قىستاق تۇرعىندارىنىڭ ءۇيىنىڭ الدى – ارتىنا كوكونىس، جەمىس – جيدەك ەگۋىنە تيىم سالىنا ما؟ جەرگىلىكتى ورىن جاۋاپ قايتاردى
2023.04.03 16:07 كەلۋ قاينارى : حالىق تورابى
شانشي ولكەسى شي – ان قالاسى حۋ – ي رايونى گانتيڭ ءمالى باسقارماسىنىڭ قاراماعىنداعى حانسۇن قىستاعىنىڭ كادرى 4 – ايدىڭ 1 – كۇنى ۋيچات توبى ارقىلى قىستاق تۇرعىندارىنا ”كوكونىس، جەمىس جيدەك ەگۋگە تيىم سالىنادى“ دەگەن ۇندەۋ تاستاپ، قىستاق تۇرعىندارىنىڭ ءوز ءۇيىنىڭ الدى – ارتىنا قيار، پاميدور قاتارلى سۇلاما ساباقتى، باعانا تىكتەۋدى قاجەت ەتەتىن كوكونىستەردى ەگۋىنە قاتاڭ تيىم سالىناتىنىن ورتاعا قويعان ءارى ”قىستاق كوميتەتى ارناۋلى ادام ۇيىمداستىرىپ تەكسەرەدى، وسىنداي جاعدايلار بايقالسا توتە الىپ تاستايدى“ دەگەندى باسا دارىپتەگەن ، بۇل ءىس تەز ارادا توراپتاستاردىڭ نازارىن كەڭ كولەمدى اۋداردى.
4 – ايدىڭ 1 – كۇنى كەشتە، گانتيڭ ءمالى باسقارماسىنىڭ پارتيا قىزمەتى كوميتەتى، ءىس باسقارماسى جۇرگىزگەن ”ينتەرنەتتەگى گانتيڭ ەكپىندىلەرى“ اتتى ۋيچات تەكشەسى بۇل ءىس جايلى جاۋاپ قايتارىپ بىلاي دەگەن: ”حانسۇن قىستاعى حۋ – ي رايونى گانتيڭ ءمالى باسقارماسىنا ورنالاسقان، قالا مەن اۋىل شەكتەسكەن وڭىرگە جاتادى، قىستاق تۇرعىندارى ءبىر تۇتاس جوسپارلانعان 2 قاباتتىق قاتارلاستىرا سالىنعان ۇيلەردە تۇرادى، وتباسىلاردا قورشاما داۋال جوق، اشىق اۋلا ەسەپتەلەدى“. تەكسەرۋگە قاراعاندا، بۇل ءىستىڭ جاعدايى بىلاي: ”قىستاقتا قىستاق كەلبەتىن جاقسارتۋ قيمىلى ورىستەتىلگەن، قىستاق كادرى ءوزىنىڭ باسقارۋىنداعى جەردەگى جاۋاپكەرشىلىگىن تياناقتاندىرۋدى شۇعىل ورىنداماقشى بولعاندىقتان، تالاپتى جوعارىلاتىپ، ۋيچات توبى ارقىلى ۇيلەسىمسىز ۇندەۋ جاريالاعان“.
ۇكىمەت جاقتىڭ قايتارعان جاۋابىنىڭ مازمۇنىندا بىلاي دەلىنگەن: قازىر ءمالى باسقارماسى قىستاق تۇرعىندار كوميتەتىنەن ۇيلەسىمسىز ۇندەۋدى تۇزەتۋدى، قىستاق تۇرعىندارىنا دەر كەزىندە قىزمەت جاعدايىن ءتۇسىندىرۋدى ويداعىداي ىستەۋدى تالاپ ەتكەن، سونىمەن بىرگە، قاتىستى كادرگە سىن ايتىپ، تاربيە بەرگەن، بۇدان بىلاي قىزمەت بارىسىندا ءبىر ماسەلە ارقىلى باسقا ماسەلەلەردى بايقاپ، بۇقاراعا ۇزدىكسىز ويداعىداي قىزمەت وتەۋدى تالاپ ەتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
