اس – سۋ ىسىراپشىلدىعىن تەجەۋ قوناق ءۇي سالاسىنداعى سەنىمدىلىككە باعا بەرۋدىڭ مەملەكەتتىك ولشەمىنە ەنگىزىلەدى
2023.03.28 15:39 كەلۋ قاينارى : حالىق تورابى
حالىق گازەتىنىڭ ءتىلشىسى لين ليلي 3 – ايدىڭ 27 – كۇنى بەيجيڭنەن حابارلايدى. ءتىلشىنىڭ 3 – ايدىڭ 27 – كۇنى مەملەكەتتىك بازاردى باقىلاۋ – باسقارۋ باس مەكەمەسىنەن ۇعىسۋىنشا، بازاردى باقىلاۋ – باسقارۋ باس مەكەمەسى (ولشەم كوميتەتى) جۋىردا «قوناق ءۇي سالاسىنداعى سەنىمدىلىك دارەجەسىن باعالاۋ ولشەمىن» بەكىتىپ جاريالاپ، قوناق ءۇي سالاسىنداعى بارشا تيجارات جۇرگىزۋشى نەگىزگى تۇلعالاردى ادالدىقپەن تيجارات جۇرگىزۋگە، ساپالى قامداۋدى كەڭەيتۋگە جەتەلەگەن. بۇل ولشەمدە قوناق ءۇي سالاسىنداعى كاسىپورىنداردىڭ بايلىق قاينارىن ۇنەمدەۋ، ءبىر رەت پايدالانتىن سۋلياۋ بۇيىمداردى پايدالانۋدى ازايتۋ، اس – سۋ ىسىراپشىلدىعىن تەجەۋ جاقتارىنداعى تۇزىمدەردى ورناتۋى ءارى ءونىمدى اتقارۋى كەرەك ەكەندىگى ورتاعا قويىلعان، ءار جىلى قىزمەتكەرلەرگە ىسىراپشىلدىقتى تەجەۋ، قوقسىقتى تۇرگە ءبولۋ قاتارلى جاقتارداعى بىلىمدەردى ۇيرەتەتىن كۋرستار اشۋى كەرەك ەكەندىگى باسا دارىپتەلگەن، قوناق ءۇي سالاسىنداعى كاسىپورىنداردىڭ اس – سۋ ىسىراپشىلدىعىن تەجەۋ جاعىنداعى ۇزاق مەرزىمدى ءونىمدى مەحانيزمدى ورناتۋىن، ۇنەمشىلدىك سندى قوعامدىق جاۋاپكەرشىلىگىن بۇلجىتپاي ورىنداۋىن، كاسىپ سالاسىنىڭ جاسىل تيپكە بۇرىلىس جاساۋىن ىسكە اسىرۋىن ىشكەرىلەي ىلگەرىلەتەدى.
تانىستىرۋعا قاراعاندا، بازاردى باقىلاۋ – باسقارۋ باس مەكەمەسى اس – سۋ ىسىراپشىلدىعىن تەجەۋگە قاتىستى ولشەمدەندىرۋ قىزمەتىنە وسكەلەڭ ءمان بەرىپ، ۇزدىكسىز ىلگەرىلەتكەن. 2021 – جىلى ساۋدا مينيسترلىگىمەن، مادەنيەت جانە ساياحات مينيسترلىگىمەن بىرگە «ولشەمدەندىرۋ ارقىلى اس – سۋدى ۇنەمدەپ، اس – سۋ ىسراپشىلدىعىنا قارسى تۇرۋدى ىلگەرىلەتۋ جونىندەگى پىكىردى» جاريالاعان، جۋىرداعى جىلداردان بەرى ىلگەرىندى – كەيىندى «اس – سۋ سالاسىنداعى قامداۋ تىزبەگىن باسقارۋ باعدارناماسى»، «ۇيگە جەتكىزىپ بەرەتىن تاماقتاردىڭ ينفورماتسياسىن بايانداۋ ولشەمى» قاتارلى مەملەكەتتىك 4 ءتۇرلى ولشەمدى جاريالاعان ءارى اس – سۋ ىسىراپشىلدىعىن تەجەۋ تالابىن ساياحات سالاسىنداعى حالىقتىق قونالقى، ساياحات – دەمالىس رايوندارى قاتارلى ورىندارعا قاتىستى مەملەكەتتىك ولشەمنىڭ كولەمىنە ەنگىزگەن.
كەلەسى قادامدا، بازاردى باقىلاۋ – باسقارۋ باس مەكەمەسى ورگانداردىڭ اسحاناسىندا ازىق – تۇلىكتى ىسىراپ ەتۋگە قارسى تۇرۋ، جاسىل تيپتى تاماق جەتكىزۋ كاسىبى، ورتالىق اسحانا قاتارلى مەملەكەتتىك ولشەمدەردى بەلگىلەيدى نەمەسە ولارعا وزگەرىس ەنگىزەدى، ۇنەمشىل تيپتەگى اس – سۋ ولشەمى جۇيەسىن ۇزدىكسىز كەمەلدەندىرىپ، بۇكىل قوعام بويىنشا تۇتىنۋ جاعىندا ”ىسىراپشىلدىق نامىس، ۇنەمشىلدىك داڭق“ دەيتىن جاڭا ستيلىن قالىپتاستىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
