تايكەشكەن وتكەلىنىڭ كۇندىك ەكسپورت زات ساۋدا سوماسى تاعى دا تىڭ دەڭگەيگە كوتەرىلدى
2023.03.30 14:16 كەلۋ قاينارى : حالىق تورابى
انار بۇلت / شينجياڭ گازەتىنىڭ حابارى (جاڭ تيڭ، دۇڭ شىجۇي). 636.48 توننا! ەكسپورت ساۋدا سوماسى 23 ميلليون 546 مىڭ 800 يۋان بولدى! 3 – ايدىڭ 27 – كۇنى، تايكەشكەن وتكەلىنىڭ كۇندىك ەكسپورت ساۋدا سوماسى تاريحتاعى ەڭ جوعارى دەڭگەيگە جەتتى.
سول كۇنى تايكەشكەن وتكەلىنىڭ شەكارادان شىعۋ جولىندا تولتىرا جۇك تيەلگەن تاسىمال اۆتوكولىكتەرى تارتىپپەن قاتارعا تۇرىپ كەزەك كۇتتى، قىزمەتكەرلەردىڭ مۇقيات تەكسەرۋىنەن وتكەننەن كەيىن، مەملەكەت قاقپاسىنان باياۋ شىقتى.
”تايكەشكەن وتكەلى التاي ايماعىنداعى ماڭىزدى يمپورت ـ ەكسپورت ساۋدا رايونىنا جانە جيناۋ ـ جونەلتۋ ورنىنا اينالدى“دەپ تانىستىردى تايكەشكەن وتكەلىن باسقارۋ كوميتەتى كەڭسەسىنىڭ مەڭگەرۋشىسى چي ۋيجياڭ.
2022 ـ جىلى، تايكەشكەن وتكەلى زاتتى شەكارا وتكەلىنەن موڭعۇليا ارقىلى رەسەيگە توتە جەتكىزۋدى جۇزەگە اسىردى ءارى رەسەيدەن ورتا ازياعا، سولتۇستىك ەۆروپاعا جول الىپ، جۇڭگو ـ موڭعۇليا ـ رەسەي ـ ەۆروپا 6 جوعارى زات اينالىمى ارناسىنىڭ جاڭا باستاماسىن قالىپتاستىرىپ، شەكارا وتكەلىنەن ەكسپورت ەتىلگەن زات قابىلداۋ ـ جونەلتۋ مولشەرىنىڭ ارتۋىنداعى نەگىزگى قوزعالتقىشقا اينالدى.
بيىل 3 - ايدىڭ 26 - كۇنىنە دەيىن تايكەشكەن وتكەلىنەن يمپورت - ەكسپورت ەتىلگەن زات جيىنى 488 مىڭ 100 تونناعا جەتىپ، سايكەس مەزگىلدەگىدەن %21.29 ارتقان؛ يمپورت - ەكسپورت ساۋدا جالپى سوماسى 748 ميلليون يۋانعا جەتىپ، سايكەس مەزگىلدەگىدەن %60.25 ارتقان. تايكەشكەن وتكەلىنەن ءۇشىنشى ەلگە ەكسپورت ەتىلگەن زات ساۋدا سوماسى جالپى ەكسپورت ساۋدا سوماسىنىڭ %91.5 ىن ۇستادى.
چي ۋيجياڭ بىلاي دەدى: يمپورت - ەكسپورت ساۋداسىنىڭ ارتۋى مەن ەكسپورتتا بۇرىلىس جاساۋ —ەل ءىشى - سىرتىنداعى بازاردىڭ جاعدايىن ايگىلەدى، ەكونوميكا گۇلدەنگەن كەزدە ەكسپورت تاسىمالىنا بولعان سۇرانىس، ءسوز جوق، ارتادى، بۇل ساندى مالىمەتتەر تايكەشكەن وتكەلىنىڭ كەدەننەن ءوتۋ قۋاتىنىڭ قازىر جوعارىلاپ بارا جاتقاندىعىن، شەكارا وتكەلىنىڭ ەكونوميكالىق دامۋ ورەسى كورنەكتى جوعارىلاعاندىعىن، سىرتقا ەسىك اشۋ ارناسىندىق رولى اناعۇرلىم كورنەكتىلەنگەنىن كورسەتەدى.
كوز الدا، تايكەشكەن وتكەلى اۆتونوميالى رايوننىڭ ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىمەن بەلسەنە توعىسىپ، سىرتقا ەسىك اشۋ دەڭگەيىن ونان ارى جوعارىلاتىپ، جۇڭگو، موڭعۇليا، رەسەي ەكونوميكالىق ءدالىزىنىڭ ماڭىزدى تورابى رەتىندە، التاي ايماقتىق اكىمشىلىك مەكەمەسى مەن موڭعۇليانىڭ قوبدا ولكەسىنىڭ جەلىدە كەزدەسۋ، تىلدەسۋ، جەلىدەن تىس قىزمەت ىستەپ، ءوزارا ساپاردا بولۋىنان قالىپتاسقان ۇنەمىلىك مەحانيزمدى تياناق ەتىپ، تيجارات ـ ساۋدا ورتاسىن ۇزدىكسىز ساپالىلاندىرىپ، كاسىپورىنداردىڭ ەل ءىشى جانە حالىقارالىق ەكى بازاردى اشۋىنا، رەسەي ـ ەۆروپا ەكونوميكا ـ ساۋدا بارىس ـ كەلىسىن تەرەڭدەتۋىنە تاماشا تۇعىر ازىرلەدى.
”ءبىز وسىنى وراي ەتىپ، بيىلعى يمپورت ـ ەكسپورت جالپى مولشەرى 3 ميلليون 500 مىڭ توننا بولۋ نىساناسىن جۇزەگە اسىرۋدى نەگىزگى جەلى ەتىپ، شەكارا وتكەلىنڭ ءار سالاداعى ساۋدا ناقتى سەلبەستىگىن ۇزدىكسىز ىلگەرىلەتەمىز“دەدى چي ۋيجياڭ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
