سۋىقتان ساقتانۋعا كوڭىل بولىڭىزدەر! بۇگىن ىلە وبلىسى سياقتى جەرلەردە ورتاشا، قالىڭ جاڭبىر نەمەسە قار جاۋدى
2023.04.10 14:49 كەلۋ قاينارى : حالىق تورابى
ءتىلشىنىڭ 4 – ايدىڭ 10 – كۇنى شينجياڭ اۋا رايى ستانسياسىنان ۇعىسۋىنشا، بۇگىن سولتۇستىك شينجياڭنىڭ باتىسى، تيانشان تاۋلى ءوڭىرى جانە سولتۇستىك بەتكەيى، قىزىلسۋ قىرعىز اۆتونوميالى وبلىسىنىڭ تاۋلى ءوڭىرى، قۇمىل قالاسىنىڭ سولتۇستىگى سياقتى جەرلەردىڭ ءىشىنارا وڭىرلەرىندە از سەبەزگى جاڭبىر جاۋادى (تاۋلى رايوندارىندا قار جاۋادى)، مۇنىڭ ىشىندە ىلە قازاق اۆتونوميالى وبلىسى، تيانشاننىڭ تاۋلى رايونى سياقتى جەرلەردىڭ ءىشىنارا وڭىرلەرىندە ورتاشا جانە قالىڭ جاڭبىر نەمەسە قار جاۋادى؛ شىعىس شينجياڭنىڭ جەل وتتەرىندە باتىس سولتۇستىكتەن 9 ~ 10 بال بوران سوعادى، وڭتۇستىك شينجياڭداعى تارىم ويپاتىنىڭ شىعىس بولەگىندە 5 بال اينالاسىندا قيىس شىعىس جەلى سوعادى، ءىشىنارا وڭىرلەردە ۇقساماعان دارەجەدە قۇمدى بوران سوعادى، جوعارىدا ايتىلعان وڭىرلەردىڭ تەمپەراتۋراسى ءبىرشاما تومەندەيدى.
ءۇرىمجى قالاسىندا سەبەزگى جاڭبىر جاۋىپ سوڭىنان بۇلتتايدى، ەڭ جوعارى تەمپەراتۋرا 15 سەلتسي گرادۋس، ەڭ تومەن تەمپەراتۋرا 4 سەلتسي گرادۋس بولادى، 4 بال باتىس سولتۇستىك جەلى سوعادى. مەجەمەن 4 - ايدىڭ 11 - كۇنى كەشتە ءۇرىمجى قالاسىندا تاعى دا جاۋىن - شاشىن بولادى. ساپارعا شىققاندا اۋا رايىنىڭ الدىن – الا بەرىلگەن ەڭ جاڭا مالىمەتىنە، ساقتاندىرۋ ينفورماتسياسىنا نازار اۋدارىڭىز.
الداعى 3 كۇندە، قار، جاڭبىر جاۋىپ، قۇمدى بوران سوعىپ، جول قاتىناسى، كوكتەمگى ەگىس، قۇرىلعىلى اۋىل شارۋاشىلىعى، مال شارۋاشىلىعى، ساياحاتقا ءتيىمسىز ىقپال جاسايدى، ىلە وبلىسىنىڭ، تارباعاتاي ايماعىنىڭ تاۋلى وڭىرلەرىنىڭ، التاي ايماعىنىڭ تاۋلى وڭىرلەرىنىڭ جالپى جاۋىن - شاشىن مولشەرى مول بولىپ، ءىشىنارا جەرلەردە ارالاس تاسقىن، كوشكىن تۋىلۋ قاتەرى ءومىر سۇرەدى، الدىن الۋدى كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
