«2023 - جىلعى كوكتەمگى نەگىزگى ەگىس داقىلدارىنا عىلمي جولمەن تىڭايتقىش بەرۋ جەتەكشى پىكىرى» جاريالاندى
قانداي تىڭايتقىش بەرۋدىڭ، قانشالىق مولشەردە بەرۋدىڭ ءبارى انىق بولدى
□ انار بۇلت \ شينجياڭ گازەتىنىڭ ءتىلشىسى حى جياڭ
2023.04.10 15:46 كەلۋ قاينارى : شينجياڭ گازەتى
تاياۋدا اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى كوكتەمگى نەگىزگى ەگىس داقىلدارىنا قاجەتتى تىڭايتقىشتاردىڭ ەرەكشەلىكتەرىنە نەگىزدەلىپ «2023 - جىلعى كوكتەمگى نەگىزگى ەگىس داقىلدارىنا عىلمي جولمەن تىڭايتقىش بەرۋ جەتەكشى پىكىرىن» (تومەندە قىسقارتىلىپ «پىكىر» دەلىنەدى) جاريالادى.
”«پىكىردىڭ» جالپى پرينسيبى − عىلمي جولمەن تىڭايتقىش بەرۋ، توپىراق قۇرامىنا قاراي تىڭايتقىش بەرۋ، حيميالىق تىڭايتقىشتان ۇيلەسىمدى پايدالانۋ. حيميالىق تىڭايتقىشتىڭ ورنىنا ورگانيكالىق تىڭايتقىش ىستەتىپ، حيميالىق تىڭايتقىش پايدالانۋدى ازايتىپ، ەگىستىك جەردىڭ ساپاسىن جوعارىلاتۋ“. 3 - ايدىڭ 28 - كۇنى اۆتونوميالى رايوندىق توپىراق، تىڭايتقىش قىزمەت پۋنكتىنىڭ ورىنباسار باستىعى تاڭ ميڭياۋ بىلاي دەدى: ”ءبىز ءار جىلى رايونىمىزداعى ەگىس داقىلدارىنىڭ ءوسۋ جاعدايىنا نەگىزدەلىپ، تىڭايتقىش بەرۋدە ورىن تەپكەن ماسەلەلەرگە تالداۋ جاساپ، تىڭايتقىش بەرۋدىڭ پرينسيبىن جانە ۇسىنىسىن العا قويىپ، ەگىس داقىلدارىنىڭ ءونىم بەرۋىنىڭ ورنىقتى بولۋىنا، ءونىم مولشەرىنىڭ ارتۋىنا تەحنيكالىق تىرەك ازىرلەدىك“.
«پىكىردە» دۇمبە ءبيداي، جازدىق ءبيداي، كوكتەمگى جۇگەرى، ماقتا، سويا بۇرشاق، وڭدەۋگە پايدالانىلاتىن قىزاناق سياقتى 11 ءتۇرلى ەگىس داقىلىنا تىڭايتقىش بەرۋدىڭ جەتەكشى پىكىرى العا قويىلدى.
تاڭ ميڭياۋ تانىستىرىپ بىلاي دەدى: بيىل رايونىمىزدا دۇمبە ءبيدايدىڭ ءوسۋى جالپى جاقتان ءبىرشاما جاقسى، توبى ۇيلەسىمدى ءارى مول، الايدا جاقسى مايسالار مەن ءالسىز مايسالار دا بىرگە وسكەن جاعداي بار، ءبىر ءبولىم وڭىرلەردە قۋاڭشىلىق احۋالى بايقالدى، بۇل ءبيدايدىڭ كوكتەۋىنە جانە ۇسىككە توزىمدىلىگىنە ءتيىمسىز بولىپ وتىر. «پىكىردە» مىنالار العا قويىلدى: جەر - جەر ”جەرگىلىكتى جاعدايعا قاراي ىستەۋ، مايساعا قاراي تىڭايتقىش بەرۋ، قاۋلاپ ءوسۋىن تىزگىزدەپ، سومدالۋىن جەبەۋ، السىزدەرىن كۇشەيتۋ، تىڭايتقىشتى ۇنەمدەپ، ونىمدىلىكتى ارتتىرۋ، جاسىل ساقتانۋ - تىزگىندەۋ، جەبەنى ورنىقتىرىپ، ءداندى كوبەيتۋ، قارسىلىق قۋاتتى جوعارىلاتىپ، مول ءونىم الۋعا كەپىلدىك ەتۋ“ سىندى تەحنيكالىق جولمەن تەحنيكالىق شارالاردى تياناقتاندىرۋدى كۇشەيتىپ، جازعى استىقتان مول ءونىم الۋدىڭ نەگىزىن بەكەمدەۋ كەرەك.
جازدىق ءبيدايعا عىلمي جولمەن تىڭايتقىش بەرۋدىڭ جەتەكشى پىكىرى − توپىراق قۇنارلىلىعىنا قاراي نىسانالى ءونىم مولشەرىن تۇراقتاندىرىپ، فوسفورلى تىڭايتقىشتى لايىقتى مولشەردە ازايتۋ، ازوتتى تىڭايتقىشتىڭ مولشەرىن جاعدايعا قاراي تۇجىرىمداپ رەتتەۋ، كاليلى تىڭايتقىشتى ۇيلەسىمدى پايدالانۋ، ميكرو ەلەمەنتتى تىڭايتقىشتى لايىقتى مولشەردە تولىقتاۋ، ورگانيكالىق تىڭايتقىش پەن نەورگانيكالىق تىڭايتقىشتى سايكەستىرىپ پايدالانۋ. تىڭايتقىش بەرۋ تەحنيكاسى مەن جاسىل، جوعارى ساپالى، جوعارى ءونىمدى ەگۋ، باپتاۋ تەحنيكاسىن ءوزارا ۇشتاستىرۋعا ءمان بەرۋ، وتە - موتە، سۋ مەن تىڭايتقىشتى بىرگە مەڭگەرۋگە باسا ءمان بەرۋ.
