جۇڭگو − ەۆروپا (ورتا ازيا) كەزەكشى پويەزى:
ءبىرىنشى ماۋسىمدا شينجياڭنان قاتىناعان پويەز سانى مەن وتكىزىلگەن زات مولشەرى بىردەي ارتتى
2023.04.11 16:59 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لۋ فىڭباۋ 4 - ايدىڭ 9 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، ءبىرىنشى ماۋسىمدا شينجياڭ الاتاۋ ساعاسى مەن قورعاس تەمىر جولى شەكارا وتكەلى ارقىلى قاتىناعان جۇڭگو − ەۆروپا (ورتا ازيا) كەزەكشى پويەزىنىڭ سانى مەن وتكىزىلگەن زات مولشەرى بىردەي ارتقان.
ءبىرىنشى ماۋسىمدا الاتاۋ ساعاسى تەمىر جول شەكارا وتكەلى ارقىلى قاتىناعان جۇڭگو − ەۆروپا (ورتا ازيا) كەزەكشى پويەزى 1588گە، شەكارا وتكەلىنەن وتكىزىلگەن زات مولشەرى 3 ميلليون 333 مىڭ تونناعا جەتىپ، سايكەس مەزگىلدەگىدەن جەكە - جەكە ％35. 10، ％8. 23 ارتقان؛ قورعاس تەمىر جول شەكارا وتكەلى ارقىلى قاتىناعان جۇڭگو − ەۆروپا (ورتا ازيا) كەزەكشى پويەزى 1833كە، شەكارا وتكەلىنەن وتكىزىلگەن زات مولشەرى 2 ميلليون 410 مىڭ تونناعا جەتىپ، سايكەس مەزگىلدەگىدەن جەكە - جەكە ％4. 8، ％6. 24 ارتىپ، تۇگەلدەي تاريحتاعى جاڭا دەڭگەيگە جەتكەن.
شينجياڭ تەمىر جول تاراۋى ورايدى مىقتى يگەرىپ، كەزەكشى پويەزدەردىڭ شەكارا وتكەلى بەكەتىندەگى قاتىناۋ ونىمدىلىگىن جوعارىلاتىپ، اناعۇرلىم كوپ جۇڭگو − ەۆروپا (ورتا ازيا) كەزەكشى پويەزدەرىنىڭ شەكارادان شىعۋىنا دەم بەردى.
قورعاس ۆوگزالى شەكارا وتكەلىنىڭ تاسىمالداۋ، كەدەننەن وتكىزۋ قابىلەتىن جوعارىلاتۋدى وزەك ەتىپ، دالمە - ءدال ورنالاستىرىپ، قولباسشىلىق ەتىپ، جۇمىس جۇرگىزۋشىلەردى ۇيلەسىمدى ورنالاستىرىپ، جۇمىس جۇرگىزۋشىلەر كەزەكپەن اۋىسىپ جۇمىس ىستەۋ ۇلگىسىنەن پايدالانىپ، پويەزدىڭ 24 ساعات ءۇزىلىسسىز قاتىناۋىنا كەپىلدىك ەتتى. سونىمەن بىرگە ءوڭىر ارالىق تاسىمال قۋاتىن تولىق اشىپ، ودان پايدالانىپ، اۆتوكولىكتەردىڭ اينالىمىن جانە بوس كولىكتەن پايدالانۋدى جەدەلدەتىپ، پويەزگە جۇك تيەۋ - ءتۇسىرۋ ونىمدىلىگىن ۇزدىكسىز جوعارىلاتتى.
الاتاۋ ساعاسى ۆوگزالى قايتالامالى پويەز تاسىمالىن ۇيىمداستىرۋدى جانە ءار كۇنگى ءوندىرىس جوسپارىن ورىنداۋدى ءجىتى كوزدەپ، ءوڭىر ارالىق تاسىمال قۋاتىن تولىق اشىپ - پايدالانىپ، تالون شىعارۋ، جەتكىزۋ جانە اۋىستىرىپ تيەۋ ۋاقىتىن قىسقارتىپ، كەدەنگە مالىمدەۋ بويىنشا تەكسەرۋ، ۆاگونداردى يكەمدى ورنالاستىرۋ، ۆاگونعا اۋىستىرىپ تيەۋ سياقتى بۋىنداردىڭ جىكسىز ءتۇيىلىسۋىن جۇزەگە اسىرىپ، تاسىمال ونىمدىلىگىن ۇزدىكسىز جوعارىلاتتى.
بيىل جىل باسىنان بەرى، شينجياڭنىڭ يمپورت - ەكسپورت ساۋدا قۇنى ورنىقتى ارتتى. شينجياڭ تەمىر جول تاراۋى ”قوس شەكارا وتكەلدىڭ“ شارپۋ اسەرىن تولىق ساۋلەلەندىرىپ، شينجياڭنىڭ ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىمەن بەلسەنە توعىسىپ، تاسىمال قۋاتى ۇسىنىلىمىن كۇشەيتىپ، تاسىمال ۇيىمداستىرۋدى ساپالىلاندىرىپ، جۇڭگو − ەۆروپا (ورتا ازيا) كەزەكشى پويەزىنىڭ باتىس ارناسىن ىركىلىسسىزدەندىرىپ، كەزەكشى پويەزدەردىڭ قاتىناۋ سانى مەن تاسىمال مولشەرىنىڭ ورنىقتى ارتۋىن جۇزەگە اسىردى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
