”قىزىل ءتۇستى قۋعىنداۋ بۇيرىعى تۇسىرىلگەن ءجۇز ادامنىڭ“ قاتارىنداعى سۇن فىڭنىڭ الدامشىلىق، پاراقورلىق دەلوسىنا ءبىرىنشى سوت اشىلدى
2023.04.04 14:02 كەلۋ قاينارى : حالىق تورابى
4 – ايدىڭ 3 – كۇنى، جياڭسۋ ولكەسى ۋشي قالالىق ورتا دارەجەلى حالىق سوت مەكەمەسى ءبىرىنشى سوتتا جۇڭگو اۋىل شارۋاشىلىق بانكەسى جياڭين ياۋساي تارماق بانكەسىنىڭ بۇرىنعى باستىعى سۇن فىڭنىڭ الدامشىلىق، پارا الۋ دەلوسىنا اشىق سوت اشتى. سۇن فىڭ 2011 ـ جىلى 12 ـ ايدا فيليپپينگە قاشىپ بارعان، 2015 ـ جىلى 4 ـ ايدا ”قىزىل ءتۇستى قۋعىنداۋ بۇيرىعى تۇسىرىلگەن ءجۇز ادامنىڭ“ قاتارىنا ەنگىزىلگەن. 2022 – جىلى 5 – ايدا، حالىقارالىق زاڭ اتقارۋ سەلبەستىگى ارقىلى سۇن فىڭ شەتەلدە تورعا تۇسكەن ءارى ەلگە قايتارىلعان. سۇن فىڭ ”اسپان تورى ارەكەتى“ ورىستەتىلگەننەن بەرى، 61 - رەتكى تۇتقىندالعان ”قىزىل ءتۇستى قۋعىنداۋ بۇيرىعى تۇسىرىلگەن ءجۇز ادامنىڭ“ ءبىرى.
ۋشي قالالىق حالىق پروكۋراتۋراسى بىلاي دەپ ايىپتادى: 2010 - جىلدان 2011 - جىلعا دەيىن ايىپكەر سۇن فىڭ قارجى قوسۋ سەبەبىنەن وراسان زور زيان شەگىپ، زياننىڭ ورنىن تولتىرۋ ءۇشىن، جالعان قارىز اقشا بەرۋ، اقشا تولەۋگە ۋادە ەتۋ، امانات اقشا تارتۋ سياقتى جەلەۋمەن زيانكەستىككە ۇشىراعان كوپتەگەن ادامدى الداپ 87 ميلليون يۋاننان استام حالىق اقشاسىن الداپ العان، سونداي - اق مۇنىڭ ىشىندە 40 ميلليون يۋاننان استام حالىق اقشاسىن شەتەلگە جوتكەگەن. 2010 – جىلى 3 – ايدا، سۇن فىڭ جۇڭگو اۋىل شارۋاشىلىق بانكەسى جياڭين ياۋساي تارماق بانكەسىنىڭ باستىعى مىندەتىن وتەۋ قولايلىلىعىنان پايدالانىپ، قارىز اقشا بەرۋ بارىسىندا باسقالارعا پايدا جەتكىزىپ، باسقالاردان 100 مىڭ يۋان پارا العان.
سوتتا الەۋمەتتىك ايىپتاۋ ورگانى قاتىستى دالەل - ىسپاتتاردى كورسەتتى، ايىپكەر سۇن فىڭ مەن ونىڭ اقتاۋشىسى فاكت كورسەتتى، شاعىم ايتۋشى مەن اقتاۋشى سوتتىڭ باسقارۋىندا تولىق پىكىر ايتىستى، سۇن فىڭ ەڭ سوڭعى ءسوزىن سويلەدى ءارى سوت ۇستىندە قىلمىسىن مويىنداپ، رايىنان قايتقاندىعىن ءبىلدىردى. سۇن فىڭنىڭ تۋىس - تۋعاندارىنان، حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن جانە قوعامداعى ءار سالادان كەلگەن 20 نەشە ادام سوت تەرگەۋىن سىرتتاي تىڭدادى. بۇل دەلونىڭ سوت ۇكىمى ارتىنان جاريالاناتىن بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
