ماشينا زاقىمداپ دەنەسىنەن بۇكىلدەي ءۇزىلىپ قالعان بىلەكتى تىرسەگىنە تەلۋ ارقىلى قايتادان جالعادى
شي – اندا بىلەكتى قايتادان جالعاۋ وپەراتسياسى ءساتتى ورىندالدى
2023.04.12 15:07 كەلۋ قاينارى : حالىق تورابى
حالىق گازەتىنىڭ ءتىلشىسى گۇڭ شىجيان 4 – ايدىڭ 11 – كۇنى شي – اننان حابارلايدى. ماشينا زاقىمداپ، دەنەسىنەن بۇكىلدەي ءۇزىلىپ قالعان بىلەكتى تىرسەگىنە تەلۋ ارقىلى قايتادان جالعادى. 4 – ايدىڭ 11 – كۇنى، اۋە ارمياسى اسكەري ەمحاناسى ءبىر ناۋقاسقا ”زاقىمدالىپ ۇزىلگەن بىلەكتى ورىن اۋىستىرىپ تەلۋ ارقىلى بۇكىلدەي قايتا قۇراستىرىپ، قايتادان جالعاۋ وپەراتسياسىن“ ءساتتى ورىنداعانىن جاريالادى، اتالعان ەمحانا بىلەكتىڭ ورتا بولىگىندەگى 7 سانتيمەترلىك ورىنداعى سۇيەك، نەرۆ، قان تامىرى، تەرى قاتارلى كلەتكالاردى قايتادان جاساۋدى ورىنداپ، قوس بىلەكتىڭ ۇزىندىعىنىڭ تەڭ بولۋى، قۋاتىن قالپىنا كەلتىرۋ قاتارلى تەحنيكالىق قيىن ماسەلەلەردە ناتيجە جاراتقان.
2 – ايدىڭ 14 – كۇنى، جاڭ مىرزا قىزمەت بارىسىندا كەزدەيسوق جاعدايعا دۋشار بولىپ، وڭ جاق بىلەگى سەمەنت ارالاستىرعىش ماشينانىڭ سەمەنت ارالاستىرۋ دوڭگەلەگىنە كىرىپ كەتكەن ءارى بىلەگى بۇكىلدەي ۇزىلگەن، بىلەگىنىڭ ورتا بولىگىندەگى كوپ ءبولىم جەردەگى سۇيەگى، جۇمساق تىكاندارى تۇگەلدەي جوق بولعان، تەرىسى، بۇلشىق ەتى، قان تامىرى، نەرۆ جۇيەسى اۋىر دارەجەدە ءبۇلىنىپ، ەمحاناعا شۇعىل جەتكىزىلگەن.
دەنە مۇشەسىن امان ساقتاپ قالۋمەن بىرگە، قولدىڭ قۋاتىن مۇمكىندىكتىڭ بارىنشا امان ساقتاپ قالۋعا بولا ما؟ اۋە ارمياسى اسكەري شيپاگەرلىك داشۋەسىنىڭ شيجيڭ ەمحاناسى مەن 986 – ەمحانانىڭ سىرتقى اۋرۋلار ءبولىمىنىڭ بىرلەسكەن ۇجىمى جان – جاقتى تۇجىرىم جاساعان سوڭ، ”تەلۋ ارقىلى قايتادان جالعاۋ“ سىندى بۇكىلدەي قايتا قۇراستىرۋ ارقىلى جالعاپ، دەنە مۇشەسىن ساقتاپ قالۋ جوباسىن جاسامپازدىقپەن ورتاعا قويىپ، بۇل جوبا بىردەن ماقۇلدانادى. ناۋقاستىڭ ۇزىلگەن سول بىلەگىن الدىمەن ونىڭ سول جاق تىرسەگىنە تەليدى، تەلىگەن دەنە مۇشەسى جەتىلىپ، جاراقات بەتىندەگى تىكانداردىڭ شەت – شەكاراسى ايقىندالىپ، ناۋقاستىڭ بۇكىل دەنەسىنىڭ جاعدايى ويداعىداي قالپىنا كەلگەن سوڭ، تەلىگەن دەنە مۇشەسىن بۇكىلدەي قايتا قۇراستىرىپ، بىلەكتى جالعاۋ وپەراتسياسىن جاساپ، ۇزىلگەن بىلەكتى اسىلگى ورنىنا قايتا جالعايدى. تەلىگەن دەنە مۇشەسى جەتىلگەن سوڭ، جالعاۋ وپەراتسياسى ءتورت باسقىش بويىنشا جۇرگىزىلەدى، ءتورت گرۋپپاداعى شيپاگەرلەر بىرىنەن سوڭ ءبىرى ىسكە كىرىسىپ، 12 ساعات دەگەندە بىلەكتى ورنىنا ءساتتى جالعاپ، وپەراتسيانى ءساتتى ورىندايدى.
”قازىر نەرۆ پەن بۇلشىق ەت فۋنكتسياسى قايتادان جالعاستىرىلدى، بىلەگىن اينالدىرۋدى ورىنداي الاتىن بولدى، ەندى ءبىر ايدان سوڭ قولىمەن زات ۇستاي الاتىن بولادى“، — دەيدى شيجيڭ ەمحاناسى سۇيەك اۋرۋلارى ءبولىمىنىڭ پروفەسسورى سۇڭ رۇي.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
