەس - تىركەس وتەدى. داقىل تۇرلەرى بويىنشا ايتقاندا، 450 مىڭ مۋعا جۋىق جەرگە استىق داقىلى ەگىلگەن، ولار، باستىسى، جۇگەرى مەن جازدىق ءبيداي ەكەن، 190 مىڭ مۋ اينالاسىنداعى جەرگە كوكونىس ەگىلگەن، 460 مىڭ مۋدان استام جەرگە باسقا ەگىس داقىلدارى ەگىلگەن. اۋىل شارۋاشىلىعى ماتەريالدارىن دايىنداۋ جاعدايىنا نازار سالساق، تۇتاس رايوندا نەگىزگى اۋىل شارۋاشىلىعى ماتەريالدارىنىڭ دايىندالۋ مولشەرى ％90تەن اسقان، تۇقىمنىڭ دايىندالۋ مولشەرى ％100تەن اسقان، ءتۇرلى اۋىل شارۋاشىلىعى ماتەريالدارىمەن قامداۋ ورنىقتى بولىپ، كوكتەمگى ەگىس ءوندىرىسىنىڭ قاجەتىن قاناعاتتاندىرا الادى.
تانىستىرۋعا قاراعاندا، بيىل ءار دارەجەلى اۋىل شارۋاشىلىعى، اۋىل - قىستاق تاراۋلارى استىق ءوندىرىسىنىڭ ”كولەمىن كەڭەيتىپ، ءونىمىن ارتتىرۋدى“ اۋىل شارۋاشىلىعى، اۋىل - قىستاق قىزمەتىندەگى ماڭداي الدى ءىرى ءىس رەتىندە يگەرىپ، 4 ميلليون 800 مىڭ مۋ جەرگە كەڭەيتىلە ەگىلەتىن استىقتى ناقتى جەر بولىكتەرىنە تياناقتاندىرۋعا شىنايى كەپىلدىك ەتكەننەن كەيىن، استىقتىڭ بىرلىك ءونىم مولشەرىن جوعارىلاتۋعا ءتۇيىندى تۇردە كۇش سالدى، اۆتونوميالى رايون جۇڭگو اۋىل شارۋاشىلىعى عىلىم اكادەمياسى مەن اۆتونوميالى رايوننىڭ قاتىستى عىلمي زەرتتەۋ ورىندارىنىڭ تەحنيكا كۇشتەرىنە سۇيەنىپ، استىق ءوندىرىس قۋاتى جاعىنداعى ماماندار قىزمەت وتەۋ توبىن قۇرىپ، كاسىپ سالاسى جۇيەسىندەگى باس مامانداردىڭ رولىن ساۋلەلەندىرىپ، باعىتتامالى كوتەرمەگە الۋ ارقىلى استىق ءوندىرىسىنىڭ جالپى بارىسىنا تەحنيكالىق جاقتان ويداعىداي قىزمەت وتەپ، جەتەكشىلىك ەتىپ، تۇتاس رايوندا استىق وندىرىسىندە جوعارى ساپالى، جوعارى ءتۇسىمدى ”توننالىق استىق اتىزىن“ قۇرۋدان ۇلگى كورسەتۋدى ورىستەتىپ، اۋىل شارۋاشىلىعى ماشينالارىن جانە اۋىل شارۋاشىلىعى تەحنيكاسىن، ساپالى تۇقىمداردى جانە جاقسى ادىستەردى سەپتەپ، ءبيدايدىڭ، جۇگەرىنىڭ بىرلىك ءونىم دەڭگەيىن زور مولشەردە جوعارىلاتۋعا كۇش سالدى.
”ەندى ءار دارەجەلى اۋىل شارۋاشىلىعى، اۋىل - قىستاق تاراۋلارى تەحنيكالىق جاقتان قىزمەت وتەۋدى، جەتەكشىلىك ەتۋدى كۇشەيتىپ، اۋىل شارۋاشىلىعى تەحنيكاسى، وسىمدىك باپتاۋ، اۋىل شارۋاشىلىعى ماشينالارى سياقتى جاقتاردان عىلىم - تەحنيكالىق قىزمەت وتەۋشىلەردى ءوندىرىستىڭ ءبىرىنشى شەبىنە ىشكەرىلەي بارىپ تەحنيكالىق قىزمەت وتەۋگە ۇيىمداستىرۋ ارقىلى شارۋالاردىڭ كوكتەمگى ەگىستە، ەگىس دايىندىعىندا جولىققان ءتۇرلى قيىنشىلىقتارىن كومەكتەسىپ شەشۋگە ۇيىمداستىرادى“، - دەدى اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى ەگىنشىلىك كاسىبى جانە اۋىل شارۋاشىلىعى دارىلەرىن باسقارۋ باسقارماسىنىڭ باستىعى تاڭ ي - ۋ.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
