پارتيا 20 - كەزەكتى ورتالىق كوميتەتىنىڭ 1 - كەزەكتى شارلاۋ گرۋپپالارى جايعاسىپ بولدى
2023.04.10 16:06 كەلۋ قاينارى : حالىق تورابى
«حالىق گازەتى»، 4 - ايدىڭ 9 – كۇنى، بەيجيڭ (ءتىلشى جاۋ چىڭ). پارتيا ورتالىق كوميتەتىنىڭ شارلاۋ قىزمەتى جونىندەگى ءبىر تۇتاس ورنالاستىرۋىنا ساي، 4 - ايدىڭ 8 – كۇنىنە دەيىن پارتيا 20 - كەزەكتى ورتالىق كوميتەتىنىڭ 1 - كەزەكتى شارلاۋىنداعى 15 شارلاۋ گرۋپپاسى شارلاۋ قىزمەتىن ورىستەتۋ ءۇشىن جايعاسىپ بولدى.
شارلاۋ جۇرگىزىلەتىن ورىندار جەكە - جەكە شارلاۋ جۇرگىزۋگە جۇمىلدىرۋ ءماجىلىسىن اشتى. ماجىلىستەن بۇرىن ورتالىقتىڭ شارلاۋ گرۋپپالارى شارلاۋ جۇرگىزىلەتىن پارتيا ۇيىمىنىڭ نەگىزگى جاۋاپتىلارىنا باس شۋجي شي جينپيڭنىڭ شارلاۋ قىزمەتى جونىندەگى ماڭىزدى ءسوزىنىڭ رۋحىن جەتكىزدى، قاتىستى قىزمەت ورنالاستىرۋلارىن حابارلاندىردى. ماجىلىستە ورتالىقتىڭ شارلاۋ گرۋپپالارىنىڭ باستىقتارى جۇمىلدىرۋ ءسوزىن سويلەپ، باس شۋجي شي جينپيڭنىڭ شارلاۋ قىزمەتى جونىندەگى ماڭىزدى پايىمداۋلارى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، شارلاۋ قىزمەتىن تىڭعىلىقتى ورىستەتۋ جونىندە تالاپ قويدى.
ورتالىقتىڭ شارلاۋ گرۋپپالارىنىڭ باستىقتارى بىلاي دەپ اتاپ كورسەتتى: شارلاۋ - باقىلاۋ − پارتيا مەن مەملەكەتتىڭ باقىلاۋ جۇيەسىنىڭ ماڭىزدى قۇرامداس بولىگى، پارتيانى جاپپاي قاتاڭ جونگە سالۋدىڭ ستراتەگيالىق تۇزىمدىك ورنالاستىرۋى. ورتالىقتىڭ شارلاۋ گرۋپپاسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءبىرىنشى، ەكىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ءماجىلىسى مەن مەملەكەتتىك شارلاۋ قىزمەتى ءماجىلىسىنىڭ ورنالاستىرۋلارىن تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، ورتالىقتىڭ شارلاۋ قىزمەتى باعىتىن جاپپاي دايەكتىلەندىرىپ، ساياسي شارلاۋدىڭ ورنىن بەرىك ساقتاپ، تۋدى ايقىن ۇستاي وتىرىپ ”ەكىنى قورعاۋدى“ ءتۇبىرلى مىندەت ەتىپ، پارتيا 20 - قۇرىلتايىنىڭ رۋحىن دايەكتىلەندىرۋ، تياناقتاندىرۋ جاعدايىن ەڭ ماڭىزدى ورىنعا قويىپ، سەسكەندىرۋ رولىن اناعۇرلىم كۇشەيتىپ، ۇستىنەن وڭاۋ مەن تۇبىرىنەن وڭاۋدى ۇشتاستىرۋدى اناعۇرلىم كورنەكتىلەندىرىپ، ۇقىق پەن جاۋاپكەرلىكتى مىقتاپ كوزدەپ، ”ءبىرىنشى باسشىلار“ مەن باسشىلىق القاسىن مىقتاپ كوزدەپ، بۇقارانىڭ اڭىسى كۇشتى بولعان كورنەكتى ماسەلەلەردى مىقتاپ كوزدەپ، شارلاۋداعى رەتتەۋ - تۇزەتۋدى جانە جەتىستىكتەردەن پايدالانۋدى مىقتاپ كوزدەپ، ساياسي شارلاۋدىڭ الماس سەمسەرلىك رولىن تولىق ساۋلەلەندىرىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ دايەكتى تياناقتانۋىنڭ ىلگەرىلەتىلۋىنە قۋزاۋشىلىق ەتەدى.
