بىرلەسكەن مەملەكەتتەر ۇيىمىنىڭ مەجەلەۋىنشە، ءۇندىستاننىڭ جان سانى جۇڭگودان اسىپ، دۇنيە ءجۇزى بويىنشا ءبىرىنشى ورىنعا شىعادى
2023.04.13 14:12 كەلۋ قاينارى : حالىق تورابى
حابارعا قاراعاندا، بىرلەسكەن مەملەكەتتەر ۇيىمى جۋىردا بولجام مالىمەتىن جاريالاپ، 2023 – جىلى ءۇندىستاننىڭ جان سانىنىڭ جالپى مولشەرى جۇڭگودان اسىپ، دۇنيە ءجۇزى بويىنشا جان سانى ەڭ كوپ مەملەكەت بولادى دەپ بولجام جاساعان. ا ق ش اقپارات قۇرالدارىنىڭ جان سانى سالاسىنداعى مامانداردىڭ بولجامىنان سيتات كەلتىرە وتىرىپ حابارلاۋىنشا، ءۇندىستان جان سانىنىڭ جۇڭگودان اساتىن ناقتى ۋاقىتى مەجەمەن 4 – ايدىڭ ورتا شەنىندە بولادى دەپ مەجەلەگەن.
بىرلەسكەن مەملەكەتتەر ۇيىمىنىڭ «دۇنيە ءجۇزى جان سانىنىڭ بولاشاعىنا نازار 2022» اتتى بايانداماسىنا قاراعاندا، دۇنيە ءجۇزى جان سانى 2022 – جىلى 11 – ايدا 8 ميلليارد ادامعا جەتكەن. جۇڭگو مەن ءۇندىستان ەكى ەلدە دە ءبىر ميلليارد 400 ميلليون ادامنان اساتىن جان سانى بار، دەمەك، 8 ميلليارد ادامنان اساتىن دۇنيە ءجۇزى جان سانىنىڭ ۇشتەن ءبىرى ءۇندىستان مەن جۇڭگودا.
مالىمەتكە قاراعاندا، 2023 – جىلى ءۇندىستان جان سانىنىڭ جالپى مولشەرى جۇڭگودان اسىپ، دۇنيە ءجۇزى بويىنشا جان سانى ەڭ كوپ مەملەكەت بولادى.
بىرلەسكەن مەملەكەتتەر ۇيىمىنىڭ مالىمەتىنە قاراعاندا، ءۇندىستاننىڭ جان سانى بولاشاقتا تاعى دا ۇزدىكسىز ارتادى، 2050 – جىلعا بارعاندا شامامەن ءبىر ميلليارد 670 ميلليون ادامعا جەتەدى، 2064 – جىلعا بارعاندا، جان سانى ەڭ جوعارى شەككە جەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
