كوكتەمگى ءتول الۋدا مىنا تۇيىندەرگە كوڭىل ءبولۋ كەرەك
□ انار بۇلت \ شينجياڭ گازەتىنىڭ ءتىلشىسى سۇڭ ۋيگو
2023.04.10 15:48 كەلۋ قاينارى : شينجياڭ گازەتى
كەيىپكەر ارحيۆى: مامەتتۇرسۇن ابدۇجاپپار، اقچي اۋدانى جىلقى فەرماسىنىڭ مال شارۋاشىلىق تەحنيگى، ۇزاق ۋاقىت قىرعىز قويىنىڭ تۇقىمىن اسىلداندىرۋ جۇمىسىمەن اينالىسقان.
قازىر قويدىڭ تولدەيتىن مەزگىلى، مالشىلار جونىنەن العاندا، كوكتەمگى ءتول الۋ ماڭىزدى جۇمىس، قايتكەندە قوزىنىڭ قاتارعا قوسىلۋ مولشەرىن جوعارىلاتۋعا بولادى؟ 3 - ايدىڭ 24 - كۇنى اقچي اۋدانى جىلقى فەرماسىنىڭ تەحنيگى مامەتتۇرسۇن ابدۇجاپپار مالشىلاردىڭ ساۋالدارىنا جاۋاپ بەردى.
كوكتەمگى ءتول الۋدان بۇرىن قانداي دايىندىق جۇمىستارىن ىستەۋ كەرەك؟
مامەتتۇرسۇن: ساۋلىق قوي تولدەۋدەن بۇرىن تولدەيتىن قورانى دايىنداۋ كەرەك، قورانىڭ تەمپەراتۋراسى ℃5تەن جوعارى بولۋى ءارى ％4 − 2تىك ليزول سۋىمەن نەمەسە %20 − 15تىك وتىن كۇلى سۋىمەن زارارسىزداندىرۋ كەرەك. جەرگە سابان نەمەسە قۇمدى توپىراق توسەپ قۇرعاقتىعىن ساقتاۋ، سونىمەن بىرگە لايىقتى تۇردە زارارسىزداندىرۋ دارىلەرى مەن باسقا قۇرالداردى دايىنداۋ قاجەت.
كوكتەمگى ءتول الۋدا نەلەرگە كوڭىل ءبولۋ كەرەك؟
مامەتتۇرسۇن: قوزى تۋىلعاننان كەيىن، ءتول الاتىن قىزمەتكەرلەر دەر كەزىندە قوزىنىڭ اۋزىنداعى، مۇرنىنداعى، قۇلاعىنداعى شۋدى تازالاۋ، ەنەسىنە قوزىنىڭ ۇستىندەگى شۋدى جالاتىپ قۇرعاتۋ كەرەك. كەيبىر تۇمسا قويلار قوزىسىنان تەز جەريدى. قوزىنىڭ شۋىن ەنەسىنىڭ اۋزىنا جاعىپ نەمەسە قوزىنىڭ ۇستىنە كەبەك شاشىپ ەنەسىنە جالاتۋ كەرەك.
تولدەگەننەن كەيىن كىندىگى ءوزى ءۇزىلىپ قالادى. كەيبىرەۋىنىڭ كىندىگى ۇزىلمەيدى، ونى قولمەن ءۇزۋ، ونان سوڭ زارارسىزاندىرۋ كەرەك؛ قايشىمەن قيۋ كەرەك بولسا، كىندىكتى تۇبىنەن ۇستاپ تۇرىپ، كىندىك قانىن سىرتقا اعىزىپ، كىندىگىن ءتۇيىپ، يود جاعىپ، سودان كەيىن زارارسىزداندىرىلعان قايشىمەن قوزىنىڭ كىندىگىنەن 4 سانتيمەتردەي قالدىرىپ قيىپ تاستاۋ كەرەك.
قوزىلاعان قويدى جىلى سۋمەن سۋارۋ كەرەك، ازىراق كەبەك نەمەسە اس تۇزىن قوسۋعا بولادى. قوزىلاعان قويدىڭ جەلىنىنىڭ اينالاسىنداعى ۇزىن جۇندەرىن قىرقىپ، جىلى زارارسىزداندىرۋ سۋىمەن جەلىندى جۋىپ، ءسۇرتىپ، ۋىزىن ساۋىپ، قوزىنى ۋىزبەن اۋىزداندىرۋ كەرەك.
كوكتەمگى ءتول الۋشىلار قانداي ىستەرگە كوڭىل ءبولۋى كەرەك؟
مامەتتۇرسۇن: قوي قورانىڭ ءىشى - سىرتىن زارارسىزداندىرۋ قىزمەتىن كۇشەيتىپ، قوي قورانىڭ ىشىندەگى ساباندى نەمەسە باسقا زاتتاردى دەر كەزىندە تازالاۋ ءارى وزىندىك قورعانۋ قىزمەتىن مۇقيات ىستەپ، قوي قوراعا كىرىپ - شىققاندا نەمەسە ءتول العاندا قاتىستى بەلگىلەمەلەر بويىنشا سۋلياۋ قولعاپ كيۋ، ماسكا تاعۋ سياقتى قورعانۋ شارالارىن ىستەپ، ادام مەن مالعا بىردەي جۇعاتىن جۇقپالى اۋرۋلاردان ساقتانۋ كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
