380 ورىن، 20 مىڭعا جۋىق ادام قابىلدايدى! بيىل جىل باسىنان بەرى شينجياڭنىڭ ەڭ كولەمدى قىزمەتكەر قابىلداۋ جينالىسى باستالدى
2023.03.22 15:09 كەلۋ قاينارى : حالىق تورابى
ءتىلشىنىڭ 3 - ايدىڭ 21 - كۇنى شينجياڭ ۇيعۇر اۆتونوميالى رايوننىڭ الەۋمەتتىك جۇمىستاندىرۋعا قىزمەت وتەۋ ورتالىعى وتكىزگەن اقپاراتتىق حابارلاندىرۋ ماجىلىسىنەن ۇعىسۋىنشا، 3 - ايدىڭ 25 - كۇنىنەن 26 - كۇنىنە دەيىن، شينجياڭ ۇيعۇر اۆتونوميالى رايوننىڭ جوعارى مەكتەپتەردەن وقۋ تاۋىسقان وقۋشىلاردى كوكتەمگى جۇمىسقا قابىلداۋ جينالىسى جانە 2023 - جىلعى مەملەكەتتىك ءىرى، ورتا قالالار ارالاپ جۇمىسقا قابىلداۋ شينجياڭ پۋنكتى جۇمىسقا قابىلداۋ جينالىسى شينجياڭ حالىقارالىق ءماجىلىس - كورمە ورتالىعىندا وتكىزىلەدى ەكەن.
بۇل رەتكى قيمىلدى شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، وقۋ - اعارتۋ مەڭگەرمەسى سياقتى 7 اۆتونوميالى رايوندىق مەڭگەرمە، مەكەمە - ورىن بىرگە وتكىزەدى، سونداي – اق شينجياڭنىڭ بيىل جىل باسىنان بەرگى ەڭ كولەمدى جەلىدەن تىس قىزمەتكەر قابىلداۋ قيمىلى. كولەمى ءبىرشاما زور، دامۋى جاقسى، قىزمەت ورنى ساپاسى جوعارى 380 كاسىپورىن، ءىسورىن وسى رەتكى جۇمىسقا قابىلداۋ جينالىسىنا قاتىناسادى، مۇنىڭ ىشىندە ورتالىقتىڭ شينجياڭدا تۇراتىن كاسىپورىندارى 20، اۆتونوميالى رايونداعى جانە جەرگىلىكتى ورىندارداعى مەملەكەت مەنشىگىندەگى كاسىپورىندار 110، ءىرى، ورتا تۇرپاتتى حالىقتىق كاسىپورىندار 223، ءىسورىندار 7، باسقا ولكە، قالالارداعى ادام ىستەتۋشى ورىندار 20. ءتۇرلى كاسىپورىندار 3000 نان استام جۇمىس ورنىمەن قامداپ، 20 مىڭعا جۋىق ادام قابىلداۋدى جوسپارلاۋدا.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
