شينجياڭدا ماقتا ەگىلگەن جەر اۋدانى ءبىر ميلليون 400 مىڭ مۋدان استى
بىلتىرعى سول تۇستاعىدان 200 مىڭ مۋ اينالاسىندا ارتتى
2023.04.11 17:01 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ ي 4 - ايدىڭ 9 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، تاياۋدا تەمپەراتۋرانىڭ بىرتىندەپ جىلىنۋىنا ىلەسە، رايونىمىزدىڭ ماقتا ەگۋ مەزگىلى ىركەس - تىركەس باستالعان. قازىرگە دەيىن بۇكىل رايوندا جيىنى ءبىر ميلليون 400 مىڭ مۋدان استام جەرگە ماقتا ەگىلىپ، بىلتىرعى سول تۇستاعىدان 200 مىڭ مۋ اينالاسىندا ارتقان.
بيىل رايونىمىزدىڭ ماقتا ەگۋ قىزمەتى وڭتۇستىكتەن سولتۇستىككە قاراي ىركەس - تىركەس ورىستەتىلدى. اقسۋ ايماعى، قاشقار ايماعى سياقتى ماقتا ەگەتىن نەگىزگى وڭىرلەر تەمپەراتۋرانىڭ جوعارىلاۋى، توپىراقتىڭ دىمقىلدىعى ءبىرشاما جاقسى بولۋ سىندى ءتيىمدى ورايدى مىقتى يگەرىپ، ماقتا ەگۋ قىزمەتىن جاپپاي ورىستەتتى. جەر - جەر جوعارى ولشەمدى ەگىجايلارعا سۇيەنىپ، قوس جارعاقپەن قامتۋ، قۇرعاق ەگىپ، از - ازدان تامشىلاتىپ سۋارۋ، ءبىر جارعاقپەن ءۇش قاتار جۇرگىزۋ سياقتى تەحنيكالاردى كەڭىنەن جالپىلاستىرىپ، جاساندى سەرىك ارقىلى جول باستاۋ، زەردەلى تۇقىم سەبۋ ماشيناسى سياقتى جابدىق، تەحنيكالاردان پايدالانىپ، ماشينالاسقان جۇمىس جۇرگىزىپ، جۇمىس ونىمدىلىگى مەن جۇمىس ساپاسىن بارىنشا جوعارىلاتتى.
بيىل رايونىمىز ماقتا ءوندىرىسىنىڭ ساپاسىن جوعارىلاتىپ، ونىمدىلىگىن ارتتىرۋ ارەكەتىن باستاپ اتقارادى، ماقتانىڭ جالپى ءونىم مولشەرى 5 ميلليون توننا اينالاسىن ساقتاپ، شينجياڭ ماقتاسىنىڭ ستراتەگيالىق ورنىن ۇزدىكسىز بەكەمدەيدى. قازىر جەر - جەر مەملەكەتتىڭ ماقتا حاۋىپسىزدىگى ستراتەگياسىنا جانە اۆتونوميالى رايوننىڭ ماقتا كاسىبىن دامىتۋ تالابىنا ساي، بازار قاجەتىنە ۇيلەسەتىن ەلەۋلى جاڭا سورتتاردى تاڭداپ جەتىلدىرۋدى، جالپىلاستىرۋدى جەدەلدەتىپ، ۇقساس ەكولوگيالىق وڭىردەگى ماقتا سورتتارىنىڭ ءبىر تۇتاستىعىن ۇزدىكسىز ىلگەرىلەتۋدە. سونىمەن بىرگە ماشينامەن ماقتا جينايتىن ەگۋ ۇلگىسىن بەلسەنە جالپىلاستىرىپ، وڭتۇستىك شينجياڭنىڭ ماشينامەن ماقتا جيناۋ سالىستىرماسىن ءونىمدى جوعارىلاتادى.
ماقتا ەگۋ ساپاسىن اناعۇرلىم جوعارىلاتۋ ءۇشىن، تاياۋدا رايونىمىزدىڭ اۋىل شارۋاشىلىعى، اۋىل - قىستاق تاراۋلارى اۆتونوميالى رايوننىڭ وسى زامانعى اۋىل شارۋاشىلىعى ماقتا كاسىبى تەحنيكا جۇيەسىمەن بىرگە مامانداردى تاڭداپ جىبەرىپ، تەحنيكالىق قىزمەت وتەۋگە جەتەكشىلىك ەتۋ گرۋپپاسىن قۇرىپ، اۋماقتى كوتەرمەگە الۋ، بىرلەسىپ كوتەرمەگە الۋ ءتاسىلى بويىنشا، ماقتا ەگەتىن 25 ءتۇيىندى اۋدانعا، قالاعا تەحنيكالىق قىزمەت وتەۋ، جەتەكشىلىك ەتۋ ورىستەتىپ، ماقتا اتىزىن باسقارۋدىڭ شەشۋشى شارالارىنىڭ تياناقتانىپ، ونىمدىلىك كورسەتۋىنە شىنايى كەپىلدىك ەتەدى.
ەرەكشە كۇن نۇرى، جىلۋ شارت - جاعدايىنىڭ ارقاسىندا شينجياڭ ەلىمىزدەگى ەڭ ۇلكەن، دۇنيە جۇزىندەگى ماڭىزدى ماقتا ءوندىرىس وڭىرىنە اينالىپ، ماقتا ءوندىرىسىنىڭ كولەمدەنۋ، شوعىرلانۋ دەڭگەيى ۇزدىكسىز جوعارىلادى. 2022 - جىلى شينجياڭدا ماقتا ەگىلگەن جەر اۋدانى 37 ميلليون 454 مىڭ مۋ بولىپ، بۇكىل ەلدەگى ماقتا ەگىلگەن جەر اۋدانىنىڭ ％2. 83ىن يەلەدى، ماقتا ءونىم مولشەرى 5 ميلليون 391 مىڭ توننا بولىپ، بۇكىل ەلدەگى ماقتا جالپى ءونىم مولشەرىندەگى ارا سالماعى ％2. 90كە جەتىپ، تاريحتاعى ەڭ جوعارى دەڭگەيگە جەتكەن. شينجياڭ ماقتاسىنىڭ جالپى ءونىم مولشەرى، بىرلىك ءونىمى، ەگىلگەن جەر اۋدانى، تاۋار جونەلتۋ مولشەرى ءۇرتىس 28 جىل مەملەكەت بويىنشا 1 - ورىندى يەلەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
