شينجياڭ قۇرىلىس شەبەرلەرىنەن 3 جىلدا 300 مىڭ ادامدى تاربيەلەپ جۇمىستاندىرۋ قيمىلىن باستادى
2023.03.23 15:51 كەلۋ قاينارى : حالىق تورابى
بيىلدان باستاپ، شينجياڭ 3 جىل ىشىندە قۇرىلىس شەبەرلەرىنەن 375 مىڭ ادامدى (رەت) باۋلىپ، قۇرىلىس سالاسىندا جاڭادان 300 مىڭ ادامدى جۇمىستاندىرۋدى جۇزەگە اسىرىپ، جەرگىلىكتى ورىننىڭ قۇرىلىس جۇرگىزۋ كاسىپتىك جۇمىس كاسىپورنىنان 1000ىن جەتىلدىرىپ، قۇرىلىس كاسىبى دەلدالىنان 5000 ادامدى تاربيەلەۋدى جوسپارلادى. 3 – ايدىڭ 22 – كۇنى ءپايزاۋات اۋدانىندا اشىلعان شينجياڭنىڭ قۇرىلىس شەبەرلەرىنەن 3 جىلدا 300 مىڭ ادامدى تاربيەلەۋ، جۇمىسقا ورنالاستىرۋ قيمىلىنا اتتانىسقا كەلتىرۋ ماجىلىسىندە جوعارىداعى نىسانا - مىندەتتەر ايقىندالدى.
شينجياڭنىڭ قۇرىلىس شەبەرلەرىن باۋلۋ، جۇمىسقا ورنالاستىرۋ ارەكەتى — شينجياڭ ۇيعۇر اۆتونوميالى رايونىنىڭ 2023 - جىلعى 10 ناقتى ءىسىنىڭ ءبىرى، 2020 - جىلدان 2022 - جىلعا دەيىن ورىستەتىلگەن شينجياڭ ۇيعۇر اۆتونوميالى رايوننىڭ قۇرىلىس سالاسىندا تەحنيكالىق جۇمىس ءتۇرى بويىنشا 3 جىلدا 200 مىڭ ادامدى كاسىپتىك شەبەرلىككە باۋلۋ، جۇمىسقا ورنالاستىرۋ ارەكەتىنىڭ جەتىستىكتەرىن بەكەمدەۋ جانە كەڭەيتۋ بولىپ تابىلادى.
ۇعىسۋعا قاراعاندا، ۇزاق ۋاقىتتان بەرى، شينجياڭنىڭ قۇرىلىسشىلار قوسىنى، باستىسى، سىرت ولكەدەگى ەڭبەكشىلەرگە سۇيەنگەن، قازىر شينجياڭنىڭ قۇرىلىسشىلار قوسىنى جاسى ەگدەلەۋ، تەحنيكالىق شەبەرلىك سيپاتتى ەڭبەككۇش تاپشى بولۋ سياقتى ماسەلەلەرگە ءدوپ كەلىپ وتىر. «14 – بەسجىلدىق» كەزىندە شينجياڭنىڭ قاتىناس، سۋ يگىلىگى، ەنەرگيا سياقتى كەلەلى ينجەنەريالار مەن نەگىزدىك قۇرىلعىلار قۇرىلىسىندا وراسان زور ارتۋ كەڭىستىگى بار، قۇرىلىس كاسىپورىندارىنىڭ قۇرىلىس جۇمىسشىلارىنا، اسىرەسە، ونەركاسىپ جۇمىسشىلارىنا بولعان قاجەتى تەك ارتادى، كەمەيمەيدى. شينجياڭدا وزىندىك قۇرىلىس كاسىبى قوسىنىن قۇرۋ قالا، اۋىل ەڭبەككۇشتەرىنىڭ قۇرىلىس كاسىبىنە كىرىپ ورنىقتى جۇمىستانۋىن جەبەپ، شينجياڭنىڭ قۇرىلىس كاسىبىنىڭ باياندى دامۋىنا كەپىلدىك ەتىپ، كەدەيلىكتەن ارىلتۋدان قامال الۋ جەتىستىكتەرىن اۋىل - قىستاقتى گۇلدەندىرۋمەن ءونىمدى ۇشتاستىرۋدىڭ رەال كوكەي كەستى قاجەتىنە اينالدى.
2020 - جىلدان 2022 - جىلعا دەيىن شينجياڭدا قۇرىلىس سالاسىنداعى ءتۇرلى تەحنيكالىق جۇمىس تۇرلەرىنەن جيىنى 318 مىڭ 700 ادام - رەت تاربيەلەنىپ، 230 مىڭ 100 ادام تىڭنان جۇمىستاندى. الداعى 3 جىلدا جۇمىستاندىرۋعا باۋلۋ قيمىلى، باستىسى، قۇرىلىس سالاسىندا باسقا سالاعا ويىسىپ جۇمىستانعاندارعا، قۇرىلىس كاسىپورىندارىنىڭ شەبەرلىگىن وسىرگەندەرگە، اۋىل - قىستاقتاعى ورتالاۋ جانە ورتا مەكتەپ ٴبىتىرىپ عانا قوعامعا شىققاندار مەن وقۋ تاۋىسۋعا تاياعان كاسىپتىك مەكتەپ وقۋشىلارىنا باعىتتالىپ، قالا، اۋىلدارداعى ارتىق ەڭبەككۇشتەردى تارتىپپەن جۇمىستانۋعا، سول جەردىڭ وزىندە، جاقىن ماڭدا جۇمىستانۋعا جانە دەربەس شارۋاشىلىق قۇرۋعا جەتەكتەيدى.
تاياۋدا «شينجياڭ قۇرىلىس شەبەرلەرىنىڭ 3 جىلدا 300 مىڭ ادامدى تاربيەلەۋ، جۇمىسقا ورنالاستىرۋ ارەكەت جوباسىن (2023 – جىلدان 2025 – جىلعا دەيىن» باسىپ تاراتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
