اۆتونوميالى رايوندىق ساياسي كەڭەس ايلىق كەڭەس اڭگىمە ءماجىلىسىن اشتى
باسىمدىق رولدى ساۋلەلەندىرىپ، اۋىل - قىستاقتى گۇلدەندىرۋدى جەبەۋ كەرەك
2023.04.14 16:38 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ يۇنمەي 4 - ايدىڭ 12 - كۇنى ۇرىمجىدەن حابارلايدى. 4 - ايدىڭ 11 - كۇنى 13 - كەزەكتى اۆتونوميالى رايوندىق ساياسي كەڭەس تۇڭعىش رەتكى ايلىق كەڭەس اڭگىمە ءماجىلىسىن اشىپ، ”كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتىڭ گۇلدەنۋىن جاپپاي ىلگەرىلەتۋدى“ ارقاۋ ەتە وتىرىپ ۇكىمەت ءىسىن اقىلداستى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.
ماجىلىستە 11 مۇشە جانە قاتىستى تاراۋلاردىڭ ۋاكىلدەرى ءماجىلىستىڭ نەگىزگى تاقىرىبىن توڭىرەكتەي وتىرىپ تۇرلىشە تۇرعىدان ۇكىمەت ىسىنە سىندارلى اقىل - كەڭەس بەردى. كوپشىلىك بىلاي دەپ قارادى: كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، اۋىل - قىستاقتىڭ گۇلدەنۋىن جاپپاي ىلگەرىلەتۋ − شينجياڭ قىزمەتىنىڭ باس نىساناسىن جۇزەگە اسىرۋدىڭ قاجەتتى تالابى، شينجياڭ ەرەكشەلىگىندەگى وسى زامانعى اۋىل شارۋاشىلىعى كاسىپ سالاسى جۇيەسىن جەدەل قۇرۋدى؛ سۋ مەن تىڭايتقىشتى ءبىر تۇلعالاندىرىپ بەرۋ زەردەلى تەحنيكاسىن جالپىلاستىرىپ، اۋىل شارۋاشىلىعىنداعى عىلىم - تەحنيكا تابىستارىن كادەگە جاراتىپ پايدالانۋدى ىلگەرىلەتۋدى؛ قوعامدىق كاپيتالدى اۋىل - قىستاقتى گۇلدەندىرۋگە جانە اۋىل شارۋاشىلىعىن، اۋىل - قىستاقتى وسىزامانداندىرۋعا ات سالىسۋعا ىنتالاندىرۋدى؛ وڭتۇستىك شينجياڭنىڭ اۋىل - قىستاقتارىنىڭ ەرەكشە كاسىپ سالالارىن دامىتىپ، شارۋالاردى كىرىستەرىن ارتتىرىپ، بايۋعا جەتەكتەۋدى ۇسىنامىز.
نۇرلان ءابىلماجىن بىلاي دەپ اتاپ كورسەتتى: كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، اۋىل - قىستاقتىڭ گۇلدەنۋىن جاپپاي ىلگەرىلەتۋ بارىسىندا كاسىپ سالاسىن گۇلدەندىرۋ سىندى اۋىل - قىستاقتى گۇلدەندىرۋدەگى ماڭىزدىنىڭ ماڭىزدىسىن مىقتى يگەرىپ، اۋىل شارۋاشىلىعىنىڭ، اۋىل - قىستاقتاردىڭ ەرەكشە بايلىقتارىنا سۇيەنىپ، جەرگىلىكتى جاعدايعا قاراي كاسىپ سالاسىن دامىتۋدىڭ سەرپىلىس ءتۇيىنىن دۇرىس تاڭداپ، شينجياڭ ەرەكشەلىگىندەگى وسى زامانعى اۋىل شارۋاشىلىعى كاسىپ سالاسى جۇيەسىن جەدەل قۇرۋ كەرەك. كەدەيلىكتەن ارىلتۋدان قامال الۋ جەتىستىگىن بەكەمدەۋ، كەڭەيتۋ سىندى اۋىل - قىستاقتىڭ گۇلدەنۋىن جاپپاي ىلگەرىلەتۋدىڭ تومەنگى شەك مىندەتىن مىقتاپ يگەرىپ، كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن ۇزدىكسىز كۇشەيتۋ كەرەك. ەگىنشى - مالشىلاردىڭ كىرىسىن ارتتىرۋ سىندى وسى ءبىر وزەكتى مىندەتتى مىقتاپ يگەرىپ، ەگىنشى - مالشىلاردىڭ قالتاسىن بارعان سايىن قامپايتۋعا، تۇرمىسىن بارعان سايىن باياشاتتى ەتۋگە مۇمكىندىك جاساۋ كەرەك. عىلىم - تەحنيكا سىندى وسى ءبىر اۋىل شارۋاشىلىعىندا قۋاتتى رايون قۇرۋدىڭ وتكىر قارۋىن جانە رەفورماداعى شەشۋشى ءتاسىلدى مىقتاپ يگەرىپ، ەگىن، مال شارۋاشىلىعىنىڭ عىلىم - تەحنيكالانۋ، زەردەلىلەنۋ اۋقىمىنا ىرىقتىلىقپەن ۇيلەسىپ، اۋىل شارۋاشىلىعىنا عىلىم - تەحنيكالىق قىزمەت وتەۋدىڭ ”سوڭعى ءبىر شاقىرىمىن“ جالعاۋ كەرەك.