ورتالىقتىڭ 1 - كەزەكتى شارلاۋىندا داعدىلى شارلاۋ، ”قايىرىلا قاراۋ“ جانە جىلجىمالى شارلاۋ ورنالاستىرىلدى، شارلاۋ وبيەكتىسى ورتالىق باسقاراتىن 30 كاسىپورىندى، 5 فينانس ورنىن جانە مەملەكەتتىك دەنەتاربيە باس مەكەمەسىن قامتيدى. ءتىلشى شارلاۋ، جۇمىلدىرۋ ءماجىلىسىنىڭ ناق مايدانىندا مىنانى ۇعىستى: ورتالىق باسقاراتىن كاسىپورىندارعا داعدىلى شارلاۋ جۇرگىزگەندە، پارتيا باسشىلىق گرۋپپاسى پارتيانىڭ مەملەكەت مەنشىگىندەگى كاسىپورىندارعا جاپپاي باسشىلىعىندا تاباندى بولۋ، پارتيانى جاپپاي قاتاڭ جونگە سالۋ تۇلعالىق جاۋاپكەرلىگىن اتقارۋ سياقتى جاعدايلارعا نازار اۋدارىلىپ، مىندەت وتەۋ، جاۋاپكەرلىك ارقالاۋ بارىسىنداعى ساياسي اعاتتىقتار ىشكەرىلەي بايقالىپ، ساپالى دامۋعا ىقپال جاسايتىن باستى قايشىلىق، كورنەكتى ماسەلەلەر كۇش سالا ىزدەلەدى. فينانس ورىندارىنا شارلاۋ بويىنشا ”قايىرىلا قاراۋدى“ ورىستەتۋدە، الدىڭعى كەزەكتەگى شارلاۋ، رەتتەۋ - تۇزەتۋ تالاپتارىن تياناقتاندىرۋدىڭ ءىس جۇزىندىك ارەكەتى مەن ناتيجەسى ءتۇيىندى تۇردە يگەرىلىپ، پارتكومنىڭ شارلاۋ، رەتتەۋ - تۇزەتۋ تۇلعالىق جاۋاپكەرلىگىن تياناقتاندىرۋ، ءتارتىپ تەكسەرۋ، باقىلاۋ - تەكسەرۋ ورگاندارىنىڭ (قۇرىلىم) جانە ۇيىمداستىرۋ تاراۋلارىنىڭ رەتتەۋ - تۇزەتۋدى باقىلاۋدى كۇشەيتۋ سياقتى جاعدايلارى تەكسەرىلىپ، فينانس ورىندارىنىڭ شارلاۋدى، رەتتەۋ - تۇزەتۋدى پارتيا ورتالىق كوميتەتىنىڭ فينانس رەفورماسى جونىندەگى ورنالاستىرۋلارىن، تالاپتارىن ۇيرەنۋمەن، دايەكتىلەندىرۋمەن ۇشتاستىرۋىنا قۋزاۋشىلىق ەتىلىپ، فينانس سالاسىندا ورىن تەۋىپ وتىرعان كورنەكتى ماسەلەلەردى شەشۋدى ىلگەرىلەتىلەدى. مەملەكەتتىك دەنەتاربيە باس مەكەمەسىنە جىلجىمالى شارلاۋ جۇرگىزۋدە، نازار پارتيانىڭ باسشىلىق فۋنكتسيالىق جاۋاپكەرلىگىن اتقارۋ، دەنەتاربيەدە قۋاتتى ەل قۇرۋ كەلەلى شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ جاعدايلارىنا شوعىرلاندىرىلىپ، دەنەتاربيە سالاسىنداعى شىرىكتەسۋ ماسەلەسى مەن تەرەڭ قاتپارلى ءتۇزىلىس - مەحانيزم ماسەلەلەرى ىشكەرىلەي تابىلىپ جانە ونى شەشۋ ىلگەرىلەتىلىپ، دەنەتاربيەدە قۋاتتى ەل قۇرۋعا پارمەندى قامتاماسىزدىق ازىرلەنەدى.
