”تيانۋاڭ 2023“ ارەكەتى رەسمي باستالدى
2023.03.21 15:51 كەلۋ قاينارى : حالىق تورابى
3 – ايدىڭ 20 – كۇنى، ورتالىق كوميتەتتىڭ شىرىكتەسۋگە قارسى تۇرۋ ىستەرىن سايكەستىرۋ گرۋپپاسى حالىقارالىق قاشقىنداردى قۋعىنداۋ، اقشانى قايتارىپ الۋ جانە شەكارا اتتاعان شىرىكتەسۋدى جونگە سالۋ قىزمەتى كەڭسەسى ءماجىلىس اشىپ، پارتيا 20 – قۇرىلتايى مەن 20 – كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ءماجىلىسىنىڭ رۋحىن ۇيرەندى، دايەكتىلەندىردى، 2023 – جىلعى شىرىكتەسۋگە قارسى تۇرىپ، حالىقارالىق قاشقىنداردى قۋعىنداۋ، اقشانى قايتارىپ اكەلۋ جانە شەكارا اتتاعان شىرىكتەسۋدى جونگە سالۋ قىزمەتى جونىندە زەرتتەۋ جۇرگىزىپ، ورنالاستىرۋ جاساپ، ”تيانۋاڭ 2023“ ارەكەتىن باستادى.
ماجىلىستە مىنالار اتاپ كورسەتىلدى: 2022 – جىلى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتالىق كوميتەتتىڭ شىرىكتەسۋگە قارسى تۇرۋ ىستەرىن سايكەستىرۋ گرۋپپاسىنىڭ تىكەلەي جەتەكشىلىك ەتۋىندە، كەڭسەگە مۇشە ءارقايسى ورىندار مەن ءارقايسى ولكە، اۆتونوميالى رايون، قالالار پارتيا 20 – قۇرىلتايىنىڭ رۋحىن مۇقيات ۇيرەندى، دايەكتىلەندىردى، قاشقىنداردى قۋعىنداپ، اقشانى قايتارىپ اكەلۋدىڭ جوعارى قىسىمدى كۇيىن ۇزدىكسىز ساقتاپ، شەكارا اتتاعان شىرىكتەسۋدى جونگە سالۋدى ۇزدىكسىز ىشكەرىلەي ورىستەتىپ، ءتۇرلى قىزمەتتەردە جاڭا ىلگەرىلەۋشىلىكتەر مەن ونىمدىلىكتەرگە قول جەتكىزدى.
ماجىلىستە ”تيانۋاڭ 2023“ ارەكەتىن باستاپ، قاشقىنداردى قۋعىنداپ، اقشانى قايتارىپ اكەلۋ مەحانيزمىن ءبىر تۇلعالاندىرىپ قالىپتاستىرۋدى ىلگەرىلەتۋ ۇيعارىلدى. مۇندا، مەملەكەتتىك ءتارتىپ تەكسەرۋ كوميتەتى قىزمەتتىك قىلمىس وتكىزگەندەرگە قاتىستى حالىقارالىق قاشقىنداردى قۋعىنداپ، قيانات ەتكەن اقشانى قايتارىپ اكەلۋ ارناۋلى ارەكەتىن ورىستەتۋگە جەتەكشىلىك ەتەدى، قوعام حاۋىپسىزدىگى مينيسترلىگى ”تۇلكى اۋلاۋ“ ارناۋلى ارەكەتىن ورىستەتەدى، جۇڭگو حالىق بانكەسى قوعام حاۋىپسىزدىگى مينيسترلىگىمەن بىرگە شەتەلدە تىركەلگەن سەرىكتەستىكتەر مەن جاسىرىن اقشا دۇكەندەرىنىڭ قيانات ەتكەن اقشانى شەتەلگە جوتكەۋىنە سوققى بەرۋ ارناۋلى ارەكەتىن ورىستەتەدى، ەڭ جوعارى حالىق سوتى ەڭ جوعارى حالىق پروكۋراتۋراسىمەن بىرگە قىلمىس كۇماندىلارىنىڭ، ايىپكەرلەردىڭ جاسىرىن قاشىپ ءجۇرۋى، قازا بولۋى سىندى دەلولارعا قاتىستى قيانات اقشانى قايتارىپ اكەلۋ ارناۋلى ارەكەتىن ورىستەتەدى، ورتالىق كوميتەتتىڭ ۇيىمداستىرۋ ءبولىمى قوعام حاۋىپسىزدىگى مينيسترلىگى قاتارلى تاراۋلارمەن بىرگە كۋالىكتەردى بەلگىلەمەگە قايشى ءبىتىرۋ جانە يەلەۋ ارەكەتىن ارناۋلى جونگە سالۋ قاتارلى قىزمەتتەردى ورىستەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
