ءابدۋالي ءماتتوحتى:
”شەبەرلىك ىزدەنۋدەن كەلەدى“
□ انار بۇلت \ شينجياڭ گازەتىنىڭ ءتىلشىسى ءپاريزات ابدۇل
2023.04.10 15:47 كەلۋ قاينارى : شينجياڭ گازەتى
كوكتەمگى لوپ اۋدانى اڭگيا قالاشىعى بايياڭ قىستاعى جاسىل پۇلىسكە ورانىپ، وسى قىستاقتاعى ”مايتالمان“ اتانعان ءابدۋالي ءماتتوحتىنىڭ گۇل وسىرەتىن جىلىجايىنىڭ تەمپەراتۋراسى مايسا جەتىلدىرۋگە ۇيلەسەتىن 20 سەلتسي گرادۋس اينالاسىندا بولىپ، رەتتى تىزىلگەن روزا گۇلىنىڭ مايساسى جاپ - جاسىل بولىپ قۇلپىرىپ تۇر.
ءار كۇنى تاڭعى ساعات 7دە تولايىم ساتۋ بازارىنا كوكونىس جەتكىزىپ بولعاننان كەيىن، ءابدۋالي بىردەن جىلىجايعا كەلەدى. ”3 جىلىجايىم بار، مۇنىڭ ەكەۋىندە مايسا جەتىلدىردىم، 20 نەشە ءتۇرلى جەمىس - جيدەك، كوكونىس، گۇل مايساسىن جەتىلدىرگەم، 3 جىلىجايدان جىلىنا 100 مىڭ يۋان تازا كىرىس كىرەدى“، - دەدى ول.
ءابدۋاليدىڭ ەسىندە قالۋىنشا، ول ورتا مەكتەپ وقىپ جۇرگەن كەزىندە شەشەسى ءوز ۇيلەرىنىڭ ءبىر مۋعا جەتپەيتىن جەرىنە قىزاناق، اششى بۇرىش، جيۋساي سياقتى كوكونىستەردى ەگەدى ەكەن. ءبىر ءبولىم كوكونىستى شەشەسى بۋمالاپ، ابدۋاليگە بازارعا اپارىپ ساتقىزاتىن. قىستاق جىلىجاي ەگىمشىلىگىن دامىتقاننان كەيىن، ءابدۋالي ەش ءارى - ءسارى بولماي ءبىر جىلىجايدى كوتەرمەگە الدى.
جىلىجايدا كوكونىس ەگۋدى باستاعاننان كەيىن، ءابدۋاليدىڭ باسى ابدەن قاتتى، نە ەگۋ كەرەك، قالاي ەگۋ كەرەك، تەمپەراتۋراسىن قالاي مەڭگەرۋگە بولادى...
”ءبىر ءتاۋىرى تەحنيكتەر قولما - قول ۇيرەتىپ وتىردى“. 3 - ايدىڭ 9 - كۇنى ءابدۋالي بىلاي دەدى: قاي ۋاقىتتا نە ىستەۋ كەرەك، قالاي سۋارۋ، حيميالىق تىڭايتقىشتى قالاي بەرۋ كەرەك، جىلىجايدىڭ تەمپەراتۋراسىن قالاي مەڭگەرۋگە بولادى... وسىنىڭ ءبارىن داپتەرىمە ەستەلىككە الىپ وتىرامىن. جىل سوڭىندا ەسەپ جاساعاندا جىلىجايدان 10 مىڭ يۋانعا تاياۋ كىرىس كىردى. تاپقان اقشاسىن قولىنا العان ءابدۋالي قىستاق تۇرعىندارىنىڭ بارلىعى جىلىجايدا ەگۋ تەحنيكالارىن ۇيرەنىپ جاتقانىن، بۇدان كەيىن بارلىعى جىلىجايدا كوكونىس ەگەتىندىگىن، ءوزىنىڭ باسقالاردان بۇرىن مايسا جەتىلدىرۋدى ۇيرەنىپ، كوپشىلىككە كوكونىس مايساسىن ساتىپ بەرگەندە عانا، كىرىسىن تەز ارتتىرۋعا بولاتىندىعىن وي ەلەگىنەن وتكىزەدى.
ءابدۋالي ىلگەرىندى - كەيىندى حوتان اۋدانى، قاراقاش اۋدانى سياقتى جەرلەرگە بارىپ مايسا جەتىلدىرۋ تەحنيكاسىن ۇيرەندى، ۇيرەنىپ بولعان سوڭ تاعى ينتەرنەتتە وزدىگىنەن ۇيرەندى، ءتۇرلى كىتاپتاردى ساتىپ اكەلىپ ۇيرەندى، ول كۇنى بويى جىلىجاي ىشىندە وتىرىپ الىپ مايسا جەتىلدىرۋ تەحنيكاسىن زەرتتەدى، وتباسىنداعىلارى ونى ەس - اقىلى شاتاسقان با دەستى.
”شەبەرلىك ىزدەنۋدەن كەلەدى، مەنىڭ جىلىجايدا مايسا جەتىلدىرگەنىمە 6 جىلدان استى، اششى بۇرىش، قىزاناق، چيەزى، قيار، قويان ءشوپ، شيلانحۋا، بۇلدىرگەن سياقتى 15 ءتۇرلى جەمىس، كوكونىس مايساسىن جەتىلدىردىم، تاعى روزا گۇلى، قىزءجۇزىم سياقتى 8 ءتۇرلى گۇل مايساسىن جەتىلدىردىم، توڭىرەكتەگى اۋىل - قالاشىقتارداعى كوپتەگەن شارۋالاردىڭ بارلىعى مەنىڭ قاريدارلارىم“، - دەدى ءابدۋالي.
جەمىس - جيدەك، كوكونىس مايساسىن، گۇل مايساسىن ساتىپ العان شارۋالارعا ءابدۋالي تاعى تەحنيكالىق جاقتان جەتەكشىلىك ەتىپ، ولاردىڭ ساتۋىنا كومەكتەستى. ونىڭ اتى اتالسا بولدى، قىستاق تۇرعىندارى اۋىز جاپپاي ماقتاي جونەلەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
