شينجياڭ ەكسپورتتىق تەكسەرۋ، كارانتيندەۋ كۋالىگىنە تۇڭعىش رەت ”بۇلتتا قول قويىپ تاراتتى“
2023.04.12 15:40 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى چىن چياڭۋي 4 - ايدىڭ 10 - كۇنى ۇرىمجىدەن حابارلايدى. 4 - ايدىڭ 10 - كۇنى كۇيتۇن قالاسىنداعى ءبىر حالىقارالىق جۇك تاسىمال وكىلەتتى سەرىكتەستىگى جۇڭگو (شينجياڭ) حالىقارالىق ساۋداداعى ءبىر تەرەزەلى قىزمەت وتەۋ ارقىلى رەسەيگە ەكسپورت ەتىلەتىن ءبىر توپ پاميدور قويمالجىڭىنىڭ ەكسپورت ءتىزىمىن جولدادى، ءبىر مينۋتقا جەتپەيتىن ۋاقىتتا، تەكسەرۋشى شىحىزى كەدەن مەكەمەسىنىڭ ”بۇلتتا قول قويىپ تاراتقان“ ەكسپورتتىق تەكسەرۋ، كارانتيندەۋ كۋالىگىن تاپسىرىپ الدى. مىنە بۇل شينجياڭنىڭ تۇڭعىش رەت ”بۇلتتا قول قويىپ تاراتقان“ تەكسەرۋ، كارانتيندەۋ كۋالىگى.
شىحىزى كەدەنىنىڭ باستىعى قايسار بىلاي دەدى: كەدەننىڭ قاراستى اۋماق بويىنشا تەكسەرۋ ىستەرىن باسقارۋ جۇيەسى جانە تەكسەرۋ، كارانتيندەۋ كۋالىگىنە ”بۇلتتا قول قويىپ تاراتۋ“ ۇلگىسى − كەدەننىڭ ”زەردەلى كەدەن“ قۇرىلىسىن تياناقتاندىرۋداعى ماڭىزدى شاراسى. ”بۇلتتا قول قويىپ تاراتۋ“ ۇلگىسى قولدانىسقا ەنگىزىلگەننەن بەرى، ورتا ەسەپپەن ءاربىر كۋالىكتىڭ شىعۋ ۋاقىتى اسىلگى ءبىر كۇننەن ءبىر ساعات ىشىنە قىسقارىپ، سىرتقى ساۋدا كاسىپورىندارىنىڭ ءوندىرىس جانە قويمادان شىعارۋ - كىرگىزۋ ۋاقىتىن يكەمدى ورنالاستىرۋىنا قولايلىلىق جاراتىپ، كاسىپورىنعا زور تيىمدىلىك جەتكىزدى.
ەلىمىزدىڭ سىرتقى ساۋدا كاسىپورىندارى ەكسپورت ساۋداسىمەن اينالىسقاندا، كاسىپورىندار يمپورت ەتۋشى ەلدىڭ شەكارا وتكەل كەدەنىنە نەمەسە قاتىستى تاراۋلارىنا تالاپ بويىنشا ەلىمىزدىڭ ۇكىمەت جاعى شىعارعان تەكسەرۋ - كارەنتيندەۋ كۋالىگىن كورسەتكەندە عانا، ەكسپورتتىق تاۋار شەتەلدىڭ شەكارا وتكەلىندە كەدەننەن ءساتتى وتەتىن جاعداي ۇنەمى كەزدەسىپ وتىرادى. بۇل كۋالىكتەر جۇككە بايلانىستى كەدەن جۇمىستارىن ءبىتىرۋ، ساۋداداعى شەتەل اقشاسىن جيناۋ سياقتى بۋىنداردا ماڭىزدى رول اتقارادى.
ەكسپورتتىق تەكسەرۋ، كارانتيندەۋ كۋالىگىنىڭ ءتۇرى ءبىرشاما كوپ، ەكسپورت ەتىلەتىن تاۋارلاردىڭ ۇقساماۋىنا بايلانىستى، قاجەتتى تەكسەرۋ، كارانتيندەۋ كۋالىگى دە تۇرلىشە بولادى. كوپ كەزىگەتىن ەكسپورتتىق تەكسەرۋ، كارانتيندەۋ كۋالىگىنىڭ نۇسقاسى «تەكسەرۋ كۋالىگى»، «تازالىق كۋالىگى»، «سالاماتتىق كۋالىگى» سياقتىلاردى قامتيدى.
بۇدان بۇرىن ەكسپورتتىق تەكسەرۋ، كارانتيندەۋ كۋالىگىن كەدەن قىزمەتكەرى باسى - قاسىندا تۇرىپ شىعاراتىن جانە تەكسەرەتىن. قازىر كەدەننىڭ قاراستى اۋماق بويىنشا تەكسەرۋ ىستەرىن باسقارۋ جۇيەسى جانە تەكسەرۋ، كارانتيندەۋ كۋالىگىنە ”بۇلتتا قول قويىپ تاراتۋ“ ۇلگىسى ارقىلى كاسىپورىندار حالىقارالىق ساۋداداعى ءبىر تەرەزەلى قىزمەت وتەۋدەن پايدالانىپ، ەكسپورتتىق تەكسەرۋ، كارانتيندەۋ كۋالىگىن ءوزى شىعارىپ الۋىنا بولادى. كەدەن ينتەرنەت جەلىسىندە تەكسەرەدى، كاسىپورىننىڭ قايتادان كەدەننىڭ ءىس ءبىتىرۋ زالىنا بارىپ جۇمىس ءبىتىرۋى قاجەتسىز.
”تەكسەرۋ، كارانتيندەۋ كۋالىگىنە ’بۇلتتا قول قويىپ تاراتۋ‘ ىسكە اسقاننان كەيىن، ەكسپورت ەتىلەتىن زاتتاردىڭ تەكسەرۋ، كارانتيندەۋ بارىسىن ۇيدە وتىرىپ - اق بىتىرە الاتىن بولدىق، ارلى - بەرلى سابىلۋ قاجەتسىز، ۋاقىت پەن ادام كۇشى وزىندىك قۇنىن ۇنەمدەپ قالدىق“. كۇيتۇن قالاسى شينچىڭ حالىقارالىق زات تاسىمال وكىلەتتى شەكتى سەرىكتەستىگىنىڭ ديرەكتورى جيا حۇڭ بىلاي دەدى: ”بۇلتتا قول قويىپ تاراتۋ“ ۇلگىسى − كۋالىك - تالون ينفورماتسياسىن ينتەرنەتتە ەلەكتروندى جولمەن تۇتاس بارىستا جىبەرۋدى ىسكە اسىردى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
