ەلىمىز بويىنشا 2023 – جىلى 4 – ايدان باستاپ اتقارىلاتىن جاڭا بەلگىلەمەلەر
2023.04.03 16:30 كەلۋ قاينارى : حالىق تورابى
حۋاڭحى وزەنىنىڭ سۋ قاينارىن قورعاۋ
حۋاڭحى وزەنىن قورعاۋ زاڭى 4 – ايدىڭ 1 – كۇنىنەن باستاپ اتقارىلادى. زاڭدا مىنالار باسا دارىپتەلگەن: مەملەكەت حۋاڭحى وزەنى الابىندا اۋىل شارۋاشىلىعى سالاسىندا سۋدى ۇنەمدەپ، ونىمدىلىكتى ارتتىرۋ، ونەركاسىپ سالاسىندا سۋدى ۇنەمدەپ، لاس زاتتاردى ىعىستىرۋدى ازايتۋ جانە قالا – قالاشىقتاردا سۋدى ۇنەمدەپ، زالالدى ازايتۋ شارالارىن كۇشەيتىپ، سۋ بايلىعىن ۇنەمدەۋدى، شوعىرلى تۇردە پايدالانۋدى ءونىمدى ىسكە اسىرىپ، سۋدى ۇنەمدەيتىن قوعام قۇرىلىسىن ىلگەرىلەتەدى.
تۋىلۋدى ىسپاتتايتىن مەديتسينالىق كۋالىكتىڭ جاڭا نۇسقاسى ىسكە قوسىلادى
ەلىمىز 4 – ايدىڭ 1 – كۇنىنەن باستاپ جەتىنشى نۇسقاداعى تۋىلۋ مەديتسينالىق كۋالىگىن ىسكە قوسادى. جاڭا نۇسقاداعى كۋالىكتە ”تۋىلۋ مەديتسينالىق كۋالىك ءنومىرىنىڭ“ فورماسى ”ءبىر ءارىپ، 9 سيفر“ فورماسىنان ”ءبىر ءارىپ، 9 سيفرلى جولاقتى كود“ فورماسىنا وزگەرتىلەدى، ارتقى رەڭى جاسىل رەڭنەن سارى رەڭگە وزگەرتىلەدى.
باجى تاپسىرۋشىلاردى وزگەرتىپ تىزىمگە الۋ قاراپايىمداستىرىلادى
باجى ىستەرى باس مەكەمەسىنىڭ ۇقتىرۋىنشا، 4 – ايدىڭ 1 – كۇنىنەن باستاپ، باجى تاپسىرۋشىلار بازاردى باقىلاۋ – باسقارۋ تاراۋلارىنا بارىپ زاڭ بويىنشا وزگەرتىپ تىزىمدەلۋدى ورىنداعان سوڭ، باجى ىستەرى ورگاندارىنا تىزىمگە الۋ بارىسىندا وزگەرتكەن ينفورماتسيالاردى مالىمدەۋىنىڭ قاجەتى جوق، ءارقايسى ولكەلىك باجى ىستەرى ورگاندارى جينشۇي 3 – مەرزىمدىك وزەكتى باجى جيۋ – باسقارۋ جۇيەسى ارقىلى اۆتوماتتى تۇردە سايكەستىرەدى.
كومىردى بولشەك يمپورت ەتۋدە ۋاقىتشا بەلگىلەنگەن باجى مولشەرىن اتقارۋ مەرزىمى ۇزارتىلادى
مەملەكەتتىك كەڭەستىڭ كەدەندىك باجى ەرەجە كوميتەتى ءتارتىپ بويىنشا بىلاي دەپ بەلگىلەدى: 2023 – جىلى 4 – ايدىڭ 1 – كۇنىنەن 2023 – جىلى 12 – ايدىڭ 31 - كۇنىنە دەيىن، كومىرگە بايلانىستى باجى مولشەرى ءنول بولعان ۋاقىتتىق اتقارىلاتىن باجى مولشەرى جالعاستى اتقارىلادى.
