اۆتونوميالى رايوننىڭ ماقتا كاسىپ سالاسىن دامىتۋ باسشىلىق گرۋپپاسى ءماجىلىس اشتى
ماقتا كاسىپ سالاسىنىڭ ورنىقتى، اقاۋسىز، جوعارى ساپالى دامۋىن ىلگەرىلەتۋ كەرەك
2023.04.13 15:53 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 4 - ايدىڭ 11 - كۇنى ۇرىمجىدەن حابارلايدى. 4 - ايدىڭ 11 - كۇنى تۇستەن كەيىن اۆتونوميالى رايوننىڭ ماقتا كاسىپ سالاسىن دامىتۋ باسشىلىق گرۋپپاسى 2023 - جىلعى ءبىرىنشى جالپى ءماجىلىسىن اشىپ، رايونىمىزدىڭ 2022 - جىلعى ماقتا كاسىپ سالاسىنىڭ دامۋ احۋالى جونىندەگى مالىمەتتى تىڭداپ، رايونىمىزدىڭ ماقتا كاسىپ سالاسىنىڭ دامۋىندا ورىن تەۋىپ وتىرعان ماسەلەلەر مەن قيىنشىلىقتارعا تالداۋ جاساپ، تۇجىرىمداپ جانە ونى كۇش سالا شەشىپ، «ماقتا كاسىپ سالاسىنىڭ جوعارى ساپالى دامۋىن ىلگەرىلەتۋ جونىندەگى اتقارۋ پىكىرى» 3 جىلدىق ارەكەت جوباسىن تياناقتاندىرىپ، رايونىمىزدىڭ ماقتا كاسىپ سالاسىنىڭ ورنىقتى، اقاۋسىز، جوعارى ساپالى دامۋىن ىلگەرىلەتتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: 2022 - جىلى رايونىمىز ماقتانىڭ بىرلىك ءونىمى مەن ساپاسى، كولەمدەنۋى جانە ماشينالانۋى، زەردەلىلەنۋى سياقتى كوپتەگەن جاقتاردا تىڭ ناتيجەلەر جاراتىپ، باسىم ورنى اناعۇرلىم بەكەمدەلدى. شينجياڭنىڭ ماقتا كاسىپ سالاسىنىڭ جوعارى ساپالى دامۋىن ىلگەرىلەتۋدىڭ ماڭىزدى ءمانىن جەتە تانىپ، ساياسي دەڭگەيدى شىن مانىندە جوعارىلاتىپ، ”مەملەكەتتىڭ زور ءىسىن“ كوكەيدە ساقتاپ، پارتيا ورتالىق كوميتەتىنىڭ، مەملەكەتتىك كەڭەستىڭ ماقتا كاسىپ سالاسىن دامىتۋ جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ تالابىنا ساي، سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن كوزدەپ، رايونىمىزدىڭ ماقتا كاسىپ سالاسىنىڭ باسىمدىعى مەن كومەسكى قۋاتىن ۇزدىكسىز كادەگە جاراتىپ، كاسىپ سالاسى شوعىرىن قۇرۋدى جەدەلدەتىپ، رايونىمىزدىڭ ماقتا كاسىپ سالاسىنىڭ ورنىقتى، اقاۋسىز دامۋىن ىلگەرىلەتىپ، مەملەكەتتىڭ توقىماشىلىق، كيىم - كەشەك كاسىپ سالاسى تىزبەگىنىڭ حاۋىپسىزدىگىن قامتاماسىز ەتۋگە اناعۇرلىم كوپ شينجياڭ ۇلەسىن قوسۋ كەرەك.
ءماجىلىس مىنالاردى اتاپ كورسەتتى: «ماقتا كاسىپ سالاسىنىڭ جوعارى ساپالى دامۋىن ىلگەرىلەتۋ جونىندەگى اتقارۋ پىكىرىنىڭ» 3 جىلدىق ارەكەت جوباسىن دايەكتىلەندىرىپ، تياناقتاندىرىپ، ماقتا كاسىپ سالاسىنىڭ ورنالاسىمىن ۇزدىكسىز ساپالىلاندىرىپ، ساپالى تۇقىم جەتىلدىرۋدى جەدەلدەتىپ، ۇزىن تالشىقتى ماقتا تۇقىمىن ساپالىلاندىرۋدى جانە تەحنيكالىق قامال الۋدى تىڭعىلىقتى ىلگەرىلەتۋ؛ مەملەكەتتىڭ ساپالى ماقتا، ماقتا ءجىپ بازاسى قۇرىلىسىن تەزدەتىپ، ماقتاعا نىسانالى باعا بويىنشا قوسىمشا قاراجات بەرۋدى ساپامەن بايلانىستىرۋ سىناق ءتۇيىنى قىزمەتىن ىلگەرىلەتۋ؛ تۇتاس كاسىپ سالا تىزبەگىندە تەحنيكالىق جاڭالىق اشۋدى كۇشەيتىپ، جاڭالىق اشۋ ورتالىعى، ءتۇيىندى تاجىريبەحانا، ينجەنەريا زەرتتەۋ ورتالىعى قۇرىلىسىن ورنالاستىرۋدى ىلگەرىلەتۋ؛ حيميالىق تالشىق، گۇل باسۋ - بوياۋ، كيىم - كەشەك، ءۇي توقىمالارى، ءبىز توقىماشىلىعى جانە جوبالاۋ سياقتى كاسىپ سالا تىزبەگىنىڭ، قامداۋ تىزبەگىنىڭ ولقىلىقتارىن كۇش سالا تولىقتاپ، ماقتا توقىماشىلىق كاسىپوىندارىنىڭ سيفرلاندىرىپ، زەردەلىلەندىرىپ دارەجەسىن ءوسىرىپ جاڭالاۋ جۇرگىزۋىن جانە تەحنولوگيالىق جاڭالىق اشۋىن قولداۋ؛ تىزبەكتى ۇزارتۋ، تىزبەكتى تولىقتاۋ، تىزبەكتى كۇشەيتۋ بويىنشا ساۋداگەر شاقىرىپ، ماقتا جانە توقىماشىلىق، كيىم - كەشەك كاسىپ سالاسىنىڭ ساياساتتارىن ويداعىداي تياناقتاندىرىپ، كاسىپورىننىڭ تابىس سەزىمىن ۇزدىكسىز كۇشەيتۋ كەرەك.
