”ءتىس پاراشوگى اۋرۋدى ەمدەيدى“ دەگەن سياقتى جالعان جارنامالاردى ەندىگارى جاساۋعا بولمايدى
لو جىحۋا
2023.03.28 14:18 كەلۋ قاينارى : حالىق تورابى
ءتىس پاراشوگى ”ءتىستى ەمدەيدى“، ”قارىن قاتپارشاسىنداعى بۇراندا ءتارىزدى تاياقشا باكتەريانى جويادى“ دەگەن سوزدەر راس پا؟ وسى تەكتەس جالعان جارنامالاردى جالعاستى جاريالاۋعا ەندى جول بەرىلمەيدى. 3 – ايدىڭ 26 – كۇنى ورتالىق تەلەۆيزيانىڭ حابارلاۋىنشا، جۋىردا بازاردى باقىلاۋ – باسقارۋ باس مەكەمەسى «ءتىس پاراشوگىن باقىلاۋ – باسقارۋ ءادىسىن» جاريالاعان، 2023 – جىلى 12 – ايدىڭ 1 – كۇنىنەن باستاپ اتقارىلادى. اتالعان ادىستە ءتىس پاراشوگىنىڭ انىقتاماسى ايقىندالعان ءارى ءتىس پاراشوگىنىڭ رولىن ۇگىتتەگەندە تولىق عىلىمي نەگىزى بولۋى كەرەك ەكەندىگى ورتاعا قويىلعان. قازىر ەلىمىزدە ءتىس پاراشوگى بازارىندا ءالى دە جالعان جارناما جاساۋ، اسىرەلەگەن جارناما جاساۋ جاعدايى ساقتالىپ وتىر، جاڭا بەلگىلەمەدە ءتىس پاراشوگىنىڭ رولىن جارنامالاۋعا ”قۇرساۋ“ سالىنعان.
ءبىر تاراۋدىڭ وسى تەكتەس جاي كۇندەلىكتى تۇتىنۋ بۇيىمىنا ارناۋلى تۇردە ءتۇزىم شىعارۋى ءىس جۇزىندە ءبىرشاما سيرەك كەزدەسەدى. زاڭ جاعىندا ءتىس پاراشوگىنا ”بولەك قازان اسۋ“ سەبەبى جۋىرداعى جىلداردان بەرى ءتىس پاراشوگى بازارىنداعى بىلىققان جاعدايدىڭ كوبەيۋىمەن بارىنشا قاتىستى، مىسالى، ءبىرتالاي ءتىس پاراشوگىنىڭ جارناماسىندا تىسكە قۇرت تۇسۋدەن، ءتىس داعىنان، تىسكە تاس بايلانۋىنان، قىزىل يەكتىڭ قابىنۋىنان ساقتايدى، باكتەريادان قورعايدى، قاندى توقتاتىپ، ىستىقتى ايدايدى، ءتىس قۋىسىن تولىقتايدى، ءتىس ساڭلاۋىن تۇيىقتايدى، ءتىپتى بوساعان ءتىستى ورنىقتىرۋ رولى بار دەگەن جارناما سوزدەرى بايقالدى، ”قارىن قاتپارشاسىنداعى بۇراندا ءتارىزدى تاياقشا باكتەريادان ساقتاندىراتىن ءتىس پاراشوگىنىڭ“ بايقالۋ جيىلىگى ءبىرشاما جوعارى؛ ينتەرنەت ارقىلى زات ساتاتىن تەكشەلەردە ”ەمحاناداعىمەن بىردەي“، ”ەمدەۋ جولدارى ارقىلى ارناۋلى قامدالادى“، ”ءتىس شيپاگەرى تانىستىرعان“ دەگەن سياقتى جارنامالار از ەمەس، بۇل تۇتىنۋشىلاردىڭ ”كوزىن اربايدى“. وسىنداي جارنامالاردى كورگەندە ءتىس پاراشوگىن ءتىپتى ءدارى رەتىندە پايدالانۋعا بولادى ەكەن دەپ قالاتىندار دا بولادى.
