كۇن جىلىناتىن بولدى! جۇمادان سەنبىگە دەيىن شينجياڭنىڭ وسى جەرلەرىندە تەمپەراتۋرا جوعارىلاپ 30 سەلتسي گرادۋستان اسادى
2023.04.11 15:34 كەلۋ قاينارى : حالىق تورابى
4 - ايدىڭ 10 - كۇنى (دۇيسەنبى) تۇننەن 12 - كۇنى (سارسەنبى) تۇنگە دەيىن، سولتۇستىك شينجياڭ، قۇمىل قالاسىنىڭ سولتۇستىك بولەگى، وڭتۇستىك شينجياڭنىڭ باتىسىنداعى تاۋلى وڭىرلەر، بايىنعولين موڭعۇل اۆتونوميالى وبلىسىنىڭ سولتۇستىك بولەگى سياقتى جەرلەردە سەبەزگى جاڭبىر نەمەسە قار جاۋادى، مۇنىڭ ىشىندە ىلە قازاق اۆتونوميالى وبلىسى، تارباعاتاي ايماعى، التاي ايماعى، تيانشان تاۋلى رايونى، قىزىلسۋ قىرعىز اۆتونوميالى وبلىسىنىڭ تاۋلى رايونى سياقتى جەرلەردىڭ ءىشىنارا وڭىرلەرىندە ورتاشا جانە قالىڭ جاڭبىر نەمەسە قار جاۋادى، ءىشىنارا جەرلەردە نوسەر نەمەسە قالىڭ قار جاۋادى، بۇكىل شينجياڭنىڭ كوپ ساندى رايوندارىندا 5 بال اينالاسىندا باتىس سولتۇستىك جەلى سوعادى، جەل وتىندە جەل كۇشى 10 بالعا جەتەدى، مەزەتتىك جەل 12 بالعا جەتەدى. وڭتۇستىك شينجياڭ ويپاتىنىڭ كوپ بولەگىندە شاڭىتتى اۋا رايى قوسانجارلايدى، سولتۇستىك شينجياڭنىڭ باسىم كوپ جەرىندە، قۇمىل قالاسىنىڭ سولتۇستىگىندە تەمپەراتۋرا 5 تە 8 سەلتسي گرادۋس تومەندەيدى، وڭتۇستىك شينجياڭدا 3 تە 5 سەلتسي گرادۋس تومەندەيدى.
4 - ايدىڭ 14 – كۇنىنەن (جۇما) 4 - ايدىڭ 15 - كۇنىنە (سەنبى) دەيىن بۇكىل شينجياڭنىڭ اۋا تەمپەراتۋراسى جەدەل جوعارىلاپ، سولتۇستىك شينجياڭنىڭ سولتۇستىگىندە ەڭ جوعارى اۋا تەمپەراتۋراسى 16 دا 23 سەلتسي گرداۋس جوعارىلايدى، سولتۇستىك شينجياڭداعى باسقا رايوندار مەن قۇمىل قالاسىنىڭ سولتۇستىگىندە 21 دە 26 سەلتسي گرداۋسقا شىعادى، وڭتۇستىك شينجياڭدا، تۇرپان قالاسىنىڭ، قۇمىل قالاسىنىڭ وڭتۇستىگىندە 25 تە 33 سەلتسي گرادۋسقا جوعارىلايدى.
4 ـ ايدىڭ 16 ـ كۇنىنەن (جەكسەنبى) 18 – كۇنىنە (كەلەر سەيسەنبى) دەيىن، سولتۇستىك شينجياڭنىڭ جەر ـ جەرى، تيانشان تاۋلى ءوڭىرى، قۇمىل قالاسىنىڭ سولتۇستىك بولىگى سياقتى جەرلەردە تاعى ءبىر رەت جاۋىن ـ شاشىن جاۋىپ، تەمپەراتۋرا تومەندەپ، بوران سوعادى. جاۋىن – شاشىن مەن تەمپەراتۋرانىڭ تومەندەۋىنىڭ جول قاتىناسى، ەگىن، مال شارۋاشىلىق ءوندىرىسى، ساياحات سياقتىلارعا جاسايتىن ءتيىمسىز ىقپالىنان جانە ءىشىنارا جەرلەردەگى ارالاس تاسقىن، قار كوشكىنى جانە ناجاعاي، قىسقا ۋاقىتتىق كۇشتى جاۋىن - شاشىن سياقتى كونۆەكسيالىق اۋا رايىنان ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
