شينجياڭنىڭ ءجۇز نەشە سارا تۇتىنۋ بۇيىمى تۇتىنۋ بۇيىمدارى كورمەسىندە بوي كورسەتتى
2023.04.12 15:39 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى حي حۇڭۋي 4 - ايدىڭ 10 - كۇنى حايكوۋدان حابارلايدى. 4 - ايدىڭ 10 - كۇنى ”ەسىك اشۋ ورايىنان بىرگە يگىلىكتەنىپ، تاماشا تۇرمىستى بىرگە جاراتۋدى“ نەگىزگى تاقىرىپ ەتكەن 3 - كەزەكتى جۇڭگو حالىقارالىق تۇتىنۋ بۇيىمدارى كورمەسى حايكوۋدا اشىلدى. شينجياڭ ءجۇز نەشە كاسىپورىندى ۇيىمداستىرىپ، بۇل جولعى تۇتىنۋ كورمەسىنە قاتىناستىردى، مۇنىڭ ىشىندە 22 كاسىپورىن كورمەگە قاتىناسىپ، توقىماشىلىق، كيىم - كەشەك، اۋىل شارۋاشىلىعى ونىمدەرى، ازىق - تۇلىك، مادەنيەت جاسامپازدىعى ونىمدەرى، قاس تاسى ويماسى سياقتى ءجۇز نەشە سارا تۇتىنۋ بۇيىمىن اپاردى.
وسى جولعى تۇتىنۋ بۇيىمدارى كورمەسىندە شينجياڭ سارايى ”شينجياڭ جاقسى جەردى“ نەگىزگى تاقىرىپ ەتىپ، ”شينجياڭنىڭ اسەم كيىم - كەشەكتەرى“، ”شينجياڭنىڭ ءدامدى تاعامدارى“، ”شينجياڭنىڭ مادەنيەت جاسامپازدىعى“، جانە ”شينجياڭنىڭ ساياحاتى“ سىندى 4 ۇلكەن كورمە اۋماعىن جوسپارلاپ، شينجياڭنىڭ وڭىرلىك ەرەكشەلىگىن تولىق ايگىلەپ، جاڭا داۋىردەگى شينجياڭنىڭ قاۋلاعان دامۋ ومىرشەڭدىك كۇشىن ايگىلەۋدى ماقسات ەتتى.
شينجياڭ سارايىندا جەر - جەردەن كەلگەن ساۋداگەرلەر جاپا - تارماعاي كەلىپ سەلبەسۋ نيەتىن ءبىلدىردى. حايناندىق ساۋداگەر دۇڭ جيڭ تۇيە ءسۇتى تالقانىنا قاتتى قىزىقتى، ول: ”تۇيە ءسۇتى تالقانىنىڭ قورەكتىك قۇنىن بىلگىم كەلەدى، ىشكەرىلەي سەلبەسۋ ويىندامىن“، - دەدى.
شينجياڭ جۇڭتو بيو عىلىم - تەحنيكا شەكتى سەرىكتەستىگىنىڭ ساتۋ ديرەكتورى حۋ حۇڭچياڭ بىلاي دەپ تانىستىردى: سەرىكتەستىك تازا تۇيە ءسۇتى تالقانى، زالالسىزداندىرىلعان تۇيە ءسۇتى سياقتى ونىمدەردى كورمەگە قويدى. ”كورمەدە قورجىنىمىز توق بولدى، ءبىر كۇننىڭ ىشىندە 10عا جۋىق ساۋداگەرمەن سەلبەستىك نيەتىنە كەلىستىك“. ول بىلاي دەدى: تۇتىنۋ بۇيىمدارى كورمەسى تۇعىرى ارقىلى ەل ءىشى - سىرتىنداعى ءتىپتى دە كوپ تۇتىنۋشىلاردىڭ شينجياڭنىڭ ساپالى تۇيە ءسۇتىن ىشە الۋىنا مۇمكىندىك جاساپ، مۇنان دا كوپ ساۋداگەرمەن سەلبەستىك جاساۋدى ءۇمىت ەتەمىن.
