تارباعاتاي ايماعى:
نىسانداردى يگەرىپ، كاسىپ سالالارىن ەڭسەلەندىرىپ، ساۋداگەر شاقىرۋدى كۇشەيتىپ، سىناق رايونىنىڭ جوعارى ساپالى قۇرىلىسىن ىلگەرىلەتتى
انار بۇلت \ شينجياڭ گازەتىنىڭ ءتىلشىسى ءرايدا
2023.04.12 15:40 كەلۋ قاينارى : شينجياڭ گازەتى
سان - ي جۇڭنىڭنىڭ جەل گەنەراتورىن جاساۋ نىسانى جابدىقتاردى رەتتەپ دايىندايتىن ەڭ سوڭعى كەزەڭگە اياق باسىپ، جوسپار بويىنشا 4 - ايدىڭ ورتا شەنىندە ىسكە قوسىلماقشى؛ مينشاڭ زەردەلى ەلەكترون كاسىپ سالاسى باقشاسىنداعى زاۆود ۇيلەرى مەجەمەن 6 - ايدىڭ 30 - كۇنى تولىق سالىنىپ بولىپ، 10 - ايدىڭ سوڭىندا ىسكە قوسىلادى... 4 - ايدىڭ 4 - كۇنى شينجياڭ تارباعاتاي ءتۇيىندى وركەندەتۋ، ەسىك اشۋ سىناق رايونىنىڭ الدىمەن دامىتۋ اۋماعىنداعى جۇمىسى تىڭنان باستالعان، جۇمىسى جالعاستىرىلاتىن نىسانداردىڭ جۇمىس باسىندا قۇرىلىس كولىكتەرى ارلى - بەرلى قايشالىسىپ، مۇنارا كراندار قاز - قاتار بوي سوزىپ، ماشينالار گۇرىلدەۋدە.
3 - ايدىڭ 30 - كۇنى تارباعاتاي ايماعىنداعى 270 ءتۇيىندى نىساننىڭ جۇمىسى شوعىرلى باستالدى نەمەسە قالپىنا كەلدى، وسى نىساندارعا جيىنى 83 ميلليارد 960 ميلليون يۋان قارجى قوسىلادى، جىلدىق جوسپار بويىنشا 24 ميلليارد 670 ميلليون يۋان قارجى قوسىلادى.
”بيىل 1 - توپتا جۇمىسى شوعىرلى باستالعان نەمەسە قالپىنا كەلگەن نىسانداردىڭ ىشىندە عىلىم - تەحنيكا قامتىلىمى جوعارى، بازار بولاشاعى جارقىن، جەتەكتەۋ قۋاتى كۇشتى ءىرى كاسىپ سالاسى نىساندارى بار بولۋمەن بىرگە، دامۋ نەگىزىن بەكەمدەيتىن، حالىق تۇرمىسىن جاقسارتاتىن كەلەلى نەگىزدىك قۇرىلعى نىساندارى مەن قوعامدىق ىستەر نىساندارى دا بار“، - دەدى تارباعاتاي ايماقتىق دامۋ جانە رەفورما كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى ليۋ چۇڭ.
حۋاديان شينجياڭ ەلەكتر تاراتۋ شەكتى سەرىكتەستىگىنىڭ تارباعاتاي ايماعى قوبىقسارى موڭعۇل اۆتونوميالى اۋدانىنداعى ءبىر ميلليون كيلوۆاتتىق فوتوۆولت بازاسىنىڭ 1 - مەرزىمدىك نىسانىنىڭ جۇمىس باسىندا جۇمىسشىلار تىرەۋلەر مەن بولشەكتەر سياقتىلاردى جەدەل ورناتۋدا.
