شي جينپيڭ رەسەيدىڭ زۇڭليى ميشۋستينمەن كەزدەستى
2023.03.22 17:32 كەلۋ قاينارى : حالىق تورابى
 |
سول جەر ۋاقىتى بويىنشا 3 - ايدىڭ 21 - كۇنى تۇستەن بۇرىن مەملەكەت ءتوراعاسى شي جينپيڭ رەسەي فەدەراتسيالىق ۇكىمەتىنىڭ سارايىندا رەسەيدىڭ زۇڭليى ميشۋستينمەن كەزدەستى.
سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
|
«حالىق گازەتى»، 3 - ايدىڭ 21 - كۇنى، ماسكەۋ (تىلشىلەر ليۋ شاۋحۋا، شيە ياحۇڭ). سول جەر ۋاقىتى بويىنشا 3 - ايدىڭ 21 - كۇنى تۇستەن بۇرىن مەملەكەت ءتوراعاسى شي جينپيڭ رەسەي فەدەراتسيالىق ۇكىمەتىنىڭ سارايىندا رەسەيدىڭ زۇڭليى ميشۋستينمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن رەسەي − ءبىر - ءبىرىنىڭ ەڭ ۇلكەن كورشىلەرى ءارى جان - جاقتى ستراتەگيالىق سەلبەستىك سەرىكتەرى، جۇڭگو - رەسەي قارىم - قاتىناسىنىڭ اقاۋسىز، ورنىقتى دامۋىن جالعاستىرۋ ەكى ەل قارىم - قاتىناسىنىڭ تاريحي لوگيكاسىنا جانە ەكى ەل حالىقتارىنىڭ ءتۇبىرلى مۇددەسىنە ۇيلەسەدى. جۇڭگو ج ك پ 20 - قۇرىلتايىن ءساتتى اشتى، تاياۋدا مەملەكەتتىك ەكى ماجىلىستە جاڭا كەزەكتى مەملەكەت قۇرىلىمدارىنىڭ باسشىلارى سايلاندى، جۇڭگو پارتياسى، مەملەكەتى جانە حالقى بۇرىن بولىپ كورمەگەن دارەجەدە ىنتىماقتاسىپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدە. جۇڭگونىڭ جاڭا كەزەكتى ۇكىمەتى جۇڭگو مەن رەسەيدىڭ جالپى بەتتىك ستراتەگيالىق سەلبەستىك سەرىكتەستىك قاتىناسىن دامىتۋعا ءمان بەرەدى، رەسەيمەن ەكى ەل ۇكىمەتى زۇڭليلەرىنىڭ مەرزىمدى كەزدەسۋى سياقتى مەحانيزمدەنگەن بارىس - كەلىس ارنالارى ارقىلى ەكى ەل سەلبەستىگىنىڭ جاڭا نىساناسىن جۇزەگە اسىرۋدى ىلگەرىلەتىپ، اناعۇرلىم كوپ تىڭ تابىستارعا قول جەتكىزۋگە پەيىل.
شي جينپيڭ مىنالاردى دارىپتەدى: بىلتىردان بەرى كۇردەلى سىرتقى ورتا الدىندا جۇڭگو مەن رەسەيدىڭ جان - جاقتى ناقتى سەلبەستىگى تاماشا دامۋ جاعدايىن جالعاستىردى. جۇڭگو ءۇرتىس 13 جىل رەسەيدىڭ ءبىرىنشى ۇلكەن ساۋدا سەرىگى ورنىن ورنىقتى ساقتادى، ەكى ەلدىڭ ەنەرگيا سەلبەستىگى ۇزدىكسىز تەرەڭدەپ، ستراتەگيالىق ءىرى نىساندار تىڭعىلىقتى ىلگەرىلەتىلىپ، گۋمانيتارلىق جانە جەرگىلىكتى ورىنداردىڭ اۋىس - كۇيىسى بارعان سايىن جيىلەي ءتۇستى. ەكى جاق ەكونوميكا - ساۋدا سەلبەستىگىندە سان مەن ساپانى قاتار ىلگەرىلەتىپ، ساۋدا مەن قارجى قوسۋدىڭ ەركىن، قولايلى بولۋىن جەبەپ، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن قورعاۋى كەرەك. ۇلاستىرۋ - تۇتاستىرۋداعى ءىرى نىسانداردىڭ جەتەكتەۋ اسەرىن ساۋلەلەندىرىپ، ەكى ەلدىڭ ەنەرگيا حاۋىپسىزدىگىن بىرگە قورعاپ، ەكى جاقتى ەكونوميكا - ساۋدا بارىس - كەلىسىن كەڭەيتۋ كەرەك. جۇڭگو مەن رەسەيدىڭ عىلمي زەرتتەۋ، جاڭالىق اشۋ سەلبەستىگىن كۇشەيتىپ، ەكى جاقتىڭ سەلبەستىگىنىڭ باياندى دامۋىن ىلگەرىلەتۋ كەرەك. 2022 - جىلدان 2023 - جىلعا دەيىنگى جۇڭگو - رەسەي دەنەتاربيە اۋىس - كۇيىس جىلىن ۇزدىكسىز ويداعىداي وتكىزىپ، ءتۇرلى قيمىلداردى ءتارتىپتى ىلگەرىلەتۋ كەرەك. جۇڭگو ”ءبىر بەلدەۋ، ءبىر جولدى“ بىرگە قۇرۋدى ەۆروپا - ازيا ەكونوميكالىق وداعىمەن ۇشتاستىرىپ سەلبەستىك جاساۋعا ايرىقشا ءمان بەرەدى، رەسەي جاقپەن جانە وداقتاس ەلدەرمەن بىرگە «جۇڭگو مەن ەۆروپا - ازيا ەكونوميكالىق وداعىنىڭ ەكونوميكا - ساۋدا سەلبەستىك كەلىسىمىن» جاپپاي ويداعىداي تياناقتاندىرىپ، اناعۇرلىم جوعارى دەڭگەيدەگى، اناعۇرلىم تەرەڭ دەڭگەيدەگى وڭىرلىك سەلبەستىكتى ورىستەتۋگە پەيىل.