شارلاۋ جۇرگىزىلەتىن پارتيا ۇيىمدارىنىڭ نەگىزگى جاۋاپتىلارى مىنالاردى ءبىلدىردى: باس شۋجي شي جينپيڭ مەن پارتيا ورتالىق كوميتەتىنىڭ شارلاۋ قىزمەتى جونىندەگى ورنالاستىرۋلارىن، تالاپتارىن ىشكەرىلەي ۇيرەنىپ، دايەكتىلەندىرىپ، ساياسي دەڭگەيدى شىنايى جوعارىلاتىپ، جاۋاپكەرلىك سەزىمدى، بورىشتىلىق سەزىمدى، كوكەي تەستىلىك سەزىمدى كۇشەيتىپ، باتىلدىقپەن وزىنە توڭكەرىس جاساۋ رۋحىمەن پارتيا ورتالىق كوميتەتى تاپسىرعان شارلاۋ مىندەتىن باتىل ويداعىداي ورىندايمىز. شارلاۋدى، باقىلاۋدى قابىلداۋدى وراي ەتىپ، پارتيانى جاپپاي قاتاڭ جونگە سالۋ، فۋنكتسيالىق جاۋاپكەرلىگىن اتقارۋ سياقتى جاقتاردا ورىن تەپكەن اعاتتىقتاردى ىشكەرىلەي قاراستىرىپ جانە شەشىپ، ءىس جۇزىندىك ارەكەت ارقىلى ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداۋ كەرەك.
ۇعىسۋعا قاراعاندا، داعدىلى شارلاۋدىڭ جانە ”قايىرىلا قاراۋدىڭ“ قىزمەت ۋاقىتى 2 جارىم اي شاماسىندا، جىلجىمالى شارلاۋدىڭ ۋاقىتى ءبىر جارىم اي شاماسىندا بولادى ەكەن. بۇل مەزگىلدە ارناۋلى كەزەكشىلىك تەلەفونى جانە پوچتا حات ساندىعى ورنالاستىرىلىپ، باستىسى شارلاۋ جۇرگىزىلەتىن پارتيا ۇيىمدارىنىڭ باسشىلىق كوللەكتيۆىنىڭ جانە ونىڭ مۇشەلەرىنىڭ، تومەن دارەجەلى پارتيا ۇيىمى باسشىلىق القاسىنىڭ نەگىزگى جاۋاپتىلارىنىڭ جانە ماڭىزدى قىزمەت ورنىنداعى باسشىسى كادرلاردىڭ ماسەلەسىنە بايلانىستى كەلگەن تەلەفون، ارىز – ارمان قابىلدانىپ، ءبىر جاقتى ەتىلەدى، مۇنداعى ماڭىزدى ءتۇيىن ساياسي تارتىپكە، ۇيىمدىق تارتىپكە، پاكتىك تارتىبىنە، بۇقارالىق تارتىپكە، قىزمەت تارتىبىنە جانە تۇرمىس تارتىبىنە قايشىلىق جاساۋ، سونداي - اق شارلاۋ، رەتتەۋ - تۇزەتۋ سياقتى جاقتاردان اڭىس ەتىلگەن ماسەلەلەر بولادى. مۇنىڭ ىشىندە داعدىلى شارلاۋدىڭ جانە ”قايىرىلا قاراۋدىڭ“ ارىز - ارمان قابىلداۋ ۋاقىتى 2023 - جىلى 6 - ايدىڭ 20 - كۇنىنە دەيىن، جىلجىمالى شارلاۋدىڭ ارىز - ارمان قابىلداۋ ۋاقىتى 5 - ايدىڭ 31 - كۇنىنە دەيىن بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