نۇرلان ءابىلماجىن بىلاي دەپ باسا دارىپتەدى: ساياسي كەڭەس مەملەكەتتى باسقارۋ جۇيەسىنىڭ ماڭىزدى قۇرامداس ءبولىمى جانە ارناۋلى كەڭەس قۇرىلىمى رەتىندە، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ جانە كەڭەيتۋ، اۋىل - قىستاقتىڭ گۇلدەنۋىن جاپپاي ىلگەرىلەتۋ جاعىندا وزگەشە باسىمدىققا جانە رولعا يە. باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋىنا ساي، ارناۋلى كەڭەس قۇرىلىمىنىڭ ەرەكشەلىگىن كورنەكتىلەندىرىپ، قوس باعىتتا كۇش سالۋ باسىمدىعىنىڭ رولىن ايگىلەپ، ۇكىمەت ءىسىن كەڭەسۋ جاعىندا، اۋىل شارۋاشىلىعىندا قۋاتتى رايون قۇرۋ سىندى وسى ءبىر نىسانا - مىندەتتى ءتىپتى دە كوبىرەك كوزدەۋ كەرەك؛ دەموكراتيالىق باقىلاۋ جاعىندا، اۋىل شارۋاشىلىعىنىڭ جالپىلىق ءوندىرىس قۋاتىن ۇزدىكسىز كۇشەيتۋگە ءتىپتى دە كوبىرەك نازار اۋدارۋ، مەملەكەتتىڭ استىق حاۋىپسىزدىگىن جانە ماڭىزدى اۋىل شارۋاشىلىق ونىمدەرىمەن قامداۋدى قامتاماسىز ەتۋگە ۇلەس قوسۋ دەڭگەيىن ۇزدىكسىز جوعارىلاتۋ كەرەك؛ تەكسەرۋ - زەرتتەۋ جاعىندا، اۋىل شارۋاشىلىعى عىلىم - تەحنيكاسى مەن اۋىل - قىستاق رەفورماسىنا كوبىرەك قاداعالاي نازار اۋدارىپ، اۆتونوميالى رايوندىق پارتكومعا، ۇكىمەتكە اناعۇرلىم كوپ قۇندى، اتقارۋعا بولاتىن، تياناقتاندىرۋعا بولاتىن پىكىر - ۇسىنىستار بەرۋگە قۇلشىنۋ كەرەك.
اۆتونوميالى رايوندىق ساياسي كەڭەستىڭ ورىنباسار ءتوراعاسى كۇڭ شيڭلۇڭ نەگىزگى تاقىرىپتىق ءسوز سويلەدى. اۆتونوميالى رايوندىق حالىق ۇكىمەتىندەگى قاتىستى جولداستار ماجىلىسكە قاتىناسقانداردىڭ پىكىر - ۇسىنىستارىنا جاۋاپ قايتاردى، اۆتونوميالى رايوندىق اۋىل - قىستاقتى گۇلدەندىرۋ مەكەمەسىنىڭ قاتىستى جاۋاپتىسى جاعدايدى تانىستىردى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