تارباعاتاي جەل ەنەرگياسى، كۇن ەنەرگياسى، وت ەلەكترى، ەنەرگيا ساقتاۋ بويىنشا كوپ ءتۇرلى ەنەرگيا ءبىرىن - ءبىرى تولىقتاۋ بازاسى مەملەكەتتىڭ 2 - توپتاعى ءىرى جەل ەلەكترى، فوتوۆولت بازاسى سانالادى، 1 - مەرزىمدىك نىسانىنىڭ يەلەگەن جالپى جەر اۋماعى 18 مىڭ 879.6 مۋ كەلەدى، بۇعان 650 ۆاتتىق ەكى بەتتى قوس اينەكتى جالاڭ كريستالدى كرەمني بولشەگى تاڭدالعان، جالپى گەنەراتور اگراگاتتارىنىڭ سيىمدىلىعى 500 مەگاۆات بولىپ، تىزبەكتى كەرى تۇرلەندىرگىشپەن ەلەكتر تاراتۋ، ەلەكتر تورىنا شوعىرلى جالعاۋ ءتاسىلى قولدانىلعان، قازىرگە دەيىن 1 - مەرزىمدىك قۇرىلىسىنىڭ ％60تەن استامى تامامدالدى.
”بۇل نىسان ەكى مەرزىمگە ءبولىنىپ جۇرگىزىلەدى، 1 - مەرزىمى جوسپار بويىنشا 6 - ايدىڭ سوڭىندا ەلەكتر تورىنا جالعانىپ، ىسكە قوسىلىپ جۇمىس جۇرگىزەدى، 2 - مەرزىمىنىڭ جالپى گەنەراتور اگراگاتتار سيىمدىلىعى 500 مەگاۆات بولىپ، جوسپار بويىنشا 8 - ايدىڭ سوڭىندا ەلەكتر تورىنا جالعانىپ، ىسكە قوسىلىپ جۇمىس جۇرگىزەدى، 1 - ، 2 - مەرزىمدىك نىساندار ىسكە قوسىلعاننان كەيىن ۇقساس كولەمدەگى وت ەلەكتر ستانسيالارىمەن سالىستىرعاندا جىلىنا 572 مىڭ توننا ولشەمدى كومىر ۇنەمدەپ، شىعارىلاتىن كومىر تەگى قوس توتىعىن ءبىر ميلليون 460 مىڭ توننا مولشەرىندە، كۇكىرت قوس توتىعىن 299 توننا مولشەرىندە، ازوت وتتەكتى قوسىلىستارىن 334 توننا مولشەرىندە، ءتۇتىن مەن شاڭ - توزاڭدى 59 توننا مولشەرىندە ازايتۋعا بولادى“. حۋاديان شينجياڭ ەلەكتر تاراتۋ شەكتى سەرىكتەستىگى تارباعاتاي فوتوۆولت بازاسى نىسانىنىڭ ورىنباسار باس ديرەكتورى لي جۇننىڭ ايتۋىنشا، وسى نىسان تۇلعالىق جاقتان سالىنىپ بىتكەن سوڭ تارباعاتاي ايماعىندا جاڭا ەنەرگيا ءىرى كەشەندى بازاسى جوق بولۋ سىندى اقتاڭداقتى تولتىرادى ەكەن.
بيىل جىل باسىنان بەرى، تارباعاتاي ايماعى جىبەك جولى ەكونوميكالىق بەلدەۋى وزەكتى رايونى قۇرىلىسى جانە شينجياڭ تارباعاتاي ءتۇيىندى وركەندەتۋ، ەسىك اشۋ سىناق رايونى قۇرىلىسى سىندى ەلەۋلى تاريحي ورايدى مىقتى يگەرىپ، اۆتونوميالى رايوننىڭ ”8 ءىرى كاسىپ سالاسى شوعىرىن“ ارقاۋ ەتە وتىرىپ، عىلمي، دالمە - ءدال ورنالاستىرىپ، نىسانداردى يگەرىپ، كاسىپ سالالارىن ەڭسەلەندىرىپ، شينجياڭ تارباعاتاي ءتۇيىندى وركەندەتۋ، ەسىك اشۋ سىناق رايونى قۇرىلىسىن كۇش سالا ىلگەرىلەتتى.