وسىنداي بىلىققان جاعدايلاردىڭ زالالىن تومەن مولشەرلەمەۋ قاجەت، ونى جونگە سالۋدى كەشەۋىلدەتۋگە بولمايدى. ”اۋرۋدى ەمدەۋ“ ءتىس پاراشوگىنىڭ ”قوسىمشا قۇنى“ بولىپ سانالسا، ءتىس پاراشوگىن وندىرەتىن ءىشىنارا كاسىپورىندار ءمىز باقپاستان ونىڭ باعاسىن ونان ارى جوعارىلاتادى؛ ءىشىنارا ايگىلى ماركالاردى اسىرەلەپ ۇگىتتەۋ باسقا ايگىلى ماركالارعا ۇيلەسىمسىز باسەكە ورتاسىن قالىپتاستىرادى، ءتىپتى ”كەرى باعىتتا ەكشەۋ“ جاعدايىن قالىپتاستىرۋى مۇمكىن؛ جالعان جارنامالار جۇرتتىڭ كوزىن كولەگەيلەپ، تۇتىنۋشىلاردىڭ تىسكە قاتىستى اۋرۋلار جونىندەگى تانىمىنا ىقپال جاسايدى، ءتىپتى ولاردىڭ ەمدەلەتىن ۋاقىتىن كەشىكتىرۋى مۇمكىن.
ءتىس پاراشوگىن باقىلاۋ – باسقارۋدى كۇشەيتۋدە، ەڭ الدىمەن قاتىستى تۇزىمدەر مەن بەلگىلەمەلەردى كەمەلدەندىرۋ كەرەك. 2021 – جىلى 1 – ايدىڭ 1 – كۇنى اتقارىلعان «بەزەنۋ بۇيىمدارىن باقىلاۋ – باسقارۋ ەرەجەسىندە» ءتىس پاراشوگىن جاي بەزەنۋ بۇيىمى رەتىندە باسقارۋ تۇڭعىش رەت ايقىندالعان، بۇل باقىلاۋ – باسقارۋ جاعىنداعى ولقىلىقتى تولىقتاۋداعى ماڭىزدى قادامدى باسقانىمىزدى كورسەتەدى، ءتىس پاراشوگى بازارىن جۇيەگە سالۋدا بەلگىلى رول اتقارادى، الايدا، وسىلايشا سالىستىرىپ باسقارۋدىڭ دالدىك دارەجەسى مەن باعىتتامالى سيپاتىنىڭ شەكتى بولاتىنى ايقىن.
جوعارىداعى ادىستە ءتىس پاراشوگىنىڭ انىقتاماسى مەن باقىلاۋ – باسقارۋ تاراۋلارى ايقىندالعان، سونىمەن بىرگە، ءتىس پاراشوگى مەن ءتىس پاراشوگىنىڭ شيكىزاتتارىن باسقارۋ تالابى دا ايقىندالعان، ءتىس پاراشوگىن ەستەلىككە الىپ باسقارۋ ءتۇزىمىن اتقارۋدى بەلگىلەگەن ءارى ءتىس پاراشوگىنىڭ جاڭا شيكىزاتتارىن باسقارۋ، ونىمدەردى ەستەلىككە الۋ، ماركاسىنداعى جارناما، رولىنا باعا بەرۋ قاتارلى جاقتاردا ءبىر قىدىرۋ باقىلاۋ – باسقارۋ ءتۇزىمى ورناتىلعان، زاڭدىق جاۋاپكەرشىلىك ايقىندالىپ، اناعۇرلىم انىق قىزىل سىزىق سىزىلعان. اتالعان ءادىس اتقارىلعاننان كەيىن، زاڭ اتقارۋ، باقىلاۋ جانە كاسىپ سالاسىنىڭ ءوزىن – ءوزى جونگە سالۋى قاتارلى جاقتاردا سۇيەنەتىن اناعۇرلىم ايقىن ءتۇزىم بولادى، ەگەر كاسىپورىندار ”اۋرۋدى ەمدەۋ“ دەگەندى ەمەكسىتىپ جارناما جاساسا، زاڭ بويىنشا جازالانادى.
بۇل ولقىلىقتىڭ تولىقتالۋىن، ءتىس پاراشوگىن باقىلاۋ – باسقارۋدىڭ اناعۇرلىم پارمەندى بولۋىن، ءتىس پاراشوگىنىڭ ماركاسىنا جارناما جاساۋشىلاردىڭ زىمياندىقتان اۋلاق بولىپ، ءتىستى تازالاۋ سىندى نەگىزگى رولىنا قايتالاي ءمان بەرۋىن ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