ءماجىلىس بىلاي دەپ باسا دارىپتەدى: بيىلعى ماقتا كاسىپ سالاسىن جوعارى ساپالى دامىتۋدىڭ ءتۇيىندى قىزمەتتەرىن تىعىز ارقاۋ ەتە وتىرىپ، جاڭا كەزەكتى ماقتانىڭ نىسانالى باعا ساياساتىن اتقارۋ جوباسىن جانە سايكەستى ساياساتتاردى زەرتتەپ شىعارىپ، قوسىمشا قاراجات ءتاسىلىن رەتتەپ، كەمەلدەندىرۋ كەرەك. ماقتا جانە مۇناي حيميا كاسىپ سالاسىنىڭ توعىسا دامۋىن ىلگەرىلەتۋ جاعىندا مەملەكەتتىڭ قولداۋىنا بەلسەنە قول جەتكىزىپ، ورتا ازياعا، باتىس ازياعا بەت العان توقىماشىلىق، كيىم - كەشەك مانەرلەۋ بازاسىن قۇرۋ كەرەك. فينانستىق قولداۋ كورسەتۋ، قىزمەت وتەۋ سەرپىنىن ارتتىرىپ، فينانس حاۋىپ - قاتەرىنەن ءونىمدى ساقتانۋ جانە ونى جويۋ كەرەك. توقىماشىلىق، گۇل باسۋ - بوياۋ كاسىپ سالاسىنىڭ تىزبەكتى ۇزارتۋ، تىزبەكتى كۇشەيتۋ رولىن ساۋلەلەندىرىپ، شينجياڭ ىشىندەگى توقىماشىلىق، گۇل باسۋ - بوياۋ كاسىپورىندارىنىڭ گۇل باسىپ بوياعان ونىمدەرىن سول جەردىڭ وزىندە وڭدەۋ سالىسىرماسىن جوعارىلاتۋ كەرەك. ىشكى - سىرتقى ساۋدانى ءبىر تۇلعالاندىرا دامىتۋدى تىڭعىلىقتى ىلگەرىلەتىپ، ماقتا كاسىپ سالاسىنىڭ جانە ماقتا توقىما بۇيىمدارى تۇتىنۋىن جەبەۋدى، ءوندىرۋ مەن ساتۋدى ۇشتاستىرۋدى كۇشەيتىپ، ەل ءىشى، حالىقارا بازارىن ۇزدىكسىز كەڭەيتۋ كەرەك. بيڭتۋان مەن جەرگىلىكتى ورىننىڭ ءوزارا ۇيرەنىپ، ءوزارا كومەكتەسۋىن كۇشەيتىپ، بيڭتۋان مەن جەرگىلىكتى ورىننىڭ ماقتا بازارىنىڭ توعىسۋىن ۇزدىكسىز ىلگەرىلەتۋ كەرەك.
ءماجىلىس بىلاي دەپ اتاپ كورسەتتى: قازىر رايونىمىزدىڭ كوكتەمگى تۇقىم ءسىڭىرۋ قىزمەتى ورىستەتىلۋدە، ماقتا ەگەتىن ءارقايسى ايماق، وبلىس، قالالار جانە قاتىستى تاراۋلار تۇقىممەن قامداۋعا جانە كوكتەمگى تۇقىم ءسىڭىرۋدىڭ ساپاسىنا ايرىقشا ءمان بەرىپ، بيىلعى ماقتا قىزمەتىن تىڭعىلىقتى ويداعىداي ىستەۋ ءۇشىن جاقسى باستاما اشىپ، جاقسى قادام تاستاۋ كەرەك.
چىن ۋيجۇن ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