”بيىل ساۋداگەر شاقىرۋ بارىسىندا اۋدان - قالالار ’ءبىر نىسان، ءبىر باسشى، ءبىر القا، سوڭىنا دەيىن يگەرۋ‘ سىندى قىزمەت تالابىنا ساي، ءتۇيىندى نىسانداردىڭ تەز ارادا تياناقتانۋىن، قۇرىلىس جۇمىسىنىڭ ەرتەرەك باستالۋىن، تەز ارادا ءوندىرىس قۋاتىنا جەتىپ، ونىمدىلىگى ارتۋىن تىڭعىلىقتى ىلگەرىلەتتى“، - دەدى تارباعاتاي ايماقتىق ساۋدا ىستەرى مەكەمەسى پارتيا باسشىلىق گرۋپپاسىنىڭ شۋجيى، مەكەمەنىڭ ورىنباسار باستىعى شۇي حۇڭيان.
ءبىرىنشى ماۋسىمدا تارباعاتاي ايماعى 40 رەت سىرتقا شىعىپ ساۋداگەر شاقىرۋ قيمىلىن ورىستەتىپ، 500 نەشە كاسىپورىنمەن ۇشتاسىپ، 240تان استام كاسىپورىندى تارباعاتايعا كەلىپ سول جەردىڭ وزىندە تەكسەرۋ جۇرگىزۋگە ۇسىنىس ەتىپ، حۋانىڭ شينجياڭ ەنەرگيا اشۋ شەكتى سەرىكتەستىگىنىڭ تازا ەنەرگيا بولىمشە سەرىكتەستىگى، مايگىنا ماگنيتتى موتور شەكتى جارنا سەرىكتەستىگى، داليان رۇيلىمۋ جەل ەلەكتر عىلىم - تەحنيكاسى شەكتى سەرىكتەستىگى سياقتىلارمەن 65 نىسان جونىندە كەلىسىم جاساسىپ، كەلىسىم سوماسى 89 ميلليارد 637 ميلليون يۋان بولدى. قازىر مەملەكەتتىك ەلەكتر قۋاتى قارجى قوسۋ توبى، شينجياڭ ەنەرگيا (توبى) شەكتى جاۋاپكەرشىلىك سەرىكتەستىگى، شاندۇڭ بەيجين توبى شەكتى سەرىكتەستىگى سياقتىلاردىڭ 95 نىسانىنىڭ قۇرىلىس جۇمىسى باستالىپ، 2 ميلليارد 860 ميلليون يۋان قارجى تياناقتاندى.
”كەلەسى قادامدا ءبىز ءىرى ساندى مالىمەت ارقىلى ساۋداگەر شاقىرۋدان جانە تاپسىرىس بويىنشا ساۋداگەر شاقىرۋدان تولىق پايدالانىپ، تۇيىندە تۇرىپ ساۋداگەر شاقىرۋعا بايلانىس جاسايتىن 5 ورىننىڭ رولىن ساۋلەلەندىرىپ، تۇيىندە تۇرىپ ساۋداگەر شاقىرۋ، شينجياڭعا باعىتتامالى كومەكتەسۋ بويىنشا ساۋداگەر شاقىرۋ، ساۋدا ارقىلى ساۋداگەر شاقىرۋ، جينالىس - كورمە ارقىلى ساۋداگەر شاقىرۋ، شاعىن بولىمشە اترەتتەر ارقىلى ساۋداگەر شاقىرۋ سياقتى ”كەشەندى شارانى“ ۇزدىكسىز ويداعىداي قولدانىپ، كەلەلى نىساندار مەن ءتۇيىندى كاسىپ سالالارىنىڭ جوعارعى، تومەنگى بۋىنىنداعى نىسانداردان ءبىر توبىن ەنگىزىپ جانە قۇرىپ، ناقتى ەكونوميكانى زورايتىپ، ايماق ەكونوميكاسىنىڭ جوعارى ساپالى دامۋىن قۇلشىنا ىلگەرىلەتەمىز“، - دەدى شۇي حۇڭيان.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