شەتەلمەن بولعان مادەنيەت – ساياحات اۋىس – كۇيىسى ىلگەرىلەتىلەدى
مادەنيەت – ساياحات مينيسترلىگىنىڭ ۇقتىرۋىنشا، 4 – ايدىڭ 1 – كۇنىنەن باستاپ، ءار دارەجەلى مادەنيەت – ساياحات سالاسىن اكىمشىلىك جاقتان باسقارۋ تاراۋلارىنىڭ شەتەلگە باعىتتالعان مادەنيەت – ساياحات اۋىس – كۇيىسى بايلانىسىمەن شەكارادان كىرىپ – شىعاتىن ۇيىرمەلەردىڭ ءوتىنىشىن تەكسەرىپ بەكىتۋدى قىزمەت قاجەتىنە قاراي قالپىنا كەلتىرۋىنە بولادى.
ورتاق ءتىل ورەسى ەمتيحانىندا كومپيۋتەردىڭ كومەگىندە ەمتيحان الۋ اتقارىلادى
جاڭا نۇسقاداعى «ورتاق ءتىل ورەسىن سىناۋ ەرەجەسى» 4 – ايدىڭ 1 – كۇنىنەن باستاپ اتقارىلادى، ورتاق ءتىل ورەسى ەمتيحانىندا كومپيۋتەردىڭ كومەگىندە ەمتيحان الۋ اتقارىلاتىنى، دايىندىق سىناق بولمەسى مەن دايىندىق سىناق ۋاقىتى كۇشىنەن قالدىرىلاتىنى، ەمتيحان بەرۋشىنىڭ ەمتيحان الدىندا تولىق دايىندالۋىنا بولاتىنى ايقىندالعان.
تۇرمىستا تۇتىناتىن سۋدىڭ تازالىعىنا ساياتىن جاڭا ولشەم اتقارىلادى
4 – ايدىڭ 1 – كۇنىنەن باستاپ، قالانى سۋمەن قامداۋعا ساياتىن جاڭا نۇسقاداعى «تۇرمىستىق اۋىز سۋدىڭ تازالىق ولشەمى» اتقارىلادى. جاڭا ولشەمدە اۋىز سۋدىڭ سەزىم مۇشەسىندىك كورسەتكىشىنە اناعۇرلىم ءمان بەرىلىپ، ديزەنفەكسيالاۋعا پايدالاناتىن قوسىمشا ونىمدەردى تەجەۋ اناعۇرلىم كۇشەيتىلىپ، سۋ ساپاسىن باسقارۋ – مەڭگەرۋدىڭ دالمە – دالدىگى جوعارىلاتىلعان.
ماشيناعا ماي قۇيۋ پۋنكتىندە قولفونمەن اقشا تولەۋدىڭ حاۋىپسىزدىگىنە قويىلاتىن تالاپتار جۇيەگە تۇسىرىلگەن
جاڭا نۇسقاداعى «ماي قۇيۋ پۋنكتىندە جۇمىس ىستەۋ حاۋىپسىزدىك ولشەمى» 4 – ايدىڭ 1 – كۇنىنەن باستاپ اتقارىلادى، اقى تولەۋ ارەكەتىنىڭ حاۋىپسىزدىگىنە قويىلاتىن تالاپتار قوسىلعان، جانعىش گازدارعا بايلانىستى دىبىستى، جارىقتى دابىل قاعۋ قۇرىلعىسى ورناتىلعان ماي قۇيۋ قىزمەت رايونىندا تۇتىنۋشىلاردىڭ قولفون ارقىلى اقى تولەۋىنە رۇقسات ەتۋگە بولادى دەپ بەلگىلەنگەن.
قۇرىلىس جانە قالا ينجەنەرياسىنىڭ سۋدان ساقتانۋ يقۋاتى جۇيەگە تۇسىرىلەدى
«قۇرىلىس جانە قالا ينجەنەرياسىنداعى سۋدان ساقتانۋدا ءبىر تۇتاس پايدالاناتىن ولشەم» 4 – ايدىڭ 1 – كۇنىنەن باستاپ اتقارىلادى، مۇندا ءۇيدىڭ سىرتقى جانە ىشكى قۇرىلىسىن سۋدان ساقتاناتىن ەتىپ جوبالاۋ قىزمەتىنىڭ جىل شەگى جەكە – جەكە 20 جانە 25 جىلدان تومەن بولماۋى كەرەك دەپ بەلگىلەنگەن. بۇل ولشەم ءماجبۇرلى سيپاتتاعى ينجەنەريالىق قۇرىلىس ولشەمى سانالادى، بارلىق تارماقتارىن، ءسوزسىز، قاتاڭ اتقارۋ قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
