شينجياڭدا 1830 ءىسورىن 5459 ادامدى اشىق قابىلدايدى!
3 – ايدىڭ 31 – كۇنىنەن 4 – ايدىڭ 6 – كۇنىنە دەيىن توراپتا تىزىمدەلۋگە بولادى، تۇرگە ءبولىپ ەمتيحان الادى
2023.04.03 14:17 كەلۋ قاينارى : حالىق تورابى
شينجياڭ ۇيعۇر اۆتونوميالى رايونىنىڭ 2023 ـ جىلدىڭ الدىڭعى جارتىسىنداعى ۇكىمەت قىزمەتكەرلەرىن تۇرگە ءبولىپ قوعامنان اشىق قابىلداۋ قىزمەتى باستالدى. 1830 ءىسورىن 3527 قىزمەت ورنىنا 5459 قىزمەتكەردى اشىق قابىلدايدى.
3 - ايدىڭ 31 – كۇنى ءتىلشىنىڭ شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، اشىق قابىلداۋ حابارلاندىرۋى، ەمتيحان تاپسىرۋ باعدارناماسى، قىزمەت ورنى كەستەسى سياقتىلار شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ رەسمي سايتىندا (http://rst.xinjiang. gov.cn/) جاريالاندى. قىزمەت ورنى شارتىنا ۇيلەسەتىن ادامداردىڭ قاتىستى ينفورماتسيالاردى تەكسەرىپ، ۇيلەسىمدى قىزمەت ورنىن تاڭداپ تىزىمدەلۋىنە بولادى.
تىزىمدەلۋ، اقى تاپسىرۋ تۇگەلدەي توراپتا جۇرگىزىلەدى.3 - ايدىڭ 31 - كۇنىنەن 4 - ايدىڭ 6 - كۇنى ساعات 18دەن 30 مينۋتقا دەيىن، شارتقا ۇيلەسەتىن ادامدار شينجياڭ كادرلار ەمتيحانى ورتالىعىنىڭ رەسمي سايتىنا شىعىپ (http://www.xjrsks.com. cn) تىزىمدەلۋىنە بولادى، قىزمەت ورنىن تاڭداۋ ينفورماتسياسىن تولتىرعاننان كەيىن، 4 - ايدىڭ 1 - كۇنى ساعات 10نان 30 مينۋتتان 4 - ايدىڭ 7 - كۇنى 18 ساعات 30 مينۋتقا دەيىن، شينجياڭ كادرلار ەمتيحانى ورتالىعىنىڭ رەسمي سايتىندا اقى تاپسىرۋىنا بولادى.
جازباشا ەمتيحان ۋاقىتى مەجەمەن 5 - ايدىڭ 7 - كۇنى الىنادى، ەمتيحان مازمۇنى «كاسىپتىك قۋات نىسايى ەمتيحانى»، «جالپىلىق قولدانۋ قابىلەتى» سياقتىلاردى قامتيدى. ەمتيحان ءتۇرى جالپىلىق باسقارۋ، قوعامدىق عىلىم ارناۋلى تەحنيكاسى، جاراتىلىستىق عىلىم ارناۋلى تەحنيكاسى، ورتا، باستاۋىش مەكتەپ وقىتۋشىلارى جانە ەمدەۋ - دەنساۋلىق ساقتاۋ ءتۇرى دەپ 5 تۇرگە بولىنەدى. مۇنىڭ ىشىندە ورتا، باستاۋىش مەكتەپ وقىتۋشىلارى 2 ۇساق تۇردەن تۇرادى، باستاۋىش مەكتەپ وقىتۋشىلارى جانە ورتا مەكتەپ وقىتۋشىلارى دەپ بولىنەدى، ەمدەۋ، دەنساۋلىق ساقتاۋ تۇرلەرى 6 ۇساق تۇرگە بولىنەدى، الەۋمەتتىك دەنساۋلىق ساقتاۋدى باسقاۋ ءتۇرى، كلينيكالىق مەديتسينا ءتۇرى، جۇڭگوشا ەمدەۋ كلينيكالىق ءتۇرى، كۇتىمدەۋى ءتۇرى، مەديتسينا تەحنيكاسى ءتۇرى جانە ءدارى – دارمەك ءتۇرى بولىپ بولىنەدى. ءارقايسى قىزمەتكەر قابىلداۋ ورىندارىندا بەلگىلەنگەن جازباشا ەمتيحان ەمتيحان تۇرلەرىن قىزمەت ورنى كەستەسىنەن كورۋگە بولادى.
ۇسىنىس ەتىلگەندەر ءىسورىن ەمتيحان تۇرىنە نەگىزدەلىپ، باعىتتامالىعى بولعان فورمامەن ەمتيحانعا دايىندالادى.
2022 – جىلدان باستاپ، شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ءار جىلدىڭ الدىڭعى جارتى جىلىندا جوعارى مەكتەپ ءبىتىرۋ ماۋسىمىندا ورنىقتى ىزدەنىس جاساۋدى ىلگەرىلەتىپ، شينجياڭ ۇيعۇر اۆتونوميالى رايونىنداعى ءىسورىنداردىڭ اشىق قابىلداۋ، تۇرگە ايىرۋ ەمتيحانىن شوعىرلى وتكىزەدى. ”بۇل جوعارى مەكتەپ بىتىرگەن وقۋشىلار سياقتى قاۋىمدى دەر كەزىندە جەتكىلىكتى جۇمىس ورنىمەن قامداپ، جاڭا جۇمىستانۋ ارناسىن اشۋمەن بىرگە، بيىل وقۋ بىتىرەتىن وقۋشىلاردىڭ وقۋ تاۋىسۋ ماۋسىمىندا كاسىپتىك جوبانى ۇيلەسىمدى بەلگىلەۋىنە، جۇمىس ىزدەۋ جوسپارىن ءبىرتۇتاس ورنالاستىرۋىنا ءونىمدى كومەكتەسىپ، ءتىپتى دە كوپ جوعارى مەكتەپ بىتىرگەن وقۋشىلاردى شينجياڭعا كەلىپ قىزمەت ىستەۋگە جەتەكتەپ، جاڭا جورىقتا كورىكتى شينجياڭ قۇرۋعا جاڭا اقىل ـ پاراسات جانە كۇش ـ قۋات توپتاۋعا جەبەيدى“ دەدى شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ءىسورىن كادرلار ىستەرىن باسقارۋ باسقارماسىنىڭ باستىعى تۇڭ چۇنلەي.
تۇڭ چۇنلەي بىلاي دەدى: جازباشا ەمتيحاندا ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ كادرلار ەمتيحانى ورتالىعى قامداعان ءىسورىنداردىڭ اشىق قابىلداۋ، تۇرگە ايىرۋ ەمتيحانىنىڭ الەۋمەتتىك ساباقتاردىڭ جازباشا ەمتيحانىنىڭ ءبىرتۇتاس ەمتيحان قاعازىن قولدانادى، ەمتيحان سۇراۋلارى ءبىرتۇتاس ەمتيحان بەرۋ ءتۇزىمى، باعالاۋ، قۇپيالىقتى ساقتاۋدىڭ عىلىميلىعى مەن كاسىپتىك سيپاتى جاعىندا، قالىڭ ەمتيحان بەرۋشىلەرگە اشىق، ءادىل، ەمتيحان ورتاسىن جاراتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
