حان جىڭ ا ق ش ينتەل سەرىكتەستىگىنىڭ باس اتقارۋشى ءمانساپتىسى پەت گەلسينگەرمەن كەزدەستى
2023.04.13 16:03 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 12 - كۇنى، بەيجيڭ (ءتىلشى ليۋ حۋا)، 4 - ايدىڭ 12 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە ا ق ش ينتەل سەرىكتەستىگىنىڭ باس اتقارۋشى ءمانساپتىسى پەت گەلسينگەرمەن كەزدەستى.
حان جىڭ مىنالاردى ءبىلدىردى: جۇڭگو رەفورما جاساپ، ەسىك اشۋ سىندى نەگىزگى مەملەكەت ساياساتىندا باستان - اياق تاباندى بولادى، اشىق ەسىگى بارعان سايىن ايقارا اشىلا تۇسەدى. جۇڭگو شەتەل كاپيتالىمەن قۇرىلعان كاسىپورىندارعا قىزمەت وتەۋدى ۇزدىكسىز ساپالىلاندىرىپ، بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن قۇلشىنا جاراتىپ، ءار ەل كاسىپورىندارىمەن جۇڭگونىڭ دامۋىنىڭ جاڭا ورايىنان بىرگە يگىلىكتەنەدى. ەكونوميكانىڭ جاھاندانۋى − بوگەۋ بەرمەس تاريحي اعىم، ەل ارالىق سەرىكتەستىكتەر ورنىن وگەيسىتۋگە بولمايتىن ماڭىزدى قوزعاۋشى كۇش رەتىندە قيىنشىلىق پەن سىن - سايىستى جەڭىپ، دۇنيە جۇزىلىك ەكونوميكا - ساۋدا مەن كاسىپ سالاسىنىڭ اناعۇرلىم جاقسى سەلبەستىگىن جەبەۋى كەرەك. ينتەل سەرىكتەستىگىنىڭ جۇڭگو بازارىنا تەرەڭ تامىر تارتىپ، جۇڭگو مەن ا ق ش - نىڭ ەكونوميكا - ساۋدا سەلبەستىگىن جەبەپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتىلىعىن قورعاۋعا ۇلەس قوسۋىن قارسى الامىز.
گەلسينگەر جۇڭگونىڭ ەكونوميكالىق، قوعامدىق دامۋ جەتىستىكتەرىن ايرىقشا القادى، جۇڭگو ۇكىمەتىنىڭ ۇزاق ۋاقىتتان بەرى ساۋدا ورتاسىن ۇزدىكسىز ساپالىلاندىرىپ، شەتەل ساۋداگەرلەرىنىڭ قارجى قوسۋ ۇقىق - مۇددەسىن قورعاعانىنا العىس ايتتى، ينتەلدىڭ جۇڭگو بازارىنىڭ بولاشاعىنا ۇمىتپەن قاراپ، ۇسىنىلىمدى ۇزدىكسىز ارتتىرىپ، جۇڭگومەن سەلبەستىكتى تەرەڭدەتەتىنىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
