شي جينپيڭ ارابتىڭ ايگىلى كوركەمونەرشىلەرىنىڭ ۋاكىلدەرىنە جاۋاپ حات جازدى
2023.04.04 16:42 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 3 – كۇنى، بەيجيڭ. جۋىقتا مەملەكەت ءتوراعاسى شي جينپيڭ ”كوركەمونەر توعىسقان جىبەك جولى“ اتىنداعى جۇڭگودا ساپاردا بولىپ، ماتەريال جيناۋ قيمىلىنا قاتىناسقان ارابتىڭ ايگىلى كوركەمونەرشىلەرىنىڭ ۋاكىلدەرىنە جاۋاپ حات جازىپ، كوركەمونەرشىلەردى جۇڭگو - اراب ەلدەرى دوستىعىن ايگىلەيتىن اناعۇرلىم كوپ كوركەمونەر تاڭداۋلى تۋىندىلارىن جاراتىپ، جۇڭگو - اراب ەلدەرى حالىقتارىنىڭ دوستىعىن كۇشەيتۋگە تىڭ ۇلەس قوسۋعا شابىتتاندىردى.
شي جينپيڭ بىلاي دەپ اتاپ كورسەتتى: مادەنيەت جۇرەكتەردى جالعاي الادى، كوركەمونەر دۇنيە ءجۇزىن بايلانىستىرا الادى. بايىرعى جىبەك جولىن اشۋدان ”ءبىر بەلدەۋ، ءبىر جولدى“ بىرگە قۇرۋعا دەيىن، جۇڭگو مەن اراب ەلدەرىنىڭ وركەنيەت اۋىس - كۇيىسى مىڭ جىلدان اسىپ، ءبىر - ءبىرىنىڭ ارتىقشىلىعىن كورە ءبىلىپ، ءوزارا ۇيرەنۋ، ءوزارا ۇلگى الۋ سىندى تاماشا تاريحي حيكايانى جازدى. بىلتىر جىل سوڭىندا تۇڭعىش كەزەكتى جۇڭگو - اراب ەلدەرى باسشىلار باس قوسۋى جاڭا داۋىرگە بەت العان جۇڭگو - اراب ەلدەرى تاعدىرلاس ورتاق تۇلعاسىن بار كۇشپەن قۇرۋدى ۇيعاردى. جۇڭگو - اراب ەلدەرى قارىم - قاتىناسىنىڭ دامۋى جاڭا تاريحي باستامادا تۇر، مەن اناعۇرلىم كوپ اراب كوركەمونەرشىلەرىنىڭ جۇڭگوعا كەلىپ ماتەريال جيناپ، جۇڭگو مەن اراب ەلدەرىنىڭ مادەنيەت اۋىس - كۇيىسىن جەبەيتىن ءتىپتى دە كوپ تاڭداۋلى كوركەمونەر تۋىندىلارىن جاراتىپ، جۇڭگوداعى كەشىرمەلەرى مەن تۇسىنىكتەرىن ورتاقتاسىپ، اناعۇرلىم كوپ اراب دوستارعا جۇڭگونى سەزىندىرىپ، جۇڭگونى ءتۇسىندىرىپ، جۇڭگو حالقىمەن بىرگە جاڭا داۋىردەگى جۇڭگو – اراب وركەنيەتىنىڭ اۋىس - كۇيىس جاساۋىنىڭ، ءوزارا ۇلگى الۋىنىڭ جاڭا تاراۋىن بىرگە جازۋىن ءۇمىت ەتەمىن.
تاياۋدا ”كوركەمونەر توعىسقان جىبەك جولى“ اتىنداعى جۇڭگودا ساپاردا بولىپ، ماتەريال جيناۋ قيمىلىنا قاتىناسقان ارابتىڭ ايگىلى كوركەمونەرشىلەرىنەن 50 نەشە ادام ءتوراعا شي جينپيڭگە بىرلەسىپ حات جولداپ، 10 نەشە جىلدان بەرگى جۇڭگودا ساپاردا بولعان كەزدەگى تابىستارى مەن تۇسىنىكتەرىن ءبولىسىپ، جۇڭگو - اراب ەلدەرى حالىقتارى تىلەگىنىڭ توعىسۋىن جەبەۋگە ۇلەس قوسۋدى ءۇمىت ەتتى.
قازىرگە دەيىن 22 اراب مەملەكەتىنەن كەلگەن جۇزدەن استام ايگىلى كوركەمونەرشى ”كوركەمونەر توعىسقان جىبەك جولى“ اتىنداعى جۇڭگودا ساپاردا بولىپ، ماتەريال جيناۋ قيمىلىنا قاتىناسىپ، 487 پارشا سۋرەت، ءمۇسىن جانە فارفور كوركەمونەر تۋىندىسىن جاراتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