ميشۋستين مىنالاردى ءبىلدىردى: بۇگىن مەن رەسەي ۇكىمەتى بيلىك كەڭسەسىنىڭ بارلىق ماڭىزدى مۇشەسىن باستاپ ءتوراعا شي جينپيڭمەن كەزدەسىپ وتىرمىن، ءتوراعا شي جينپيڭنىڭ رەسەيدە مەملەكەتتىك ساپاردا بولعانىن قىزۋ قارسى الاتىنىمدى بىلدىرەمىن. ءتوراعا شي جينپيڭنىڭ رەسەيدى تاعى دا مىندەتكە تاعايىندالعاننان كەيىنگى ساپارىنىڭ العاشقى بەكەتى ەتۋىنىڭ ءمانى ەرەكشە كەلەلى بولىپ، جاڭا داۋىردەگى رەسەي - جۇڭگو قارىم - قاتىناسىنىڭ ەرەكشە مانگە يە ەكەنىن تولىق ايگىلەدى. رەسەي - جۇڭگو قارىم - قاتىناسىنىڭ دامۋى تاريحتاعى ەڭ جوعارى دەڭگەيدە تۇر، بۇل قازىرگى حالىقارالىق جاعدايدا كوپ جاقتىلىقتى اناعۇرلىم ويداعىداي قورعاۋعا، دۇنيە ءجۇزىنىڭ كوپ ۇيەكتەنۋىن جەبەۋگە ءتيىمدى. رەسەي مەن جۇڭگو زۇڭليلەرىنىڭ مەرزىمدى كەزدەسۋ مەحانيزمى سياقتى مەحانيزم دۇنيە جۇزىندەگى باسقا ەلدەر اراسىندا جوق. رەسەي جاق جۇڭگو جاقتىڭ جاڭا كەزەكتى ۇكىمەتىمەن تىعىز سايكەسىپ، سەلبەسىپ، ەكى ەل مەملەكەت باسشىلارىنىڭ ورتاق تانىمىن مۇقيات تياناقتاندىرىپ، ەكى ەلدىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن كۇشەيتۋدى ءۇمىت ەتەدى. رەسەي جاق جۇڭگو جاقپەن قارجى قوسۋ ساۋداسى، ەنەرگيا، تابيعي گاز، يادرو ەنەرگياسىنان بەيبىت پايدالانۋ، اۆياتسيا، عارىش، عىلىم - تەحنيكادا جاڭالىق اشۋ، شەكارا اتتاعان قاتىناس، زات اينالىمى سياقتى سالالارداعى سەلبەستىكتى كۇشەيتىپ، قامداۋ تىزبەگىنىڭ، كاسىپ تىزبەگىنىڭ حاۋىپسىزدىگىنە شىنايى كەپىلدىك ەتۋ، استىق حاۋىپسىزدىگى سياقتى ماسەلەلەردە بايلانىس پەن سەلبەستىكتى كۇشەيتۋگە پەيىل. ەكى جاقتىڭ مادەنيەت، جاستار، دەنەتاربيە سياقتى گۋمانيتارلىق سالالارداعى اۋىس - كۇيىستى، سەلبەستىكتى اناعۇرلىم جيىلەتۋىن ءۇمىت ەتەمىن.
ساي چي، ۋاڭ ي، چين گاڭ، سونداي - اق رەسەي فەدەراتسيالىق ۇكىمەتى زۇڭليىنىڭ 7 ورىنباسارى قاتارلىلار قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