كوكتەمگى جۇگەرىگە عىلمي جولمەن تىڭايتقىش بەرۋدىڭ جەتەكشى پىكىرىندە توپىراق قۇرامىنا قاراي تىڭايتقىش بەرۋ ناتيجەسى بويىنشا تىڭايتقىشتى تەڭگەرۋ، ازوتتى تىڭايتقىشتىڭ، فوسفورلى تىڭايتقىشتىڭ، كاليلى تىڭايتقىشتىڭ پايدالانىلۋ مولشەرىن تۇراقتاندىرۋ، مىرىش كەم جەر بولىكتەرىنە مىرىشتى تىڭايتقىش بەرۋگە كوڭىل ءبولۋ، سۋ مەن تىڭايتقىش بەرۋدى بايلانىستىرىپ، جۇگەرىنىڭ قىن تارتۋ مەزگىلى سياقتى سۋ مەن تىڭايتقىش قاجەتى، ەڭ زور ونىمدىلىك مەزگىلى قاتار كەلۋ زاڭدىلىعىنان پايدالانىپ، تىڭايتقىشتى ءبولىپ بەرۋ، از - ازدان كوپ رەت تىڭايتقىش بەرۋ العا قويىلدى.
ماقتاعا عىلمي جولمەن تىڭايتقىش بەرۋدىڭ جەتەكشى پىكىرى: رايونىمىزدا ماقتاعا تىڭايتقىش بەرۋدە حيميالىق تىڭايتقىش بەرۋ مولشەرى كوپ، تىڭايتقىش بەرۋ مەزگىلى ۇيلەسىمسىز، ورگانيكالىق تىڭايتقىش مولشەرى از، تىڭايتقىش بەرۋ مەن جاڭاشا ەگۋ، باپتاۋ تەحنيكاسىن ۇشتاستىرۋ كەمشىل بولۋ سياقتى ماسەلەلەر ورىن تەۋىپ وتىر. ورگانيكالىق تىڭايتقىش بايلىعىنان تولىق پايدالانىپ، ورگانيكالىق تىڭايتقىش بەرۋدى كۇشەيتىپ، ورگانيكالىق تىڭايتقىش پەن نەورگانيكالىق تىڭايتقىشتى سايكەستىرىپ پايدالانۋ. وتە - موتە، سۋارۋ مەن تىڭايتقىش بەرۋدى ءبىر تۇلعالاندىرۋ تەحنيكاسىن قولدانۋمەن ۇشتاستىرىپ، باستاپقى كەزەڭدە ازوتتى تىڭايتقىش بەرۋدى لايىقتى مولشەردە ازايتىپ، ءوسۋدىڭ ورتا مەزگىلىندە تىڭايتقىش بەرۋ سالىستىرماسىن ارتتىرىپ، فوسفورلى تىڭايتقىشتى، كاليلى تىڭايتقىشتى لايىقتى مولشەردە ىستەتۋ كەرەك.
سويا بۇرشاققا عىلمي جولمەن تىڭايتقىش بەرۋدىڭ جەتەكشى پىكىرىندە مىنالار ۇسىنىلدى: ازوتتى تىڭايتقىشتىڭ، فوسفورلى تىڭايتقىشتىڭ، كاليلى تىڭايتقىشتىڭ مولشەرىن عىلمي تۇراقتاندىرىپ، ساباندى اتىزعا قايتارۋ مەن ورگانيكالىق تىڭايتقىش پەن نەورگانيكالىق تىڭايتقىشتى عىلمي سايكەستىرىپ پايدالانۋدى دارىپتەپ، قۇنارسىز جەرلەرگە ازوتتى تىڭايتقىشتىڭ، كاليلى تىڭايتقىشتىڭ مولشەرىن لايىقتى ارتتىرۋ. تۇينەك باكتەرياسى ءدارىسىن ارالاستىرىپ ەگۋدى دارىپتەپ، تۇينەكتەلۋ ونىمدىلىگىن جوعارىلاتۋ كەرەك.
وڭدەۋگە پايدالانىلاتىن قىزاناققا عىلمي جولمەن تىڭايتقىش بەرۋدىڭ پرينسيبى: توپىراقتىڭ قۇنارلىلىعىنا جانە تىڭايتقىشتىڭ ونىمدىلىگىنە قاراي ازوتتى، فوسفورلى تىڭايتقىشتىڭ مولشەرىن ۇيلەسىمدى رەتتەپ، ءوسۋدىڭ ورتا مەزگىلىندە ازوتتى تىڭايتقىشتىڭ سالىستىرماسىن ارتتىرۋ؛ كاليلى تىڭايتقىشتى ۇيلەسىمدى پايدالانۋ، سونداي - اق سوڭعى مەزگىلدە كاليلى تىڭايتقىش تولىقتاۋعا ءمان بەرۋ. بور، مىرىش، مارگانەتس سياقتىلار كورنەكتى تاپشى جەر بولىكتەرىنە نەگىزىنە قاراي بورلى، مارگانەتستى، مىرىشتى تىڭايتقىش بەرۋ، كومەسكى تاپشىلارىن تامىر سىرتىنان تولىقتاپ بەرۋ كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
