اراققا شەكتەن تىس زورلايتىن ناشار ادەتتى وزگەرتەتىن كەز كەلدى
ياڭ نان
2023.04.06 19:22 كەلۋ قاينارى : حالىق تورابى
2020 – جىلدان بەرى، جياڭشي سوت مەكەمەسى باس قوسىپ، بىرگە اراق ىشكەندەردىڭ اقىل ايتۋ جانە حاۋىپسىزدىگىنە كەپىلدىك ەتۋ بورىشىن تولىق وتەمەۋى سەبەبىنەن تۋىنداعان ءومىر ءسۇرۋ ۇقىعى، دەنە ۇقىعى، دەنساۋلىق ۇقىعى قاتارلىلارعا ساياتىن تالاس – تارتىس دەلوسىنان جيىنى 19 دەلو جونىندە تەرگەۋ جۇرگىزگەن، مۇندا، 16 ادام قازا بولعان، 3 ادام جارالانعان. بىرگە اراق ىشكەندەردىڭ اراق ىشۋگە زورلاۋى، اراقتى سىلەيتە ىشكىزۋى سەبەبىنەن ادام دەنساۋلىعىنا زيان جەتكىزۋ، ءتىپتى سپيرتكە ۋلانۋ سەبەبىنەن قازا بولۋ سىندى تراگەديالار تۋىلىپ، بىرگە اراق ىشكەندەر وسىنىڭ سالدارىنان سايكەستى زاڭدى جاۋاپكەرشىلىك ارقالاپ، ەرەكشە زور بوداۋ بەرگەن جانە ساباق العان.
تاماق ۇستەلىندە، اراققا زورلاۋشىلاردىڭ ”ال اراقتان، رومكا توقتاماسىن“، ”كوڭىل جەتسە، كوبىرەك ءىش“ دەگەن سياقتى ”ورەكپىگەن“ سوزدەرىن ۇنەمى ەستيمىز، بۇلايشا اراق ىشۋگە زورلاۋ ارەكەتى تەك اراق ىشۋشىلەردىڭ دەنساۋلىعىنا زيان جەتكىزىپ قالماستان، «ازاماتتىق زاڭناماداعى» بەلگىلەمەگە نەگىزدەلگەندە: ”ارەكەت يەسىنىڭ قاتەلىگى سەبەبىنەن باسقالاردىڭ ازاماتتىق ىستەر ۇقىعىنا زيان جەتكىزۋ جاعدايى تۋىلسا، ۇقىققا قول سۇعۋ جاۋاپكەرشىلىگىن ارقالاۋى كەرەك. زاڭداعى بەلگىلەمە بويىنشا ارەكەت يەسىنىڭ قاتەلىك وتكىزگەنى تۇجىرىمداۋعا بولسا، ارەكەت يەسى ءوزىنىڭ قاتەلىك وتكىزبەگەنىن ىسپاتتاي الماسا، ۇقىققا قول سۇعۋ جاۋاپكەرشىلىگىن ارقالاۋى كەرەك“. بۇدان ءبىز اراققا شەكتەن زورلاۋ سەبەبىنەن اراق ءىشۋشىنىڭ دەنساۋلىق ۇقىعى زياندالسا، ءتىپتى ول قازا بولسا، اراققا زورلاۋشىنىڭ ازاماتتىق ىستەر نەمەسە قىلمىستىق ىستەر جاۋاپكەرشىلىگىن ارقالاۋى ىقتيمال ەكەنىن بىلە الامىز.
اراق ىشۋگە وركەنيەتتى تۇردە ۇسىنىس ەتسە، ول ناعىز دوستىقتىڭ بەلگىسى. ىشە مە، ىشپەي مە، بارلىعىندا قارسى جاقتىڭ قالاۋىنا قۇرمەت ەتكەن ءجون. باس قوسۋدا وتىرعان ءاربىر ادام ءوزىنىڭ اراقتى قانشالىق كوتەرەتىنىن ءبىلىپ، اراقتى مولشەرمەن ىشۋدەن سىرت، باقىلاۋ – قارايلاسۋ جانە اراق ىشكەن سوڭ اۆتوموبيل جۇرگىزگەندەرگە اقىل ايتۋ جاۋاپكەرشىلىگىن ارقالايدى. اراق ىشۋگە شەكتەن تىس زورلايتىن ناشار ادەتتى وزگەرتىپ، اراق ىشۋگە شەكتەن تىس زورلاماۋ، شەكتەن تىس اراق ۇسىنباۋ، باسەكەلەسىپ اراق ىشپەۋ باسقالاردىڭ ومىرىنە قۇرمەت ەتكەندىك، سونىمەن بىرگە، ءوزىڭىزدىڭ مادەنيەت ورەڭىزدى ايگىلەۋ بولىپ تابىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
