ەلىمىز بويىنشا 8155 ءداستۇرلى قىستاق مەملەكەت دارەجەلى قورعالاتىن قىستاقتار تىزىمدىگىنە ەنگىزىلدى
2023.03.22 15:04 كەلۋ قاينارى : حالىق تورابى
حالىق گازەتىنىڭ ءتىلشىسى ديڭ يتيڭ 3 – ايدىڭ 21 – كۇنى بەيجيڭنەن حابارلايدى. ءتىلشىنىڭ 3 – ايدىڭ 21 – كۇنى تۇرعىن ءۇي جانە قالا – اۋىل قۇرىلىسى مينيسترلىگىنەن ۇعىسۋىنشا، بەيجيڭ قالاسى فاڭشان رايونى شىجيايىڭ اۋىلى ليۋلينشۇي قىستاعى قاتارلى 1336 قىستاق جۇڭگوداعى التىنشى توپتاعى ءداستۇرلى قىستاقتار تىزىمدىگىنە ەنگىزىلگەن. قازىرگە دەيىن، ەلىمىز بويىنشا 8155 ءداستۇرلى قىستاق مەملەكەت دارەجەلى قورعالاتىن قىستاقتار تىزىمدىگىنە ەنگىزىلدى.
تۇرعىن ءۇي جانە قالا – اۋىل قۇرىلىسى مينيسترلىگى قاتارلى التى تاراۋ جۋىردا جۇڭگوداعى ءداستۇرلى قىستاقتار تىزىمدىگىنە ەنگىزىلگەن التىنشى توپتاعى قىستاقتاردىڭ تىزىمدىگىن جاريالاعان. «تۇرعىن ءۇي جانە قالا – اۋىل قۇرىلىسى مينيسترلىگى كەڭسە مەڭگەرمەسىنىڭ جۇڭگوداعى ءداستۇرلى قىستاقتارعا ماڭدايشالىق ءىلىپ قورعاۋ قىزمەتى جونىندەگى ۇقتىرۋىنا» نەگىزدەلگەندە، جەر – جەر ”ءبىر قىستاققا ءبىر ارحيۆ ورناتۋ“ بويىنشا جۇڭگوداعى ءداستۇرلى قىستاقتاردىڭ ارحيۆىن ورناتۋى جانە كەمەلدەندىرۋى، 2023 – جىلى 9 – ايدىڭ سوڭىنان بۇرىن ماڭدايشالىق ءىلۋ قىزمەتىن ورىنداپ بولۋى كەرەك.
2012 – جىلى تۇرعىن ءۇي جانە قالا – اۋىل قۇرىلىسى مينيسترلىگى بۇرىنعى مادەنيەت مينيسترلىگى، مەملەكەتتىك مادەني مۇرالار مەكەمەسى، قازىنا مەكەمەسى قاتارلى تاراۋلارمەن بىرگە ءداستۇرلى قىستاقتار جونىندە تەكسەرۋ جۇرگىزۋدى باستاعان. ءبىرتالاي جىل ۇزدىكسىز قىزمەت ىستەۋ ارقىلى، 2020 – جىلعا كەلگەندە، ماڭىزدى قورعاۋ قۇنىنا يە قىستاقتاردان ىلگەرىندى – كەيىندى بەس توپتا 6819 قىستاقتى جۇڭگوداعى ءداستۇرلى قىستاقتاردىڭ تىزىمدىگىنە ەنگىزىپ، ءداستۇرلى قىستاقتاردى قورعاۋ ينجەنەرياسى ارقىلى 539 مىڭ تاريحي قۇرىلىستى جانە ءداستۇرلى حالىقتىق تۇرعىن ۇيلەردى قورعاپ، ولكە دارەجەلىدان جوعارى 4789 بەيزاتتىق مادەني مۇراعا مۇراگەرلىك ەتكەن جانە ونى دامىتقان، دۇنيە ءجۇزى بويىنشا كولەمى ەڭ زور، مازمۇنى مەن قۇنى ەڭ باي، ەڭ تولىق قورعالعان، قوزعالىستاعى كۇيدە مۇراگەرلىك ەتكەن ەگىنشىلىك وركەنيەتى مۇرالارىن قورعاۋ شوعىرىن قالىپتاستىرعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
