بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ۇلتتىق رايوندارداعى جاس ادەبيەت – كوركەمونەر قىزمەتكەرلەرىنىڭ ەكسكۋرسيالاۋ، تەكسەرۋ – زەرتتەۋ جۇرگىزۋ قيمىلى بەيجيڭدە وتكىزىلدى

2023.03.21 15:23     كەلۋ قاينارى : حالىق تورابى

سۋرەتتە: از ۇلت رايوندارىنان كەلگەن جاس ادەبيەت – كوركەمونەر قىزمەتكەرلەرىنىڭ ەكسكۋرسيالاۋ، تەكسەرۋ - زەرتتەۋ جۇرگىزۋ قيمىلىنىڭ باستالۋ سالتى. (ورتالىق ۇلتتار ءان – ءبي ۇيىرمەسى بەرگەن سۋرەت)

  حالىق تورابىنىڭ ءتىلشىسى داۋرىنا 3 – ايدىڭ 30 – كۇنى بەيجيڭنەن حابارلايدى. مەملەكەتتىك ۇلتتىق ىستەر كوميتەتى ۇلتتار ىنتىماعىن ىلگەرىلەتۋ مەڭگەرمەسى جەتەكشىلىك ەتكەن، ورتالىق ۇلتتار ءان – ءبي ۇيىرمەسى ۇيىمداستىرعان ۇلتتىق رايوندارداعى جاس ادەبيەت – كوركەمونەر قىزمەتكەرلەرىنىڭ ەكسكۋرسيالاۋ، تەكسەرۋ - زەرتتەۋ جۇرگىزۋ قيمىلى 3 – ايدىڭ 19 – كۇنى ۇلتتار تەاترحاناسىندا وتكىزىلدى. ەلىمىزدىڭ جەر – جەرىنەن كەلگەن 70 نەشە جاس ادەبيەت – كوركەمونەر قىزمەتكەرى وسى رەتكى قيمىلعا قاتىناستى.

  مەملەكەتتىك ۇلتتىق ىستەر كوميتەتى ۇلتتار ىنتىماعىن ىلگەرىلەتۋ مەڭگەرمەسىنىڭ ورىنباسار باستىعى ياڭ شيانحۇي كۋرستى باستاۋ سالتىنا قاتىناستى ءارى ءسوز سويلەدى، ول مىنانى اتاپ كورسەتتى: ءار ۇلت جاستارى مەن ورەندەرىنىڭ اۋىس – كۇيىس جاساۋىن جوسپارلاۋداعى ماقسات ءار ۇلتتىڭ اۋىس – كۇيىس جاساۋىن، قارىم – قاتىناس جاساۋىن، توعىسۋىن كەڭ كولەمدى، ۇزدىكسىز ىلگەرىلەتۋ، جۇڭحۋا ۇلتى ورتاق تۇلعا تانىمىن بەرىك ورناتۋ، جۇڭحۋا ۇلتى ورتاق تۇلعا قۇرىلىسىن كۇشەيتۋ بولىپ تابىلادى. ول قيمىلعا قاتىناسقان جاس ادەبيەت – كوركەمونەر قىزمەتكەرلەرىنەن ءۇش جاقتان ءۇمىت كۇتەتىنىن ايتتى: بىرىنشىدەن، ”مەملەكەتتىڭ ءىرى ىستەرىن“ كوكەيدە ساقتاپ، جاستاردىڭ جىگەرىن ايگىلەۋ؛ ەكىنشىدەن، ”ارەكەتتىڭ ماڭىزدى ءتۇيىنىن“ ەستە بەرىك ساقتاپ، ىنتىماق حيكاياسىن ويداعىداي بايانداۋ؛ ۇشىنشىدەن، ”جۇرەكتەگى باعداردى“ ۇمىتپاي، توعىسۋ داستانىن جازۋ.

  ورتالىق ۇلتتار ءان – ءبي ۇيىرمەسى پارتگرۋپپاسىنىڭ ورىنباسار شۋجيى، ۇيىرمە باستىعى ۋاڭ چىڭگاڭ مىنانى ءبىلدىردى: وسى رەتكى قيمىلعا قاتىناسقان جاس دوستاردىڭ ۇيرەنگەنىن وي ەلەگىنەن وتكىزىپ، ۇيرەنۋدەن ناتيجەگە قول جەتكىزۋىن ءۇمىت ەتەمىن. ءوزارا حابارلاسۋدى كۇشەيتىپ، سەلبەستىك ورناتىپ، ۇلتتىق ادەبيەت – كوركەمونەر قىزمەتى جاعىنداعى ۇيرەنۋ، اۋىس – كۇيىس جاساۋدىڭ كەڭ تەكشەسىن قۇرىپ، ءار ۇلتتىڭ ادەبيەت – كوركەمونەرىنىڭ ءوزارا توعىسۋىن،ءوزارا ىلگەرىلەتۋىن، ءوزارا بايلانىسۋىن ىلگەرىلەتەتىن بىرىككەن كۇش قالىپتاستىرىپ، ينتەرنەت ارقىلى جانە ينتەرنەتتەن تىس ۇلتتىق ەرەكشەلىككە يە ادەبيەت – كوركەمونەر تاڭداۋلى ماركالارىن بىرگە جاراتۋ كەرەك.

  ۇعىسۋعا قاراعاندا، اتالعان قيمىل مەملەكەتتىك ۇلتتىق ىستەر كوميتەتىنىڭ ”ءار ۇلت جاستارى مەن ورەندەرىنىڭ اۋىس – كۇيىس جاساۋ جوسپارىن“ تۇيىندە سىناق ەتۋ نىسانى بولىپ، ۋاقىتى 3 كۇن. وسى رەتكى قيمىل بارىسىندا مامانداردىڭ ساباق ءوتۋى، زەرتتەۋ – تالقىلاۋ جانە اۋىس – كۇيىس جاساۋ، كوركەمونەردى تاماشالاۋ، جەتىستىكتەر كورمەسى قاتارلى قيمىلدار ورىستەتىلۋدەن سىرت، كۋرسانتتار العاشقى توپتاعى كورەرمەندەر رەتىندە، موڭعۇل – زاڭزۋ مەكتەبىنىڭ بۇرىنعى ورنىندا سالىنعان جۇڭحۋا ۇلتى ورتاق تۇلعاسىنىڭ قالىپتاسۋىن ۇعىنۋ سارايىن ەكسكۋرسيالايدى، سونداي – اق، جۇڭگو مانەرلى بۇيىمدار سارايى، بەيزاتتىق مادەني مۇرا سارايى قاتارلى سارايلاردى ەكسكۋرسيالادى.

  كەلۋ قاينارى: حالىق تورابى

  
ءان – ءبي ۇيىرمەسىنىڭ كورگىزبە بولمەسى. (ورتالىق ۇلتتار ءان – ءبي ۇيىرمەسى بەرگەن سۋرەت)

كۋرسانتتار گرۋپپاعا ءبولىنىپ زەرتتەۋ، تالقىلاۋ، وي ءبولىسۋ قيمىلىن وتكىزۋدە. (ورتالىق ۇلتتار ءان – ءبي ۇيىرمەسى بەرگەن سۋرەت)

جاۋاپتى رەداكتورى : نۇرعيسا قۇرمانجان ۇلى