بيىل شينجياڭ تەمىر جولىنىڭ جولاۋشى تاسىمال مولشەرى سايكەس مەزگىلدەگىدەن ％30 ارتتى
2023.04.14 16:37 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لۋ فىڭباۋ 4 - ايدىڭ 12 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، ءبىرىنشى ماۋسىمدا شينجياڭ تەمىر جولىنىڭ جالپى جولاۋشى تاسىمال مولشەرى 8 ميلليون 406 مىڭ ادام (رەت) بولىپ، بىلتىرعى سول تۇستاعىدان ％4. 33 ارتقان.
كوكتەم مەرەكەسى كەزىندەگى تاسىمالدىڭ جەبەۋىمەن ءبىرىنشى ماۋسىمدا شينجياڭعا كىرىپ - شىعاتىن جولاۋشىلار لەگىندە ارتۋ اۋقىمى بايقالعان. كوكتەم مەرەكەسى كەزىندەگى تاسىمال اياقتاعاننان كەيىن، قايتىپ جۇمىس ىستەيتىن جولاۋشىلار لەگى ۇزدىكسىز ارتىپ، كوكتەم مەرەكەسى كەزىندەگى تاسىمالدان كەيىنگى ورلەۋدى قالىپتاستىرىپ، شينجياڭ تەمىر جولى تاعى دا جولاۋشىلار لەگىنىڭ قاۋىرت مەزگىلىن قارسى العان.
”ءبىز كوكتەم مەرەكەسىنىڭ الدىنداعى، مەرەكە كەزىندەگى، مەرەكەدەن كەيىنگى جولاۋشىلار لەگىنىڭ ەرەكشەلىگى بويىنشا تاسىمال قۋاتىن ورنالاستىرۋدى ويداعىداي ىستەپ، پويەزدەردى الدىن الا ويداعىداي دايىنداپ، جولاۋشىلار لەگىنىڭ احۋالىنا ساي، پويەزدەردى كوبەيتىپ جۇرگىزۋ، مەرەكە، دەمالىستىڭ قاۋىرت مەزگىلىندە جولاۋشى پويەزدەرىن تولىق دايىنداۋ سياقتى شارالاردى قولدانىپ، جولاۋشىلاردىڭ ساپارلاۋ قاجەتىن قاناعاتتاندىردىق“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى جولاۋشى تاسىمال ءبولىمىنىڭ ورىنباسار مەڭگەرۋشىسى سۇڭ چياڭ.
بيىل جىل باسىنان بەرى، شينجياڭنىڭ تەمىر جول تاراۋى جولاۋشىلار لەگى سۇرانىسىن ءدال سايكەستىرىپ، ”ءبىر كۇندە ءبىر سحەما“ اتقارىپ، تاسىمال قۋاتىن ىسكە قوسۋدى يكەمدى ورنالاستىردى.
كوكتەم مەرەكەسى كەزىندە شينجياڭنىڭ تەمىر جول تاراۋى قۇمىل، قۇلجا، كۇيتۇن، قاشقار، حوتان، اقسۋ سياقتى جولاۋشىلار لەگى ءبىرشاما شوعىرلى اعىلعان باعىتتاعى جەرلەردە 19 جۇپ جولاۋشى تاسىمال كەزەكشى پويەزىن قالپىنا كەلتىرىپ، كوبەيتىپ، جيىنى 261 پويەز جۇرگىزدى. سونىمەن بىرگە، قۇمىل، قۇلجا، كورلا، قارامايلى باعىتتارىندا 13 جۇپ ماتورلى ۆاگون قۇراماسىن، قوزعاۋشى كۇش شوعىرلانعان ماتورلى ۆاگوندار قۇراماسىن قوسارلاپ جالعاپ ىسكە قوسىپ، 208 پويەز جۇرگىزىپ، جولاۋشىلاردىڭ اناعۇرلىم ىركىلىسسىز ساپارلاۋىنا مۇمكىندىك جاسادى.
مەرەكەدەن كەيىنگى جۇمىس ىستەۋگە قايتاتىن جولاۋشىلار لەگىنىڭ ارتۋى مەن وقۋشىلار لەگىنىڭ قاباتتاسقان احۋالىمەن ۇشتاستىرىپ، شينجياڭ تەمىر جول تاراۋى لانجوۋ، شي - ان، جىڭجوۋ سياقتى ءتۇيىندى باعىتتاردا شينجياڭعا كىرىپ - شىعاتىن 60 جولاۋشىلار پويەزىن كوبەيتىپ، جولاۋشى تاسۋ قۋاتىنىڭ جەتكىلىكتى بولۋىن قامتاماسىز ەتتى.
”كوكتەم مەرەكەسىنەن كەيىن، قىرۋار شينجياڭعا كەلىپ جۇمىس ىستەۋشىلەر ۆوگزالدا اۋىسىپ، جولاۋشىلار لەگىنىڭ قاۋىرت مەزگىلى 3 - ايدىڭ سوڭىنا دەيىن جالعاستى“. تۇرپان سولتۇستىك ۆوگزالى پارتيا باس ياچەيكاسىنىڭ شۋجيى ۋاڭ يابيڭ بىلاي دەدى: قاۋىرت مەزگىلدە ۆوگزالدىڭ كۇنىنە جونەلتكەن اۋىسۋشى جولاۋشىلار سانى 3000 ادام بولدى، بۇل احۋال 50 كۇنگە تاياۋ جالعاستى.
بيىل ”گۇل تاماشالاۋ“ شينجياڭنىڭ ساياحات بازارىن الدىن الا جانداندىردى. 3 - ايدىڭ 17 - كۇنىنەن قازىرگە دەيىن، شينجياڭ تەمىر جولى جيىنى 40 رەت ”ورىك گۇلى ءنومىرلى“ جوعارى جىلدامدىقتى پويەز جۇرگىزىپ، 16 مىڭ 923 جولاۋشى (رەت) تاسىمالدادى.
شينجياڭعا كەلەتىن جولاۋشىلار ۇزدىكسىز ارتىپ، شينجياڭ تەمىر جولى ”پويەزگە وتىرىپ شينجياڭدى ساياحاتتاۋ“ ساياحات ماركاسىن شىعانداتىپ، شيندۇڭفاڭ جۇردەك پويەزى، ”پويەزگە وتىرىپ شينجياڭدى ساياحاتتاۋ · تيانشان ءنومىرلى“، ”گۇل تاماشالاۋ“ ساياحات پويەزى سياقتى ماركالى ساياحات ارناۋلى پويەزدەرىن ۇسىندى، تۇتاس جىلدا ءار ءتۇرلى 100 ساياحات ارناۋلى پويەزىن جۇرگىزىپ، اناعۇرلىم كوپ ساياحاتشىنى پويەزبەن شينجياڭدى ەمىن - ەركىن ساياحاتتاۋعا باۋراۋدى جوسپارلاپ وتىر.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
