سىرتقى ىستەر مينيسترلىگىنىڭ مالىمدەمەشىسى: جاپونيانى كەلەسى ۇرپاقتى تاريحقا دۇرىس كوزقاراس ارقىلى تاربيەلەۋگە قۋزايمىز
2023.03.30 14:13 كەلۋ قاينارى : حالىق تورابى
شينحۋا اگەنتتىگى، 3 – ايدىڭ 29 - كۇنى، بەيجيڭ (دۇڭ شۋە). سىرتقى ىستەر مينيسترلىگىنىڭ مالىمدەمەشىسى ماۋ نيڭ 3 – ايدىڭ 29 - كۇنى بىلاي دەدى: جۇڭگو جاپونيانىڭ ازياداعى كورشى ەلدەر مەن حالىقارالىق قوعام نازار اۋدارىپ وتىرعان ماسەلەلەرگە ءمان بەرىپ، كەلەسى ۇرپاقتى تاريحقا دۇرىس كوزقاراس ارقىلى تاربيەلەپ، ازياداعى كورشى ەلدەر مەن حالىقارالىق قوعام الدىندا سەنىمىنەن ٴتىپتى دە ايرىلىپ قالۋدان ساقتانۋعا قۋزايدى.
سول كۇنگى كەزەكتى تىلشىلەر جينالىسىندا ءبىر ءتىلشى بىلاي دەپ سۇرادى: حابارعا قاراعاندا، جاپونيا مادەنيەت مينيسترلىگىنىڭ عىلىم مەڭگەرمەسى 3 – ايدىڭ 28 – كۇنى ءبىر توپ باستاۋىش مەكتەپ وقۋلىقتارىن تەكسەرىپ بەكىتىپ ماقۇلداپ، جاپونيانىڭ ءوز ەلىنىڭ تەرريتوريا قۋاتتاماسىن ۋاعىزداپ، جاپونيانىڭ ەڭبەكشىلەردى زورلىقپەن جۇمىسقا سالۋ جانە قۇلدانۋ سىندى تاريحي فاكتتەرىن وشكىندەتىپ جانە بۇرمالاپ، ولاردىڭ چاۋشيان تۇبەگىن وتارلاعان كەزدەگى زورلىق - زومبىلىعىن بۇركەمەلەدى. كورەيا ديپلوماتيالىق جولمەن نارازىلىق ءبىلدىردى. جۇڭگو جاق بۇعان قانداي باعا بەرەدى؟
ماۋ نيڭ مىنانى ءبىلدىردى: وقۋلىقتى تەكسەرىپ بەكىتۋدە ءسوز ويناتۋ ارقىلى تاريحي شىندىقتى كۇڭگىرتتەندىرىپ، تاريحي قىلمىس جاۋاپكەرشىلىگىن وشكىندەتۋ جانە ودان جالتارۋ جاپونيانىڭ ءوزىنىڭ شاپقىنشىلىق تاريحىن تەرىستەۋدەگى جانە بۇرمالاۋداعى كانىگى سايقالدىعى. ”جۇڭگو جاپونيانىڭ وقۋلىقتاردى تەكسەرىپ بەكىتۋ ارقىلى تاريح، تەرريتوريا ماسەلەسىندە ارامزالىق ىستەگەن ارەكەتتەرىنە دە قاتاڭ نازار اۋدارىپ، جاپونياعا قاتاڭ نارازىلىق ءبىلدىردى“. ماۋ نيڭ بىلاي دەدى: جاپونيا ميليتاريزمىنىڭ شاپقىنشىلىق سوعىسى زيانعا ۇشىراعان ەلدەردىڭ حالقىنا اۋىر اپات تۋدىردى، ەڭبەكشىلەردى زورلىقپەن جۇمىسقا سالۋ جانە قۇلدانۋ ‐ جاپونيا ميليتاريزمىنىڭ اۋىر قىلمىسى، بۇلتارتپاس دالەل بار، دەلونى اۋدارۋعا جول بەرىلمەيدى. دياۋيۇي ارالى مەن وعان تاۋەلدى ارالدار ەجەلدەن جۇڭگونىڭ مەنشىكتى تەرريتورياسى، جاپونيا جاق وقۋلىققا نەلەردى جازسا دا دياۋيۇي ارالىنىڭ جۇڭگوعا تاۋەلدى ەكەندىگى سىندى شىندىقتى وزگەرتە المايدى.
”جۇڭگو جاق جاپونيا جاقتى ازياداعى كورشى ەلدەر مەن حالىقارالىق قوعام كوڭىل ءبولىپ وتىرعان ىستەرگە ءمان بەرىپ، كەلەسى ۇرپاقتى تاريحقا دۇرىس كوزقاراس ارقىلى تاربيەلەپ، ازياداعى كورشى ەلدەر مەن حالىقارالىق قوعام الدىندا سەنىمىنەن ٴتىپتى دە ايرىلىپ قالۋدان ساقتانۋعا قۋزايدى“دەدى ول.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