شينجياڭ سارايىنداعى كوزگە وڭاي تۇسەتىن جەرگە ورنالاسقان ”شينجياڭنىڭ اسەم كيىم - كەشەكتەرى“ كورمە اۋماعىندا شينجياڭ كاسىپورىندارى توقىماشىلىق، كيىم - كەشەك تۇتاس كاسىپ سالاسى تىزبەگىنىڭ ءوندىرىس قۋاتىن ايگىلەدى.
ءۇرىمجى مەيلييوۋ كيىم - كەشەك مادەنيەت شەكتى سەرىكتەستىگىنىڭ شينجياڭ ماقتاسىن ماتەريال ەتكەن اتلاس ەلەمەنتى سىڭىرىلگەن ۇزىن كويلەك سياقتى كيىم - كەشەكتەرى تالاي ساۋداگەردى ايالداپ كورۋگە باۋرادى. ”تۇتىنۋ بۇيىمدارى كورمەسى جۇڭگوداعى تاڭداۋلى كاسىپورىندارعا كوپىر سالۋمەن بىرگە، شەتەل كاسىپورىندارىنىڭ جۇڭگو بازارىندا ءورىس اشۋىنا دەم بەردى، ءبىز ەڭ ساپالى ونىمدەرىمىزدى ساۋداگەرلەرگە كورسەتىپ، شينجياڭنىڭ ساپالى ماقتاسىنان جاسالعان ونىمدەردىڭ اناعۇرلىم كەڭ بازارعا بەت الۋىن ءۇمىت ەتەمىز“، - دەدى وسى سەرىكتەستىكتىڭ جاۋاپتىسى گۇلگينا تاشمامەت.
كورمەدە كورمەلەۋمەن بىرگە، شينجياڭ ساۋدا ۇيىرمەسى تاعى تۇتىنۋ بۇيىمدارى كورمەسى كەزىندە ”قول قويۋ سالتى“، ”شينجياڭ كۇنى“، ”شينجياڭ ايگىلى ماركالى ونىمدەرىن تۇتىنۋدىڭ ون مىڭ شاقىرىمدىق ساپارى“ سياقتى جەلىلەس قيمىلدار وتكىزەدى. شينجياڭنىڭ ساپالى ماقتا توقىما ونىمدەرىن سىرتقا اناعۇرلىم ويداعىداي تانىستىرۋ ءۇشىن، ولاردى قابىلداعان قاتىستى قوناق ۇيلەردە تاعى شينجياڭ ماقتاسىنىڭ ۋاقىتتىق كورمە اۋماعىن ورنالاستىرىپ، شينجياڭنىڭ ساپالى ماقتاسىن ءتىپتى دە كوپ تاسىلمەن ۇگىتتەپ، شينجياڭ ماقتاسىنىڭ ىقپال كۇشىن كەڭەيتەدى ەكەن.
اۆتونوميالى رايوندىق ساۋدا ىستەرى مەڭگەرمەسىنىڭ ورىنباسار باستىعى حى گوچيڭ مىنالاردى ءبىلدىردى: تۇتىنۋ بۇيىمدارى كورمەسى تۇعىرىنان پايدالانىپ، شينجياڭنىڭ وڭىرلىك ورىن باسىمدىعىن، بايلىق باسىمدىعىن، گۋمانيتارلىق باسىمدىعىن جانە ساياسات باسىمدىعىن تولىق ۇگىتتەپ، تانىستىرىپ، شينجياڭنىڭ ساپالى ونىمدەرىن كورمەلەۋ، تانىستىرۋ تەبىنىن ارتتىرىپ، شينجياڭنىڭ اناعۇرلىم كوپ ساپالى ونىمدەرىن سىرتقا شىعارىپ، ەل ءىشى - سىرتىنداعى ءتىپتى دە كوپ كاسىپورىنداردى كەلۋگە باۋراپ، شينجياڭ كاسىپورىندارىنىڭ ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىمەن بەلسەنە توعىسۋىنا دەم بەرۋدى ءۇمىت ەتەمىن.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
